Fjárfesting 1945-1989 - 01.06.1991, Blaðsíða 24
4.1 Landbúnaður.
a) Ræktun og girðingar.
Heimildir um magn framkvæmda koma frá Búnaðarfélagi íslands.
Stærstu liðirnir eru: nýrækt túna, endurræktun, girðingar og vélgrafnir
skurðir. Grænfóðurakrar voru einn af stærstu liðunum fram til ársins 1984.
En frá og með 1985 var hætt að greiða jarðabótaframlag vegna grænfóð-
urakra og þótti þá eðlilegt að fella þennan lið niður sem fjárfestingu, enda
ekki lengur fyrir hendi upplýsingar um magn framkvæmda. Einingarverð
áranna 1951-1960 eru frá Stéttarsambandi bænda. Þessi einingarverð hafa
hækkað með vísitölu jarðabóta, sem Hagstofan reiknar út árlega. Minni
háttar endurskoðanir hafa verið gerðar á umræddum einingarverðum.
b) Útihús.
Heimildir um magn framkvæmda koma frá Búnaðarfélagi íslands hvað
varðar styrkhæfar byggingar, en magn annarra bygginga er talið samkvæmt
byggingarskýrslum Þjóðhagsstofnunar og fyrirrennara hennar. Stærstu lið-
irnir eru: votheyshlöður, þurrheyshlöður og áburðargeymslur. Þessar bygg-
ingar eru styrkhæfar. Aðrir stærstu liðir eru: fjós, fjárhús, hænsna- og
svínahús og verkfærageymslur. Byggingaskýrslur eru notaðar sem heimild
um þær byggingar, sem ekki eru styrkhæfar. Sökum skamms byggingartíma
eru sömu tölur látnar gilda fyrir framkvæmd og fullgerðar byggingar. Frá og
með árinu 1985 er þó framkvæmdin látin gilda fyrir þær byggingar, sem taldar
eru samkvæmt byggingarskýrslum. Um verðlagningu útihúsabygginga er
sama að segja og um ræktunarframkvæmdirnar. Einingarverðin 1951-1960
eru frá Stéttarsambandi bænda. Þessi einingarverð hafa verið hækkuð
samkvæmt vísitölu húsabóta, sem Hagstofan reiknar út árlega. Minni háttar
endurskoðanir hafa verið gerðar á umræddum einingarverðum.
c) Vélarogtæki.
Vélar og tæki í landbúnaði hafa lengst af verið taldar eftir innflutningi
samkvæmt verslunarskýrslum. Reiknað er út söluverð vélanna með því að
bæta við cif-verðið opinberum gjöldum, kostnaði við innflutninginn og
álagningu innflytjandans.
d) Landgræðsla og skógrækt.
Þessi liður er talinn samkvæmt upplýsingum í ríkisreikningi.
e) Fiskeldi.
Fjárfesting í fiskeldi 1985-1989 er áætluð eftir stofnlánum. Á árunum
fyrir 1985 voru upplýsingar fengnar frá Veiðimálastofnun.
f) Loðdýrarækt.
Fjárfesting í loðdýrarækt er áætluð eftir lánveitingum Stofnlánadeildar
landbúnaðarins.