Sveitarstjórnarmál - 01.04.1983, Page 23

AÐALFUNDUR SAMTAKA SVEITAR-
FÉLAGAÁ
HÖFUÐBORGARSVÆÐINU
Aðalfundur Samtaka sveitarfélaga
á höfuðborgarsvæðinu var haldinn í
félagsheimili Kópavogs laugardag-
inn 23. október sl.
Richard Björgvinsson, formaður sam-
takanna, sem skammstöfuð eru SSH,
setti aðalfundinn, en Stefán Jónsson,
fyrrv. bæjarfulltrúi í Hafnarfirði, var
fundarstjóri og Arnór Pálsson, bæjar-
fulltrúi í Kópavogi, fundarritari.
Richard Björgvinsson flutti síðan
skýrslu um störf fráfarandi stjórnar,
og Jóhann Jónsson, fyrrv. bæjarfull-
trúi, gerði grein fyrir ársreikningun-
um. Júlíus Sólnes, formaður stjórnar
Skipulagsstofu höfuðborgarsvæðis-
ins, skýrði fjárhagsáætlanir stofunnar
starfsárin 1982 og 1983.
Framsöguerindi á fundinum
Zóphónías Pálsson, skipulagsstjóri
ríkisins, flutti á fundinum framsögu-
erindi um samstarf sveitarfélaganna
á höfuðborgarsvæðinu í tvo áratugi
og gerði grein fyrir stofnun og starf-
semi samvinnunefndar sveitarfélag-
anna um skipulagsmál áratuginn
1962—1971 og vinnu hennar að gerð
svæðaskipulags fyrir höfuðborgar-
svæðið. Lagði skipulagsstjóri ein-
dregið til, að unnið yrði að gerð svæð-
isskipulags fyrir höfuðborgarsvæðið í
heild og að því yrði lokið fyrir lok
yfirstandandi árs. Fyrir sömu tíma-
mörk taldi hann, að liggja ættu fyrir
tillögur að endurskoðuðu aðalskipu-
lagi hvers sveitarfélags á svæðinu.
Sigurður Guðmundsson, áætlanafræð-
ingur í Framkvæmdastofnun ríkisins,
flutti erindi um skipulag landnotkun-
ar og stjórnun. Hann gerði m. a.
samanburð á fyrirhugaðri landnotk-
un ýmissa reita í Reykjavíkurborg
samkvæmt aðalskipulagi og þeirri
þróun, sem orðið hefði á tilteknum
reitum, og varpaði fram spurningu
um möguleika sveitarstjórnar að
stýra hinni ýmsu starfsemi að þeim
byggingarreitum, sem skipulag ætl-
aði undir þess háttar starfsemi.
Guðrún Jónsdóttir, forstöðumaður
Borgarskipulags, flutti erindi um
skipulagningu og framkvæmd skipu-
lags í nýjum og gömlum hverfum í
Reykjavík og um samræmda stefnu í
skipulagsmálum á höfuðborgarsvæð-
inu. Um það sagði hún m. a.: „Nú-
gildandi skipulagslöggjöf veitir all-
víðtæka heimild til að koma á
heildarstjórn varðandi gerð aðal-
skipulags fyrir höfuðborgarsvæðið í
heild. Sú heimild hefur aðeins verið
notuð að takmörkuðu leyti. Ástæðan
er að sjálfsögðu sú, að sveitarfélögin
hafa verið andstæð því að afsala sér
því sjálfstæði í meðferð skipu-
lagsmála, sem þau óneitanlega hafa
haft. Meðan svo er og ekki kemur til
samruni sveitarfélaga eða hrein vald-
beiting, er þess ekki að vænta, að
raunhæf stjórnun skipulagsmála út
frá heildarsjónarmiðum komist á.“
Gestur Ólafsson, forstöðumaður
Skipulagsstofu höfuðborgarsvæðis-
ins, flutti loks erindi um upphaf og
framvindu samstarfs sveitarfélag-
anna á höfuðborgarsvæðinu og
nefndi til málaflokka, sem þarfnast
nánari samvinnu milli sveitarfélaga
heldur en víðast hvar annars staðar á
landinu. Taldi hann upp frárennslis-
mál svæðisins, samræmi milli bygg-
ingar nýrra svæða og almenn-
ingsvagnaþjónustu svo og uppbygg-
ingu verzlunar- og þjónustumið-
stöðva. Með því að læra af reynslu
annarra þjóða, sem staðið hafa
frammi fyrir hliðstæðum vanda, og
með því að taka upp markvissari
vinnubrögð gætum við sparað okkur
tví- og margverknað og nýtt mun
betur það takmarkaða íjármagn, sem
nú er til framkvæmda, taldi Gestur.
Vilhjálmur P. Vilhjálmsson, formaður
skipulagsnefndar Reykjavíkurborg-
ar, kvað nauðsynlegt að taka lostum
tökum á málefnum Samtaka sveitar-
félaga á höfuðborgarsvæðinu og að
Reykjavíkurborg væri tilbúin til þess
af fullum hug og heilindum.
Kjartan Jóhannsson, alþingismaður,
taldi, að umferðarmál höfuðborgar-
svæðisins myndu í framtíðinni kom-
ast í algert vandræðaástand, ef þau
yrðu ekki leyst í fullu samstarfi allra
aðila á svæðinu, og svo væri um fleiri
málaflokka. Skipulagsstofa höfuð-
borgarsvæðisins gæti verið mikil-
vægur vettvangur í þeim efnum.
Svavar Gestsson, félagsmálaráð-
herra, ávarpaði fundinn, taldi að
auka þyrfti samræmingu á ýmsum
sviðum á höfuðborgarsvæðinu og
óskaði eftir góðu samstarfi milli fé-
lagsmálaráðuneytisins og SSH.
Samtökin njóti fullra réttinda
sem landshlutasamtök
Á aðalfundinum var m. a. gerð
svofelld ályktun:
„Aðalfundur Samtaka sveitarfé-
laga á höfuðborgarsvæðinu telur
nauðsynlegt, að samtökin öðlist
viðurkenningu og full réttindi sem
landshlutasamtök og njóti þar með
framlaga úr Byggðasjóði og úr Jöfn-
unarsjóði sveitarfélaga."
Árgjald til SSH
Eftirfarandi var samþykkt um ár-
gjald til SSH:
SVEITARSTJÓRNARMÁL