Morgunblaðið - 28.02.2012, Blaðsíða 14

14 FRÉTTIRInnlent
MORGUNBLAÐIÐ ÞRIÐJUDAGUR 28. FEBRÚAR 2012
Jónas Þ. Þórisson, framkvæmda-
stjóri Hjálparstarfs kirkjunnar, tók
fyrir helgi á móti peningum sem
söfnuðust á landsmóti Æskulýðs-
sambands þjóðkirkjunnar á Selfossi
í lok október á síðasta ári og sem
æskulýðsfélög hafa safnað í eigin
fjáröflun.
Búið er að senda peningana, tæp-
ar 240.000 krónur, til samtakanna
Hearts of Gold í Japan sem ætla að
nota þá til að styðja börn í Fukus-
hima sem misstu foreldra sína í
náttúruhamförunum í Japan í mars
í fyrra.
Það voru Rakel Brynjólfsdóttir,
landsmótsstjóri, og Toshiki Toma,
prestur innflytjenda, sem afhentu
Jónasi fjárframlagið.
Toshiki Toma og Rakel Brynjólfsdóttir af-
hentu Jónasi Þórissyni fjárframlagið.
Söfnuðu fyrir Japan
Happdrætti Háskóla Íslands (HHÍ)
hefur fengið vottun European Lott-
eries (EL, Evrópusamtaka ríkis-
happdrættisfyrirtækja), til staðfest-
ingar á því að fyrirtækið hafi
innleitt staðal EL um ábyrga spila-
hegðun.
Þetta kemur fram í tilkynningu
frá HHÍ.
Staðallinn tekur til fjölmargra
þátta í rekstri HHÍ, svo sem mark-
aðsmála og vöruþróunar; mats á
samfélagsáhættu leikja; fræðslu til
spilara, starfsfólks og sölumanna;
stuðnings við íslenskar rannsóknir
á sviði spilafíknar; stuðnings við
meðferðarúrræði og virkra sam-
skipta við meðferðaraðila og aðra
lykilhagsmunaaðila.
Ábyrg spilahegðun
Alþingismennirnir Mörður Árnason
og Guðfríður Lilja Grétarsdóttir
ræða kosti og galla ESB-aðildar
fyrir umhverfi og náttúru Íslands á
hádegisfundi Evrópuvaktar Sam-
fylkingarinnar og Græna netsins á
Sólon í Reykjavík í dag.
Fundurinn hefst kl. 12, stendur í
klukkustund og er öllum opinn.
Fundurinn er á vegum Evrópu-
vaktar Samfylkingarinnar, sem
stendur fyrir hádegisfundaröð um
Ísland í Evrópu.
Ræða um náttúru
Íslands og ESB
Fyrirtækið Iceland Excursions hef-
ur keypt tíu nýjar rútur. Hafa fimm
þeirra verið teknar í notkun og hin-
ar fimm bætast í bílaflota fyrirtæk-
isins í vor.
Tvær af rútunum taka 59 far-
þega og þrjár taka 19 farþega.
Stóru rúturnar tvær eru af gerð-
inni Volvo, yfirbyggðar hjá Sun-
sundegui á Spáni. Minni rúturnar
þrjár eru af gerðinni Mercedes
Benz Sprinter.
Samkvæmt upplýsingum frá Ice-
land Excursions eru nýju bílarnir
búnir sérlega þægilegum sætum og
öryggisbúnaði sem og nútímaþæg-
indum eins og sjónvarpi, DVD-
spilara og þráðlausu neti.
Netið í rútunum
STUTT
Sigrún Rósa Björnsdóttir
sigrunrosa@mbl.is
„Mig minnir að lögmaður sakborn-
ingsins hafi fullyrt að þetta væri
fordæmisgefandi á þann hátt að
þeir sem aðstoðuðu við gerð fram-
tala bæru ábyrgð. Ég var ekki sam-
mála því á sínum tíma og mér
fannst dómurinn ekki vera að segja
það. Meginatriðið í þessum dómi
finnst mér vera að ákæruvaldið gat
ekki sannað það að skattframtölin
hafi verið röng,“ segir Guðmundur
Kjartansson, áhættu og gæðastjóri
hjá endurskoðunar- og ráðgjafar-
fyrirtækinu Deloitte um nýlegan
dóm Hæstaréttar er varðar skatta.
Gögnin frá umbjóðendum
Þegar dómur Héraðsdóms
Reykjavíkur í málinu var kveðinn
upp í fyrrahaust voru tveir forsvars-
menn félaga sýknaðir af þeim hluta
ákærunnar. Þeir báru því meðal
annars við að hafa leitað sér að-
stoðar við framtalsgerð hjá fagaðila,
Deloitte.
Þá gagnrýndi Deloitte að ekki
hefði verið leitað viðbragða hjá end-
urskoðunarfyrirtækinu eftir að sak-
borningurinn færði ábyrgðina af
skattskilunum, af sjálfum sér og yf-
ir á endurskoðunarfyrirtækið. Delo-
itte hafi eingöngu aðstoðað við
framtalsgerð á grundvelli þeirra
gagna og upplýsinga sem komu frá
fólkinu.
Í niðurstöðu Hæstaréttar segir að
ákæruvaldinu hafi ekki tekist að
sanna að skattframtöl, sem samin
voru af sérfræðingum hafi verið efn-
islega röng og var sýkna fólksins
um það atriði staðfest.
Segir ábyrgðina skattaðilans
Forsvarsmennirnir voru meðal
annars ákærðir fyrir að hafa frestað
skattlagningu ríflega 70 milljón
króna söluhagnaðar með því að
fyrna eign sem ekki taldist fyrn-
anleg í skilningi tekjuskattslaga. Að
mati Guðmundar hefði þessi hluti
málsins ekki átt að fara fyrir dóm,
heldur hefði borið að leysa það hjá
ríkisskattstjóra enda hefðu allar
upplýsingar legið fyrir í skattfram-
tölunum. „Ég tek skýrt fram að
þarna var um álitamál að ræða, þar
sem maðurinn ákvað sjálfur, að fara
með þessum hætti í sínum fram-
tölum. Það er skattaðilinn sem ber
ábyrgðina,“ segir Guðmundur.
Vinna fagaðilans sé byggð á þeim
gögnum og upplýsingum sem hann
fái frá umbjóðanda sínum.
Hæstiréttur staðfesti sök for-
svarsmannsins varðandi skil á
vörslusköttum. Var hann dæmdur í
fimm mánaða skilorðsbundið fang-
elsi. Einnig til að greiða 18 milljóna
króna sekt eða sitja ella í fangelsi í
150 daga. Sýkna hins forsvars-
mannsins var staðfest.
Ekki efnislega röng
 Hæstiréttur segir ekki sannað að framtöl hafi verið röng
 Í héraði hafði verið vísað til fagaðila um ábyrgð á skilum
Morgunblaðið/RAX
Á vefsvæði Vísindavefsins má
finna ýmsan fróðleik um hlaupár
en þar rifjar Guðrún Kvaran meðal
annars upp íslenska minnisvísu
sem finna má í rímtali Guðbrands
biskups Þorlákssonar frá 1597 en
flestir kannast við í yngri útgáfu:
Ap, jún, sept, nóv þrjátíu hver.
Einn til hinir kjósa sér.
Febrúar tvenna fjórtán ber
frekar einn þá hlaupár er.
Þá svarar hún því einnig hvers
vegna hlaupár ber það nafn og seg-
ir: „Heitið hlaupár er talið dregið
af því að margir merkisdagar í
árinu eftir hlaupársdag hlaupa
yfir einn vikudag.“
Lesa má meira um hlaupár á
vef Almanaks Háskóla Íslands
www.almanak.hi.is og á vef
Vísindavefs Háskóla Ís-
lands www.vis-
indavefur.is.
„Febrúar tvenna fjórtán ber
frekar einn þá hlaupár er“
 208 einstaklingar búsettir á Íslandi halda upp á „alvöru“ afmælisdag á morgun
Hlaupár Íbúar Íslands voru 317.630 talsins 1. janúar 2010 og þeir sem eiga afmæli 29. febrúar alls 208. Þetta jafn-
gildir því að 1 af hverjum 1.527 íbúum landsins eigi afmæli á hlaupársdegi.
Kristján Guðjónsson, lögfræð-
ingur og sviðsstjóri viðskiptasviðs
Sjúkratrygginga Íslands, er einn
þeirra sem eru fæddir á hlaup-
ársdeginum 29. febrúar og verður
hann sextugur á morgun.
„Já, þetta verður fimmtándi af-
mælisdagurinn minn en ég hef
annars nýtt 1. mars sem afmæl-
isdag,“ segir Kristján.
En hvernig er að eiga bara
afmæli fjórða hvert ár?
„Ég náttúrlega þekki ekki
annað en mér finnst ágætt
að vera ekki eins og aðrir og
fell því vel í þennan hóp,“
svarar Kristján.
Hann segir þetta heldur ekki
hafa truflað sig þegar hann var
ungur, sérkennilegheitin hafi gert
það að verkum að allir mundu eftir
afmælinu og það hafi alltaf verið
tilhlökkunarefni þegar kom að „al-
vöru“ afmælisdegi.
„Á seinni árum hef ég síðan
haft það fyrir reglu að halda al-
mennilega upp á þetta þegar ég á
tugaafmæli og „alvöru“ afmæli,
það er 20, 40 og 60 ára,“ segir
Kristján.
Því verði útvöldum aðilum boðið
til veislu í ár og þemað verði í takt
við aldurinn, segir hann: Bítlar og
blómabörn.
Gaman að vera öðruvísi
FÆDDIST 29. FEBRÚAR 1952
Kristján
Guðjónsson
BAKSVIÐ
Hólmfríður Gísladóttir
holmfridur@mbl.is
Árið í ár er alveg sérstakt fyrir 208
Íslendinga en á morgun fá þeir að
halda upp á „alvöru“ afmæli, hlaup-
ársdaginn 29. febrúar. Samkvæmt
þjóðskrá frá 1. janúar 2010 búa 208
einstaklingar á Íslandi sem fæddir
eru þennan sérstaka dag, sem
rennur upp á fjögurra ára fresti til
að samræma lengd almanaksársins
og árstíðaársins.
Í pistli um reglur um hlaupár á
vefsvæði Almanaks Háskóla Ís-
lands segir Þorsteinn Sæmunds-
son, stjörnufræðingur og annar
umsjónarmanna almanaksins, með-
al annars: „Árstíðaárið ræðst af
gangi jarðar um sólu og er sem
stendur 365 dagar 5 stundir 48
mínútur og 45 sekúndur að með-
altali. Lengd almanaksársins er
eins og allir vita ýmist 365 eða 366
dagar, en meðallengdin er venju-
lega talin 365 dagar 5 stundir 49
mínútur og 12 sekúndur. Sam-
kvæmt þessu er almanaksárið að
meðaltali 27 sekúndum lengra en
árstíðaárið. Þessi munur verður að
einum degi á um það bil 3200 ár-
um.“
Deilt með 4 og 400
Mismunandi reglur gilda um
hlaupár eftir því hvaða tímatali er
farið eftir en samkvæmt hinu greg-
oríanska tímatali, sem tekið var
upp á Íslandi í nóvember árið 1700,
geta þeir sem vilja skipuleggja sig
langt fram í tímann borið kennsl á
hlaupár með því að deila tölunni 4 í
viðkomandi ártal. Sérstök regla
gildir þó um aldamótaár en þau
eru aðeins hlaupár ef talan 400
gengur upp í ártalið, til dæmis var
árið 2000 hlaupár en árið 2100
verður það ekki.
Landsvirkjun bárust um 250 um-
sóknir um störf háskólanema fyrir
sumarið en ekki hefur verið ákveð-
ið endanlega hve margir verða
ráðnir. Sumarið 2011 voru um 50
háskólanemar við ýmis störf hjá
fyrirtækinu, m.a. tengd námi og við
verkstjórn í sumarvinnu unglinga.
Misskilnings gætti í umfjöllun í
Morgunblaðinu í gær um sum-
arstörf ungmenna og gefið í skyn
að Landsvirkjun hefði auglýst eftir
160 lausum sumarstörfum fyrir
bæði unglinga og háskólanema. Hið
rétta er að 160 laus störf eru fyrir
ungmenni á aldrinum 16-20 ára,
fædd árin 1992-1996. Háskólanem-
ar eru ekki inni í þeirri tölu og er
beðist velvirðingar á misherminu.
Eins og fram kom í blaðinu í gær
bárust Landsvirkjun um 450 um-
sóknir um störf unglinga, þannig að
samanlagt eru þetta um 700 um-
sóknir sem bárust, en umsókn-
arfrestur rann út 20. febrúar sl.
Morgunblaðið/Ómar
250 umsókn-
ir um störf
háskólanema