Fréttatíminn - 10.01.2014, Síða 68

— 8 —
Við þurfum öll að líta í eigin barm
og velta því fyrir okkur hvernig
við myndum bregðast við ef barnið
okkar segðist ætla að vinna við
umönnunarstörf á hjúkrunarheim-
ili og hvort viðbrögðin væru þau
sömu eftir því hvort sonur okkar
eða dóttir ætti í hlut.
Undirbúning-
ur grænmetis-
reits við Lög-
mannshlíð.
Karlar jafn mikilvægir í um­
önnun og konur í stjórnun
Öldrunarheimili Akureyrar stóðu fyrir átaki síðasta vor og hvöttu karlmenn til að sækja um umönnunarstörf. Birtar voru sérstakar
auglýsingar og bárust 25 umsóknir frá körlum. Halldór Sigurður Guðmundsson, framkvæmdastjóri Öldrunarheimila Akureyrar,
segir jafn mikilvægt að karlar sinni umönnun og að konur séu í stjórnunarstörfum – án þess fari samfélagið á mis við margt.
Dagn ý HulDa Er lEnDsDót tir
E ftir átak til að fjölga karlmönnum við umönnunarstörf hjá Öldrunarheimilum Akureyrar síðasta vor bárust 25 um-sóknir frá körlum og voru 16 karlar við störf þar síðasta sumar. Áður höfðu þeir aðeins verið fimm svo fjöldinn tvö-
faldaðist. Nú í vetur hafa starfað 11 karlar við umönnun og vinna þeir
eftir sömu starfslýsingu og fá sömu laun og konur. „Þeir ganga í öll
störf og þrífa, elda, baka, baða, skipta um perur og sinna öllu sem
þarf að sinna,“ segir Halldór Sigurður Guðmundsson, framkvæmda-
stjóri Öldrunarheimila Akureyrar.
Stjórn öldrunarheimilanna taldi mikilvægt að breyta ímynd um-
önnunarstarfa og gera þau almennt meira aðlaðandi. Upp úr þeirri
vinnu spratt sú hugmynd að hvetja karla til að sækja um og ögra þeim
hugmyndum að þetta séu kvenna- en ekki karlastörf. „Við auglýstum
sumarstörf í tvennu lagi. Annars vegar voru almennar auglýsingar og
hins vegar auglýsingar sem beint var sérstaklega til karla. Almennt
hafa konur meiri starfsreynslu á þessu sviði svo við vildum gefa
körlum tækifæri til að öðlast þessa reynslu og eiga möguleika á að
komast í störfin og vera samkeppnishæfir. Þetta var gert með vísan
í jafnréttislög og í samstarfi við Jafnréttisstofu,“ segir Halldór og
leggur áherslu á að breytingar verði líka með aukinni umræðu. „Það
eru víða skiptar skoðanir með aukinn fjölda karla við umönnunar-
störf og mismunandi viðbrögð. Stærsti þátturinn eru samt viðhorfin
í samfélaginu. Við þurfum öll að líta í eigin barm og velta því fyrir
okkur hvernig við myndum bregðast við ef barnið okkar segðist ætla
að vinna við umönnunarstörf á hjúkrunarheimili og hvort viðbrögðin
væru þau sömu eftir því hvort sonur okkar eða dóttir ætti í hlut.“
Hjá öldrunarheimilunum starfa rúmlega þrjú hundruð manns
svo þrátt fyrir góðan árangur af átakinu síðasta vor er hlutfall karla
meðal starfsfólks í umönnunarstörfum aðeins þrjú til fjögur prósent.
„Við ætlum að halda áfram á sömu braut en eigum ennþá langt í land.
Þetta er langtíma verkefni. Samfélagið fer á mis við svo margt með
kynjaskiptum vinnumarkaði, fjölbreytnin er mikilvæg vídd og það er
alveg jafn mikilvægt að karlmenn séu í umönnunarstörfum eins og
konur í stjórnunarstörfum.“
Hjá Öldrunarheimilum Akureyrar starfa 11 karlar við umönn-
unarstörf. Framkvæmdastjóri heimilanna segir mikilvægt að
breyta þeim viðhorfum í samfélaginu að slík störf séu kvenna-
störf. Á myndinni er Jón Þorleifsson starfsmaður með þeim
Hauki Gíslasyni, Birgi Steindórssyni og Magnúsi Jónatanssyni.
KYNNING
S júkraþjálfararnir Erla Ólafsdóttir og Steinþóra Jónsdóttir í Sjúkraþjálfun Styrks eru að byrja með nýtt sex vikna námskeið sem ætlað er þeim sem glíma
við vandamál frá stoðkerfi og hafa ekki fund-
ið sér hreyfingu við hæfi. Námskeiðið kallast
Hreyfigrunnur og hefst á mánudaginn næsta.
„Námskeiðið er byggt upp á einföldum grun-
næfingum og fræðslu. Við leggjum áherslu á að
þátttakendur geri æfingar rétt og læri með því
góða líkamsbeitingu og átti sig á hvernig þeir
eru að beita eigin líkama í þjálfun og einnig í
daglegu starfi,“ segja þær Erla og Steinþóra.
Að námskeiði loknu eiga þátttakendur að vera
betur í stakk búnir að meta hvaða tegund þjálf-
unar hentar hverjum og einum. „Námskeiðið er
því góður grunnur fyrir þá sem vilja koma sér af
stað í hreyfingu en eru óöruggir að byrja vegna
einkenna frá stoðkerfi,“ segja sjúkraþjálfararnir
tveir. Námskeiðin verða alltaf í gangi en fyrsta
námskeiðið hefst núna mánudaginn 13. janúar.
Störf sjúkraþjálfara eru fjölbreytt og lúta
meðal annars að forvörnum, þjálfun, fræðslu
og sérhæfðum meðferðarúrræðum, enda snýst
sjúkraþjálfun um að hjálpa fólki til sjálfshjálpar.
Hver og einn einstaklingur getur sótt sér upp-
lýsingar og fræðslu til sjúkraþjálfara sem hafa
sérhæfða menntun og djúpstæða þekkingu á
stoðkerfi og starfsemi líkamans.
Reglubundin hreyfing er nauðsynleg fyrir
alla, á hvaða aldri sem er og nota sjúkraþjálfarar
hreyfingu sem hluta af meðferð í sínu starfi.
Þetta hafa þær Erla og Steinþóra haft í huga
við undirbúning námskeiðsins.
Hreyfigrunnur er nýjasta viðbótin við fjöl-
breytta starfsemi í heilsurækt Sjúkraþjálfunar
Styrks. Boðið er upp á hópþjálfun fyrir hjarta-
og lungnasjúklinga, einstaklinga með færni- og
jafnvægisskerðingar, konur með vefjagigt, auk
þess sem hraustir einstaklingar geta náð sér í
ráðlagðan dagskammt af hreyfingu í hádeginu.
Hægt er að nálgast frekari upplýsingar um
starfsemi Sjúkraþjálfunar Styrks á heimasíðu
fyrirtækisins www.styrkurehf.is.
Steinþóra og Erla eru að byrja með nýtt námskeið í Sjúkra-
þjálfun Styrks. Námskeiðið kallast Hreyfigrunnur og hentar
vel þeim sem glíma við vandamál frá stoðkerfi og hafa ekki
fundið hreyfingu sem hentar. Ljósmynd/Hari
Hreyfing
fyrir alla
undir
faglegri
leiðsögn