Sveitarstjórnarmál - 01.04.1983, Blaðsíða 12

Stofnæðin komin að Hellu. Á myndinnl er Björn Karlsson. Ljósm. Karl Ómar
Jónsson, framkvæmdastjóri Fjarhitunar hf.
vatni, en fljótlega var dregið úr dæl-
ingu og eftir það dælt um það bil 25
1/sek.
Vatninu er dælt úr holunni upp í
miðlunartank á svokölluðum Nón-
hamri, sem er skammt ofan við
Laugaland, en þaðan fæst sjálfrennsli
alla leið til Hvolsvallar.
Aðveituæð hitaveitunnar er sam-
anlagt 23 km að lengd, en þar af eru
10.7 km að Hellu. Stofnæðin liggur
stytztu leið frá Laugalandi að Rauða-
læk, en þaðan fylgir hún sem næst
þjóðveginum austur, Suðurlands-
vegi. Á leiðinni voru tengd
stofnæðinni nokkur sveitabýli, sem
eru innan hóflegra Qarlægðarmarka.
Aðveituæðin er 250 mm asbestpípa
og liggur í jarðvegsgarði að Hellu, en
frá Hellu að Hvolsvelli er lögnin 200
mm pípa, sem er á þessum kaíla
einangruð með polyurethanskálum
að 2/3 hlutum, og eru þær vatnsvarð-
ar með álhúð að innanverðu. Einangr-
unin er framleidd hjá Berki hf. í
Hafnarfirði. Er þetta nýjung í ein-
angrun á asbestpípum, og virðist
ætla að gefast vel.
Eins og gert var ráð fyrir, kólnar
vatnið nokkuð á þessari löngu leið.
Þannig er 95°C heitt vatn frá
borholunni komið á Hellu um það bil
75°C og komið í hús á Hvolsvelli um
65°C, en það er lágmarkshitastig og
þar með mesta kólnun, sem reiknað
hefur verið með allt frá fyrstu áætlun-
um miðað við, að dælubúnaður og
einangrun séu í lagi.
Á svæði því, sem Hitaveitu
Rangæinga er ætlað að sjá fyrir
varma, eru um 1200 íbúar og sam-
anlagt rúmlega 400 hús. Þar af voru,
áður en hitaveitan tók til starfa, 222
hús eða 55% húsa með vatnshita-
kerfi, en 183 eða um 45% með þil-
ofna. Húsrýmið skiptist þannig, að
um 166 þús. m3 eða um 64% voru
með vatnskerfi, en um 94 þús. m3 eða
um 36% með þilofna. I um það bil
helming húsa, sem hituð voru með
þilofnum, höfðu þilofnar verið settir
á sl. fimm árum. Auk þéttbýlisstað-
anna Hellu og Hvolsvallar nær hita-
veitan til Rauðalækjar og Lyngáss í
Holtahreppi, og gert er ráð fyrir, að
allmargar jarðir í strjálbýli muni
smám saman tengjast henni.
Um þessar mundir mun rösklega
helmingur húsa eða rúmlega 200
talsins af ríflega 400 hafa tengzt
hitaveitunni, þar af um 130 á Hellu.
Heildarkostnaður við hitaveitu-
framkv'æmdirnar nam um sl. áramót
um 60 millj. króna. Þar af var beinn
framkvæmdakostnaður um 52 millj.
króna, við lagnir á sveitabýli 2,6
millj. kr., áfallinn borunarkostnaður,
sem hitaveitan yfirtók, 2,5 millj. kr.
og greiðsla fyrir hitaréttindi á Lauga-
landi 4,2 millj. kr. Afþessum kostn-
aði hafa um 53 millj. króna verið
fjármagnaðar með lánsfé, en um 7
millj. kr. með heimæðagjöldum. Þau
eru að lágmarki 20 þús. kr. hjá þeim,
er hafa olíukyndingu fyrir, en 15 þús.
kr. hjá þeim, sem eru með rafmagns-
þilofna.
Upphafleg gjaldskrá hitaveitunnar
var við það miðuð, að hitunarkostn-
aður notenda næmi um 65% af ónið-
urgreiddu olíuverði.
Nokkrir erfiðleikar urðu í janúar
og febrúarmáuði sl. með vatnsöflun
úr borholu, og kom þá afturkippur í
tengingar húsa við hitaveituna. Nú
eru erfiðleikarnir með borholurnar
yfirstaðnir, og er þá á ný kominn
fullur kraftur í tengingarnar. Á kom-
andi sumri er fyrirhugað að bora
nýja holu, bæði til að auka vatns-
magn og til að auka öryggi
veitunnar.
í fyrstu stjórn Hitaveitu Rang-
æinga voru kosnir Árni Hannesson,
hreppsnef'ndarmaður, ogjón Þorgils-
son, sveitarstjóri, af hálfu Rangár-
vallahrepps, Ólafur Sigfússon, sveit-
arstjóri, og Sigursteinn Steindórsson,
sýslubókari og fyrrv. hreppsnefndar-
maður, af hálfu Hvolhrepps, og þeir
Hermann Sigurjónsson í Raftholti,
oddviti, og Jónas Sigurðsson í Brekk-
um, hreppsnefndarmaður, af hálfu
Holtahrepps. Stjórnarformður hita-
veitunnar er Jón Þorgilsson, sveitar-
stjóri Rangárvallahrepps.
Forráðamenn hitaveitunnar gera
ráð fyrir, að þegar um hægist og fram
líða stundir, muni heita vatnið verða
leitt á fleiri sveitabýli í þeim hrepp-
um, sem að hitaveitunni standa, og
síðar á fleiri bændabýli í næstu
grannhreppum, enda þykir að
hitaveitunni mikil búbót.
Heimildir að frásögn þessari eru
fréttatilkynning um stofnfund
Hitaveitu Rangæinga, birt í Suður-
landi 12. des. 1981, Fréttabréf Orku-
stofnunar 1 1983, og samtöl við Jón
Þorgilsson, sveitarstj., stjórnarform.
Hitaveitu Rangæinga (HVR), Ólaf
Sigfússon, stjórnarmann HVR og við
verkfræðingana Karl Ómar Jónsson,
framkvæmdastjóra og Sigþór Jó-
hannesson hjá Fjarhitun hf., sem létu
tímaritinu í té uppdráttinn á fremri
síðunni. U.Stef.
SVEITARSTJÓRNARMÁL