Morgunblaðið - 03.01.2012, Síða 24

24 FRÉTTIRErlent
MORGUNBLAÐIÐ ÞRIÐJUDAGUR 3. JANÚAR 2012
Kjartan Kjartansson
kjartan@mbl.is
Írönsk yfirvöld sögðust í gær hafa prófað lang-
dræg flugskeyti austur af Hormuz-sundi við
mynni Persaflóa en þau geta náð til skotmarka í
allt að tvö hundruð kílómetra fjarlægð. Þannig
geta skeytin nú náð til ísraelskra og bandarískra
herstöðva á svæðinu.
Að sögn breska blaðsins The Guardian voru
prófanirnar gerðar á síðasta degi heræfinga ír-
anska sjóhersins en á sunnudag voru einnig
meðaldræg flugskeyti prófuð. Segjast írönsk
stjórnvöld standa fyrir þessum prófunum til
þess að sýna fram á að þau muni hrinda hugsan-
legum árásum Ísraela eða Bandaríkjamanna.
Mikil spenna hefur ríkt á svæðinu undan-
farið en Íranar hafa hótað því að loka fyrir allar
siglingar um Hormuz-sund ef vesturveldin
standa við sínar hótanir um að beita þá við-
skiptaþvingunum vegna deilna um kjarn-
orkuáætlun landsins.
Bandarísk stjórnvöld hafa þegar bannað
innflutning á íranskri hráolíu og Evrópusam-
bandið íhugar að gera slíkt hið sama. Yfirmenn
bandaríska herflotans í Persaflóa hafa sagt að
þeir muni ekki sitja auðum höndum ef Íranar
reyna að stöðva olíuflutninga um Hormuz-sund.
Tilraunir Írana nú á svæðinu eru því síst til þess
fallnar að draga úr þeirri spennu sem hlaðist
hefur upp á milli þeirra og vesturveldanna.
Flugskeytaprófanir auka spennuna
 Íranski sjóherinn sýnir hernaðarmátt sinn við mikilvæga olíuflutningaleið við Persaflóa
 Prófaði meðal- og langdræg flugskeyti sem geta náð til ísraelskra og bandarískra herstöðva
Reuters
Prófun Íranskt herskip skýtur á loft meðaldrægu Qader-flugskeyti við Hormuz-sund á nýársdag.
Hormuz-sund
» Um fjórðungur allra sigl-
inga með olíu í heiminum fer
um Hormuz-sund við mynni
Persaflóa. Sundið er 50 km
breitt þar sem það er mjóst.
» Stór olíuútflutningslönd
eins og Írak, Sádi-Arabía, Sam-
einuðu arabísku furstadæmin,
Kúveit flytja olíu sína um þessa
leið.
» Írönsk stjórnvöld hafa
hótað því að loka siglingaleið-
inni ef vesturveldin herða efna-
hagsþvinganir sínar gegn land-
inu vegna kjarnorkuáætlunar
Írana.
Kjartan Kjartansson
kjartan@mbl.is
Breska lögreglan hefur fundið vís-
bendingar um að einkaspæjarar á
vegum nokkurra þarlendra dagblaða
hafi brotist inn í tölvupóst Gordons
Browns, fyrrverandi forsætisráð-
herra, þegar hann var fjármálaráð-
herra í stjórn Tonys Blairs. Breska
blaðið The Independent greindi frá
þessu í gær.
Rannsókn sérsveitar Scotland
Yard á um tuttugu tölvum sem lagt
hefur verið hald á bendir til þess að
brotist hafi verið inn í tölvupóst
hundraða manna. Reynist það rétt
er umfang tölvuinnbrotanna sam-
bærilegt við símahleranir News of
the World sem komust í hámæli í
fyrra.
The Independent segist hafa
heimildir fyrir því að á meðal þeirra
hundraða þúsunda skilaboða sem
hafa fundist í tölvunum séu tölvu-
póstsamskipti Browns við Derek
Draper, fyrrverandi ráðgjafa Verka-
mannaflokksins og hagsmunagæslu-
mann. Þar á meðal gætu verið við-
kvæmir póstar um stirt samband
Browns við Tony Blair.
Fyrirtæki Ruperts Murdochs,
News International, sem átti News
of the World hafði áður lýst því yfir
að það hefði engin tengsl við Brown
eða Draper. Brown hefur sakað fyr-
irtækið um að ráðast inn í einkalíf
sitt, þar á meðal með því að skoða
bankareikninga sína.
Árið 2008 voru einkapóstar á milli
Drapers og þingmannsins Mandel-
sons lávarðar birtir í fjölmiðlum og
voru þeir hinir vandræðalegustu fyr-
ir Verkamannaflokkinn. Þar ræddu
þeir um hvernig lappa mætti upp á
ímynd Browns og var forsætisráð-
herranum lýst sem „sjálfsmeðvitaðri
manneskju líkamlega og andlega“.
Ennþá liggur þó ekkert fyrir um
hvort fjölmiðlar hafi komist yfir þá
tölvupósta með ólöglegum tölvuinn-
brotum.
Nýtt hneyksli í uppsiglingu
Hlerað Stolnu póstarnir gætu komið inn á stirt samband Browns og Blairs.
 Einkaspæjarar breskra dagblaða taldir hafa brotist inn í tölvupósta fjölda manna
 Málið er hugsanlega eins umfangsmikið og símahlerunarhneyksli síðasta árs
Nokkrir borgarbúar standa með öndina í háls-
inum á bökkum árinnar Tíber í Róm, höfuðborg
Ítalíu, og fylgjast með Marco Fois þar sem hann
stekkur tignarlega af Cavour-brúnni út í ána á
nýársdag.
Alls stukku fimm menn út í grugguga og níst-
ingskalda ána í ár en sú hefð hefur verið í heiðri
höfð í borginni allt frá árinu 1946 til að fagna
komu nýs árs.
Reuters
Stokkið í ána Tíber til að fagna nýju ári
Óvenjulegur nýársfagnaður í Rómaborg
Erfðarannsóknir
á fuglaflensu-
veirunni sem dró
kínverskan mann
til dauða í borg-
inni Shenzhen á
laugardag sýna
að maðurinn
smitaðist beint
frá fuglum og
getur veiran því
ekki borist á
milli manna. Heilbrigðisyfirvöld í
borginni greindu frá þessu í gær.
„Þó að veiran sé mjög sýkjandi
fyrir menn þá getur hún ekki smit-
ast á milli manna. Það er engin
ástæða fyrir íbúa Shenzhen til að
fyllast ótta,“ segir í tilkynningunni.
Hinn 39 ára gamli rútubílstjóri
var lagður inn á sjúkrahús á jóla-
dag og var það staðfest á laugardag
að hann hefði verið sýktur af H5N1-
veirunni að því er AFP-fréttaveitan
segir frá. Enn er ekki ljóst hvar
maðurinn sýktist.
Síðasta fuglaflensutilfellið sem
greindist í Kína var í júní árið 2010
en þá lést 22 ára gömul kona úr
veikinni.
Flensan
berst ekki
milli manna
Fuglaflensutilfelli
smitaðist frá fuglum
Fuglaflensa er
bráðsmitandi.
Pólski sendiherr-
ann í Þýskalandi,
Marek Prawda,
neitar því að Pól-
verjar beri
ábyrgð á fjölda
bílþjófnaða á
landamærum
ríkjanna tveggja.
Samkvæmt töl-
fræðilegum upplýsingum þýsku
lögreglunnar hefur bílþjófnuðum
fjölgað um 250% í sambandslandinu
Brandenborg frá árinu 2007 þegar
Pólland gerðist hluti af Schengen-
svæðinu. Í landamærabænum
Frankfurt an der Oder hefur fjölg-
unin verið 500% á sama tíma. Bíl-
arnir eru oft seldir í fyrrverandi
Sovétlýðveldum.
„Þetta er aðallega vandamál fyr-
ir lögregluna í landinu þar sem bíl-
unum er stolið. Hún ætti að vera
betur undir það búin. Kannski er
ennþá of auðvelt að stela bílum í
Þýskalandi,“ segir Prawda.
Þýskir bílar
auðveld bráð