Sveitarstjórnarmál - 01.04.1983, Page 41

Við borðið sitja Kristján Kristjánsson,
fjárhagsáætlunarfulltrúi, Reykjavíkur-
borg, fremst til vinstri, en handan
borðsins sitja Úlfar Hauksson, við-
skiptafræðingur og deildarstj. Akur-
eyri; Halldór Benediktsson,
bæjargjaldkeri, og Guðmundur Krist-
jánsson, bæjarstjóri í Bolungarvík;
Sveinn Guðmundsson, sveitarstjóri,
og Magnús Karel Hannesson, oddviti
á Eyrarbakka.
hlýtur hlutaðeigendum að hafa verið ljóst frá
upphafi, að héðan í frá yrði því fylgt fast eftir, að öll
sveitarfélög skiluðu ársreikningi á reikningsformi
Hagstofunnar. Maður skyldi því ætla, að hér yrði
gagnger breyting á með tilkomu nýja reiknings-
formsins. Það er leitt að verða að segja, að svo er
ekki, og til viðbótar hafa skil á ársreikningum sveit-
arfélaga aldrei verið eins síðbúin og treg og síðan
nýja formið var tekið í notkun.
Við uppgjör á skilum sveitarfélaga á ársreikning-
um 1980 og 1979 seint í síðasta mánuði kom þetta
fram:
Arsreikningur 1979 hafði ekki borizt frá 32 sveit-
arfélögum. Þá voru liðin 2 ár og 3 mánuðir, síðan
reikningi þess árs átti að hafa verið skilað lögum
samkvæmt.
Arsreikningur 1980 hafði ekki borizt frá 40 sveit-
arfélögum. Þá var liðið eitt ár og 3 mánuðir, síðan
reikningi þess árs átti að hafa verið skilað lögum
samkvæmt.
Frá samtals 52 sveitaríélögum vantaði árs-
reikning 1979 eða 1980 eða þá báða.
160 ársreikningum 1981 hafði verið skilað um
síðustu mánaðamót, þar af eru 11 ekki á nýju
reikningsformi. Astæða er til að ætla, að þeir 64
ársreikningar 1981, sem ókomnir eru, séu að svo
stöddu að stórum hluta ekki á hinu lögskipaða
reikningsformi.
Ég vil nota þetta tækifæri til að færa þeim
sveitarstjórnum, sem þegar hafa látið í té árs-
reikninga sína fyrir 1979—81 á nýju reikningsformi,
beztu þakkir Hagstofunnar.
Af niðurstöðum þessa uppgjörs á skilum árs-
reikninga sveitarfélaga var ekki hægt að draga
nema eina ályktun: Grípa yrði til strangra inn-
heimtuaðgerða til að freista þess að koma málinu í
viðunandi horf — ella blasti sá möguleiki við, að
skýrslugerð Hagstofunnar um fjármál sveitarfélaga
rynni út í sandinn.
Því var það, að Hagstofan, að höfðu samráði við
Samband ísl. sveitarfélaga, óskaði eftir því í bréfi til
félagsmálaráðuneytisins 1. nóv. sl., að beitt yrði
ákvæðum í 14. gr. laga um tekjustofna sveitarfélaga.
Þar segir svo:
„Nú eru ekki gerð skil á ársreikningum sveitarfe'lags,
sbr. 60. gr. sveitarstjórnarlaga, nr. 58 29. mars 1961, og
greiðist því sveitarfélagi þá ekki framlag samkv. 1. mgr.,
fyrr en skil hafa verið gerð. “
Bréfi Hagstofunnar til ráðuneytisins fylgdi skrá
yfir þau sveitarfélög, sem höíðu ekki staðið skil á
ársreikningi 1979 og/eða 1980. Skil ársreikninga
1981 voru þannig ekki tekin með í þessa aðgerð, þó
að þeir lögum samkvæmt ættu að hafa borizt
Hagstofunni fyrir 31. júlí 1982. — Félagsmálaráðu-
neytið hafði samdægurs og næsta dag samband við
alla sýslumenn og bæjarfógeta og lagði fyrir þá að 103
SVEITARSTJÓRNARMÁL