Dagblaðið Vísir - DV - 05.10.2007, Blaðsíða 17

DV Helgarblað
sálarró. Við erum svo ótrúlega ríkar af
bæði fjölskyldu og vinum, eigum svo
margt fallegt og gott í okkar lífi. Við
teljum okkur líka vera heiðarlegar og
með hreina samvisku. Því er okkar
svar einfaldlega: „Maður, líttu þér
nær.““
Lífsglöð og hafði margt til að
lifa fyrir
Þær segjast hafa fundið sig knún­
ar til að koma í þetta viðtal svo
sannleikurinn kæmi enn frekar í ljós.
„Þetta snýst ekki um okkur þrjár.
Fjölmiðlamenn hafa ítrekað viljað
fá viðtal við okkur aðstandendur
frá því að slysið gerðist, enda um
opinbert sakamál að ræða, sem
alþjóð virtist hafa áhuga á að fylgjast
með. Því tölum við hér fyrir hönd
aðstandenda Maddýjar og Friðriks.
Þetta snýst um foreldra okkar, móður
Friðriks, systkini hans og syni þeirra
beggja. Það hvarflaði aldrei að okkur
að Jónasi dytti í hug að koma sökinni
á Matthildi. Það er nógu erfitt að
upplifa slys og missi, en skelfilegt
að upplifa alla þá fylgifiska sem
hafa fylgt þessu máli. Þetta er, eins
og áður sagði, opinbert sakamál og
því höfum við ekki einu sinni getað
átt sorg okkar í friði. Og enn er sárið
opnað, því finnst okkur við þurfa að
koma ákveðnum atriðum á framfæri,
svo sem að það má undrun sæta
að maðurinn skuli ekki enn vera
kominn á bak við lás og slá. Hann
hefur haft nægan tíma til að koma
ár sinni vel fyrir borð. Auk þess hafa
komið fram hlutir sem almenningur
veit ekki um. Það er svo margt sem
kemur fram í dómnum annað en
að hann ásaki látið fólk um að hafa
valdið slsyinu. Maddý átti svo margt
til að lifa fyrir. Hún var „survivor“, full
af réttlætiskennd og það truflar okkur
að vita ekki hvað gerðist í bátnum
eftir símtalið örlagaríka. Við teljum
að hún hefði gert allt sem í hennar
valdi stóð til að bjarga málum,
sérstaklega vegna þess að það var
ellefu ára gamall drengur í bátnum.
Hún var dugnaðarforkur, kraftmikil,
lífsglöð. Allir fjársjóðir þessa heims
munu aldrei bæta missinn, frekar en
hjá öðrum sem missa einhvern sér
náinn. Sorgin verður alltaf til staðar,
en maður lærir að lifa með henni.
Reiðin kemur upp þegar við upplifum
að sjá það að sá sem var valdur að
dauða hennar skuli komast upp með
að draga á langinn afplánun, halda
áfram að ljúga og svo lætur hann
eins og ekkert hafa í skorist.“
annakristine@dv.is
„Við vorum búnar að heyra utan að okkur að það
ætti að reyna að koma sök á Maddý, systur okkar.
Það hafði Jónas verið að segja við fólk, en það
hvarflaði aldrei að okkur að honum dytti slíkt í
hug. Í héraðsdómi heyrðum við lygarnar fyrst.“
&
&
&
Gerðu vel við
hundinn þinn!
Gott vöruúrval - Hágæða hundafóður!
Lynghálsi 3 Sími: 540 1125
Lónsbakka, Akureyri Sími: 540 1150
www.lifland.is