Fjárfesting 1945-1989 - 01.06.1991, Side 40

framkvæmda við vatns- og hitaveitur var um 6% þessi ár, þar af um 5% vegna
framkvæmda við hitaveitur. Hitaveita Reykjavíkur er langstærsta hitaveitan
og nær dreifikerfi hennar auk Reykjavíkur, til Kópavogs, Garðabæjar og
Hafnarfjarðar. í árslok 1989 er hluti íbúða með hitaveitu 85%.
Vatnsveitur eru á öllum þéttbýlisstöðum á landinu og víða í sveitum.
5.5.3 Samgöngumannvirki.
Hlutfall samgöngumannvirkja af heildarfjárfestingu er tiltölulega stöðugt.
Flest árin nemur þetta hlutfall 10-13%. Hámark framkvæmda er á árunum
1973 og 1974 og árið 1987. Árin 1973 og 1974 var óvenjumikið um
vegaframkvæmdir og gatna- og holræsagerð. En árið 1987, sem er mesta
framkvæmdaárið, stafa miklar framkvæmdir af verklokum við Flugstöð Leifs
Eiríkssonar.
5.5.4 Byggingar hins opinbera.
Byggingar hins opinbera eru í hámarki árin 1988 og 1989. Þessi ár er
hlutfall bygginga hins opinbera af heildarfjárfestingu um 10'áo/o 1988 og
H/2% 1989. Fjárfesting í byggingum hins opinbera rúmlega tvöfaldaðist frá
1980 til 1989. Á áttunda áratugnum voru framkvæmdir aftur á móti tiltölu-
lega stöðugar frá ári til árs. Framkvæmdir ársins 1980 voru aðeins 8% meiri
en framkvæmdir ársins 1970. í töflu 7.4 er yfirlit yfir rúmmál fullgerðra
bygginga hins opinbera 1945-1989. Með öðrum opinberum byggingum er
talið fullgert rúmmál ýmissa bygginga, sem eru taldar með fjárfestingu
rafvirkjana og rafveitna, hita- og vatnsveitna og samgöngumannvirkja.
5.6 Tegundaskipting fjárfestingar.
Tegundaskipting fjárfestingar er skipting fjárfestingar í byggingar, vélar og
tæki og önnur mannvirki. Frá og með árinu 1957 bætist fjórði liðurinn við,
bústofnsbreytingar. Bústofnsbreytingar eru taldar til fjárfestingar samkvæmt
hinu nýja þjóðhagsreikningakerfi Sameinuðu þjóðanna. En þjóðhagsreikn-
ingar hér á landi hafa verið aðlagaðir því kerfi frá og með árinu 1957.
5.6.1 Byggingar.
Árlegur meðalvöxtur bygginga frá 1945 til 1989 er 4,2% á ári. Byggingar-
framkvæmdir eru í hámarki 1987. Hlutfall bygginga af heildarfjárfestingu fer
nokkur ár yfir 50%, hæst árið 1956,59%. Lægst var hlutfallið árið 1971,38%.
í töflu 7.3 er birt yfirlit yfir fullgerðar byggingar árin 1945-1989. Sundurliðun
er gerð í íbúðarhúsnæði, atvinnuhúsnæði, opinberar byggingar og útihús í
sveitum. Nánari sundurliðanir á opinberum byggingum og atvinnuhúsnæði
er birt í töflum 7.4 og 7.5. Eins og fram kemur í töflu 7.3 var fullgert
heildarrúmmál allra bygginga á árunum 1945-1989 66,6 milljónir m1. Nokkur
ár fór heildarrúmmálið yfir tvær milljónir m3 á ári. Endurbætur bygginga eru
taldar í fjárhæðum, þegar upplýsingar liggja fyrir.