Fjárfesting 1945-1989 - 01.06.1991, Blaðsíða 22
og gert var á því ári, sem fasta verðið er miðað við. Innlendar vélar eru
umreiknaðar með sömu vísitölu og notuð er á innlenda skipasmíði, og lýst er
hér að framan.
Stóriðjuframkvæmdum ogfjárfestingu Landsvirkjunar og Kröfluvirkjunar
er skipt í innlendan og erlendan hluta. Notuð er sérvísitala á erlenda
kostnaðinn og önnur vísitala á innlenda kostnaðinn. Vísitala erlenda kostn-
aðarins er miðuð við verðhækkanir innfluttra fjárfestingarvara. Vísitala
innlenda kostnaðarins er samansett af launavísitölu og vegagerðarvísitölu,
sem talin er gefa vísbendingu um verðbreytingar á taxta stórvirkra vinnuvéla
og vöruflutningabifreiða.
Vega- og brúagerð er umreiknuð til fasts verðlags samkvæmt vegagerðar-
vísitölu og brúagerðarvísitölu. Þessar vísitölur eru reiknaðar út af Vegagerð
ríkisins. Vegagerðarvísitala er einnig notuð á götur og holræsi.
Fjárfesting pósts, síma, útvarps og sjónvarps er umreiknuð til fasts
verðlags með því að skipta framkvæmdum í innlendan og erlendan kostnað,
og er notuð sitt hvor vísitala á þessa þætti. Einnig er tekið tiilit til breytinga á
opinberum gjöldum. Byggingarvísitala er notuð við umreikning bygginga.
Flugvallaframkvæmdir eru umreiknaðar með þrem vísitölum. Byggingar á
flugvöllum eru umreiknaðar með byggingarvísitölu, flugbrautir með vega-
gerðarvísitölu og flugöryggistæki eru umreiknuð eftir breytingum á innflutn-
ingsverði þeirra.
Reglur þær sem lýst hefur verið hér að framan um útreikning hinna ýmsu
liða fjárfestingar til fasts verðlags, hafa í nokkrum tilvikum breyst lítils háttar
á því tímabili sem skýrslan nær yfir.
3.4 Skipulag talnaefnisins.
í töfluhluta skýrslunnar eru birtar tölur um fjárfestinguna 1945-1989 þ.e.
yfir 45 ára tímabil. Á verðlagi hvers árs og á föstu verði eru birt þrenns konar
yfirlit, í fyrsta lagi sundurliðuð yfirlit, í öðru lagi atvinnugreina- og geiraskipt-
ing og í þriðja lagi tegundaskipting fjárfestingar.
Sundurliðuðu yfirlitin (töflur 1.1-1.6 og 2.1-2.7) sýna þá mestu sundurlið-
un um fjárfestinguna sem tiltæk er. Fjárfestingunni er þar skipt í 10
aðalflokka og hverjum þeirra síðan aftur í misjafnlega marga undirflokka.
Undirflokkar eru rösklega 40.
í atvinnugreina- og geiraskiptingunni (töflur 3.1-3.6 og 4.1-4.7) er
fjárfestingunni fyrst skipt niður á þrjá geira en þeir eru:
Atvinnuvegir
íbúðarhús
Byggingar og mannvirki hins opinbera
Tveim þessara geira, atvinnuvegum og byggingum og mannvirkjum hins
opinbera er síðan skipt frekar upp.