Morgunblaðið - 28.02.2012, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 28. FEBRÚAR 2012
Útför Jónasar H. Haralz var gerð frá Dóm-
kirkjunni í Reykjavík í gær að viðstöddu fjöl-
menni. Sr. Hjálmar Jónsson jarðsöng, Dóm-
kirkjukórinn söng og Sigrún Hjálmtýsdóttir
söng einsöng. Líkmenn voru Þorsteinn Páls-
son, Jóhann J. Ólafsson, Már Guðmundsson,
Einar Benediktsson, Ásgeir Jónsson, Jón Sig-
urðsson, Jónas Halldór Haralz og Haraldur
Rafnar.
Útför Jónasar H. Haralz
Morgunblaðið/Sigurgeir S.
Helgi Bjarnason
helgi@mbl.is
Aðeins þrír lögreglumenn sem út-
skrifuðust úr Lögregluskóla ríkisins
fyrir helgi hafa fengið vilyrði fyrir
störfum og þá einungis fram á haust.
Óljóst er um ráðningar vegna sum-
arafleysinga hjá lögreglunni á höf-
uðborgarsvæðinu en einhverjir nem-
anna gera sér vonir um að komast
þar að.
„Það er ekki of bjart útlitið. Ekk-
ert þeirra er að fara í skipaða stöðu.
Örfá hafa fengið tímabundna ráðn-
ingu fram á haust og önnur gera sér
vonir um sumarafleysingar. Þau
kvarta yfir því að fá ekki afdrátt-
arlaus svör,“ segir Árni Sigmunds-
son, deildarstjóri grunnnáms í Lög-
regluskólanum.
Átján lögreglumenn útskrifuðust
úr skólanum sl. föstudag. Nemandi
sem blaðamaður ræddi við segir að
flestir nemendanna hafi stefnt að
vinnu á höfuðborgarsvæðinu. Þau
sem ekki voru þar fyrir fluttu til
borgarinnar vegna námsins. Þeim
hafi verið tilkynnt nokkrum vikum
fyrir útskrift að vegna niðurskurðar
yrði líklega ekkert ráðið í nýjar stöð-
ur eða þær stöður sem losna í ár.
Seinna hafi komið fram að hugsan-
lega yrði ráðið í einhver sumarstörf
en það skýrðist ekki fyrr en eftir tvo
mánuði.
Tveir nýútskrifuðu lögreglumann-
anna fengu tímabundnar ráðningar
á Suðurnesjum og einn á Sauðár-
króki. Nemandinn taldi að fæstir
væru farnir að huga að annarri
vinnu, heldur vonuðu að eitthvað
breyttist.
Aðeins tveir lögreglumenn eru
skráðir sem atvinnuleitendur hjá
Vinnumálastofnun. Steinar Adolfs-
son, framkvæmdastjóri Lands-
sambands lögreglumanna, segir þó
vitað um mun fleiri menn með þessa
menntun sem væru þá í annarri
vinnu. „Þetta er sérhæft nám og allir
eru sammála um að það vantar fleira
fólk í lögregluna. Það er miður ef
þetta nýútskrifaða fólk missir
tengslin við lögregluna og finnur sér
annan farveg,“ segir Steinar.
Þrír komnir í tímabundna vinnu
 Nemendur sem útskrifuðust úr Lögregluskólanum fá ekki loforð um vinnu  Þrír af átján hafa
fengið tímabundna vinnu úti á landi  Aðrir bíða svara um sumarvinnu á höfuðborgarsvæðinu
Brautskráning Hópurinn útskrifaður í Bústaðakirkju síðastliðinn föstudag.
Ingveldur Geirsdóttir
ingveldur@mbl.is
Í síðustu viku komu þrjátíu og þrjár konur í ómskoðun
hjá Krabbameinsfélagi Íslands vegna PIP-brjóstafyll-
inga. Af þeim hópi greindist leki frá púðum hjá tuttugu
konum samkvæmt upplýsingum frá landlæknisembætt-
inu. Var það fjórða vikan sem Leitarstöð krabbameins-
félagsins tók á móti konum með PIP-brjóstafyllingar í
ómskoðun. Skoðað er á fimmtudögum og föstudögum í
hverri viku og verður áfram í þessari viku samkvæmt
áætlun.
Alls hafa 187 konur gengist undir þessa rannsókn hér-
lendis og hafa 58% þeirra greinst með lekar PIP-brjósta-
fyllingar.
Í fyrstu viku ómskoðunar var 41 kona skoðuð og niður-
staðan þá var að 34 konur greindust með leka púða, eða
yfir 80% kvennanna. Í vikunni á eftir voru 64 konur skoð-
aðar og reyndust 37 þeirra vera með leka brjóstapúða,
eða tæp 58%. Þriðju vikuna komu 49 konur í ómskoðun
og af þeim greindust 29 með leka púða, eða 59%. Ómskoð-
unin er konunum að kostnaðarlausu.
Í byrjun febrúar tilkynnti velferðarráðuneytið að öll-
um konum með PIP-brjóstapúða yrði boðið að láta nema
þá burt á Landspítalanum. Þær skurðaðgerðir hófust á
spítalanum í síðustu viku þegar púðar voru fjarlægðir úr
sex konum hið minnsta.
187 konur með PIP-púða
hafa mætt í ómskoðun
Reuters
Brjóstapúðar Franskur lýtalæknir með PIP-brjóstafyll-
ingar sem voru framleiddar úr ólöglegu sílíkoni.
 120 konur í heildina hafa
greinst með leka púða
Verið er að ljúka
vinnu við samn-
ingu draga að
frumvarpi um
lækkun fast-
eignaskatts á
hesthús í þétt-
býli. Reiknað er
með að Ögmund-
ur Jónasson, inn-
anríkisráðherra,
kynni frumvarpið
á fundi ríkisstjórnarinnar í dag.
Mörg sveitarfélög, þar á meðal
Reykjavík, hækkuðu fasteignaskatt
á hesthúsum nú í upphafi árs. Töldu
þau skylt að gera það vegna úr-
skurðar yfirfasteignamatsnefndar.
Skatturinn margfaldaðist hjá hest-
húsaeigendum og hafa hestamenn
mótmælt kröftuglega. Efnahags- og
viðskiptanefnd Alþingis tók málið
upp að beiðni borgarinnar og óskaði
eftir því að innanríkisráðuneytið léti
vinna breytingar á lögunum þannig
að fasteignaskattur á hesthúsum
yrði sá sami og á íbúðarhúsum og
sumarbústöðum, eins og áður var,
en ekki eins og á atvinnuhúsnæði.
helgi@mbl.is
Hesthúsa-
skattur
lækkaður
Ögmundur
Jónasson
Átján nemendur sem hófu nám
við Lögregluskólann fyrir ári
brautskráðust sl. föstudag.
Enginn nemandi útskrifaðist á
síðasta ári en nú hefur nýr 20
manna hópur hafið nám. Arnar
Guðmundsson skólastjóri vekur
athygli á því að fyrir hrun hafi
skólinn aldrei náð að útskrifa
nógu marga nemendur. Nú þurfi
embættin að skera niður og við-
urkennir Arnar að ekki þýði að
taka nemendur í nám ef ekki sé
von til þess að þeir fái störf.
Voru aldrei
nógu margir
NÝR HÓPUR HEFUR NÁM
Þingsályktunartillaga Bjarna Bene-
diktssonar um afturköllun ákærunn-
ar á hendur Geir H. Haarde fyrir
landsdómi er á dagskrá fundar
stjórnskipunar- og eftirlitsnefndar
Alþingis fyrir hádegi í dag.
Birgir Ármannsson, þingmaður
Sjálfstæðisflokksins, sem sæti á í
nefndinni segist vona að nefndin af-
greiði málið frá sér á fundinum í dag.
Nauðsynlegt að fá botn í málið
„Ég kýs að taka mark á því sem
formaður nefndarinnar sagði í fjöl-
miðlum að hún stefndi að því að gera
það í fyrri hluta vikunnar. Það er
nauðsynlegt að það fáist botn í þetta
mál núna því að óbreyttu eiga rétt-
arhöldin að hefjast í næstu viku
[mánudaginn 5. mars]. Það er þægi-
legast fyrir alla að vilji þingsins liggi
þá skýr fyrir,“ segir Birgir.
Aðspurð hvort ætla megi að vilji
þingsins liggi fyrir áður en stefnt er
að því að hefja réttarhöldin kveðst
Valgerður Bjarnadóttir, formaður
nefndarinnar, binda vonir við það.
Lýsir sig sammála Birgi
„Ég held að við eigum von á því.
Það ætla ég að rétt að vona. Ég er
mjög sammála Birgi Ármanssyni í
því að það þarf að liggja fyrir fyrir 5.
mars,“ segir Valgerður og á við hver
vilji þingsins er í málinu. Hún sagði
það ekki í sínum verkahring að tjá
sig um hvort til stæði að halda auka-
þingfund á föstudag vegna málsins.
Tæpt eitt og hálft ár er liðið síðan
Alþingi samþykkti hinn 28. septem-
ber 2010 að höfða bæri sakamál fyrir
landsdómi á hendur Geir H. Haarde.
Ekki náðist í forseta þingsins,
Ástu Ragnheiði Jóhannesdóttur.
Afstaða þings í
máli Geirs sé skýr
 Tillaga Bjarna rædd í nefnd í dag