Sveitarstjórnarmál - 06.12.2011, Page 7

Sveitarfélögin hafa ekki fengið
leiðréttingu
Halldór Halldórsson, formaður Sambands
íslenskra sveitarfélaga, ræddi nokkuð um
erfíða fjárhagsstöðu sveitarfélaga í setningar-
ræðu sinni á fjármálaráðstefnu sveitarfélaga.
Hann benti á að erlendar skuldir hafi hækkað
gríðarlega í kjölfar gengishruns krónunnar og
sagði ekki miklar líkur á að krónan styrkist
sem neinu næmi á næstu árum þannig að
fyrirsjáanlegt sé eða mjög líklegt að þessar
skuldir séu komnar til að vera.
„Einstök sveitarfélög hafa verið í þeirri
stöðu að hafa þurft að skuldbreyta erlend-
um og gengistryggðum lánum í innlend lán
með háum vöxtum sem neglir þessa skulda-
stöðu endanlega niður. Ýmis fyrirtæki og ein-
staklingar hafa fengið ákveðna lagfæringu
mála sinna vegna erlendra lána en það hefur
ekki átt við um sveitarfélögin."
Hann segir að hjá mörgum sveitarfélögum
séu meiri skuldir 2010 en 2009. Það sé vegna
þess að sveitarfélögin hafi ekki almennilega
náð vopnum sínum til að greiða niður skuld-
ir. Meginástæðan sé þó sú að skuldbindingar
sem áður voru utan efnahags séu nú komnar
inn í efnahagsreikninga sveitarfélaga. „Þarna
höfum við tekið á mikilvægu máli sem t.d.
ríkissjóður gæti lært af okkur en þar eru
svona skuldbindingar ekki sýnilegar."