Sveitarstjórnarmál - 01.06.1948, Blaðsíða 31

SVEITARSTJÓRNARMÁL
27
1. Ef hún á séreign eða hjúskapareign, sem útsvarshæf þykir.
2. Ef hún hefur atvinnu. aðra en eigin heimilisstörf.
3. Ef hún hefur slitið samvistir við bónda sinn.
II. Félög. Þar til teljast:
1. Félög með ótakmarkaðri ábyrgð og félög með takmarkaðri ábyrgð, svo
sem hlutafélög og gagnkvæm ábyrgðarfélög. Þegar útsvar hefur verið
lagt á félag, má ekki leggja úsvar á félagsmann þess vegna eignar hans
í félaginu og tekna né gagnkvæmt.
2. Samvinnufélög. Þau greiða útsvar af arði síðasta útsvarsárs, sem leiðir
af skiptum við utanfélagsmenn, eftir sömu reglum og kaupmenn sama
staðar, enda láti félagið fylgja skattaframtali sínu glögga skýrslu um
skipti sín við utanfélagsmenn og ágóða af þeim. Ella áætlar niðurjöfn-
unarnefnd arð af skiptum þessum og byggir útsvarið á því.
Kæru yfir áætlun niðurjöfnunarnefndar samkvæmt þessum lið má
skjóta til yfirskattanefndar og ríkisskattanefndar, eftir sömu reglum og
gilda um áfrýjun útsvara, hvort heldur er sérstakri eða ásamt kæru yfir
aukaútsvari, sem niðurjöfnunarnefnd hefur lagt á arð af þessum við-
skiptum.
Undanþegin útsvari eru:
a. Félög, sem leyst eru undan útsvarsskyldu með lögum, að því er
snertir lögákveðin eða starfsbundin verkefni þeirra.
b. Félög, sem enga atvinnu reka, svo sem félög til eflingar listum og vís-
indum, skemmtifélög, líknarfélög, stjórnmálafélög, trúbragðafélög
o. s. frv.
c. Félög, sem að vísu reka atvinnu, en verja öllum ágóða af starfsemi
sinni beinlínis til almenningsheilla samkvæmt samþykktum sínum.
III. Aðrar stofnanir og sjóðir.
Undanþegin útsvari eru:
1. Ríkissjóður og aðrir sjóðir, sem standa undir umsjón rikisstjórnarinnar,
svo sem Ræktunarsjóður, Söfnunarsjóður, Thorkillisjóður o. fl.
2. Sjóðir og stofnanir, sem enga atvinnu reka.
3. Sjóðir og stofnanir, sem samkvæmt skipulagsskrá sinni verja tekjum
sínum beinlínis til almenningsheilla.
4. Stofnanir og sjóðir, sem undanþegin eru útsvari samkvæmt sérstökum
lögum, að því er snertir lögákveðna starfsemi þeirra.
IV. Rú, er skiptameðferð sæta og tekjur, eignir eða rekstur hafa.
Utsvarsskylda félaga og dánarbúa hefst:
a. Félags, þegar það hefur verið tilkynnt til firmaskrár.
b. Dánarbús: Við fráfall einstaklings, sem hefur eftir sig látið útsvars-
hæfar eignir, tekjur eða rekstur.
Utsvarsskylda hvílir á einstaklingi allan starfstíma eða dvalartíma hans
hér á landi, og er heimilt að leggja á hann gjaldársútsvar, þegar svo stendur á,
að hann hverfur af landi burt og einhver hluti af starfstíma eða dvalartima
hans hefur fallið undan útsvarsálagningu.
Hætti félag störfum eða sé dánarbúi skipt á þeim tíma árs, að ekki verði
útsvar á lagt fyrir útsvarsár, má leggja gjaldársútsvar á, svo enginn tími, sem
félag hefur starfað eða dánarbú staðið óskipt, falli undan útsvarsskyldu. Eig-
endur félags og erfingjar dánarbús bera sameiginlega og gagnkvæma ábyrgð á