Sveitarstjórnarmál - 01.06.1948, Blaðsíða 43

SVEITARSTJÓRNARMÁL
39
Ákv. til bráðabirgða.
Meðan í gildi er ákvæði 3. gr. laga nr. 20 1942, sbr. b- og g-lið 14. gr. sömu laga,
skal við ákvörðun útsvarsskyldra tekna draga frá hreinum tekjum þess, sem hlunn-
inda nýtur vegna framlags úr nýbyggingarsjóð samkv. 2. efnismálsgr. 3. gr. nefndra
laga, þá fjárhæð, sem gjaldþegn hefur lagt i sjóðinn á útsvarsárinu.
II.
Um einstakar greinar frumvarpsins finnur nefndin ástæðu til að taka fram:
Um 1. gr.
Hér er bætt við þrem orðaskýringum til að losna við málalengingar í sjálfum
lagatextanum. Orðalag einnig glöggvað á stöku stað.
Um 2. gr.
Á greininni eru gerðar nokkrar breytingar á orðalagi, en efnisbreyting sú ein,
að lagt er til, að undirbúningur fjárhagsáætlana fyrir sveitarsjóðina fari fram á
sama tima í hreppum og kaupstöðum, en geti þó orðið með nokkuð einfaldari hætti
í hinum fyrrtöldu.
Um 3. gr.
Óbreytt að efni til.
Um 4. gr. (áður 6.—7. gr.)
Að ótöldum orðalagsbreytingum til skýringar eða til útfyllingar er lagt til að
gera þessar breytingar helztar á efni greinarinnar (þ. e. um útsvarsskyldu):
1. Áð fyrirmæli um lágmarksupphæð útsvars og um skemmstan búsetutíma í
landinu sem skilyrði fyrir útsvarsskyldu falli niður í þessu sambandi. Fyrra
atriðið virðist þarflaust, en af hinu gat leitt, að innfluttir menn til landsins
gátu dvalið hér meira en ár, áður en hægt var að leggja á þá útsvar.
2. Að tekið sé upp í lögin um undanþágu fyrir forseta Islands, sem ákveðin er í
sérstökum lögum.
3. Að ákvæðunum um undanþágu sendimanna ríkisins, sem utanlands dvelja, sé
brevtt þannig, að þau taki til viðkomandi starfsmanna ríkisins í sendisveitun-
um, og þó þeirra einna, er laun taka samkvæmt lögum nr. 60 frá 1945 (þ. e.
launalögunum).
4. Að undanþága sjóða, stofnana og félaga frá útsvarsskyldu samkvæmt sérstök-
um lögum sé afmörkuð við aðaltilgang þeirra og starfsvið. Má það vera aug-
ljóst, að löggjafinn hefur ekki ætlazt til, að slík hlunnindi næðu til þess, ef
viðkomandi ræki ábatavænlega atvinnu, sem óháð og óskyld væri því starfs-
sviði, sem undanþágan miðast við.
5. Að ný og sérstök fyrirmæli séu sett um, hvenær útsvarsskylda félaga, dánarbúa
og þeirra manna, er flytjast að og frá landinu, hefst og hvenær hún fellur
niður, svo og um ábyrgð á greiðslu slíkra útsvara. Vöntun slíkra ákvæða í
útsvarslögin hefur leitt til réttaróvissu undanfarið og alloft valdið ágreiningi.
6. Að undir tilteknum skilyrðum megi leggja útsvörin á gjaldþegn á sama ári og
tekna er aflað eða annar álögustofn útsvars kemur fram (þ. e. gjaldársútsvar).
Sams konar ákvæði koma fram í lögum nr. 96 frá 1946, um skatt- og útsvars-
greiðslu útlendinga, en nefndin telur rétt, að lögin veiti aðstöðu til að beita þess-
ari aðferð undir fleiri skilyrðum, eins og fram kemur í öðrum tillögum hennar.