Morgunblaðið - 28.02.2012, Qupperneq 11

Ari Þór hóf að boxa í Svíþjóð
þegar hann var 12 ára gamall. Hann
hefur 23 ára reynslu í hnefaleikum að
baki og hefur keppt 41 sinni. Hann
státar meðal annars af silfri á sænska
meistaramótinu og hefur unnið gull á
nokkrum stærstu mótunum í Svíþjóð.
Einnig er Ari Þór alþjóðlegur dómari
í ólympískum hnefaleikum. Þegar tal-
inu víkur að þeirri áhættu sem fylgt
getur boxinu segist hann því hafa set-
ið báðum megin borðsins.
„Rannsóknir í Bretlandi sýndu
að höfuðhögg væru ekkert algengari
í boxinu en hjá fótboltamönnum.
Þetta hafði ég alltaf í huga þar til ég
varð sjálfur fyrir því að það blæddi
inn á heila og mér var vart hugað líf.
Þá hugsaði ég með mér að þetta
væri jú kannski svona en í fótbolt-
anum væri ekki markmiðið að slá í
höfuðið, líkt og í boxinu,“ segir Ari
Þór sem nú nýtir boxið eingöngu
sem feiknagóða æfingu fyrir fólk á
öllum aldri.
Úthaldið skiptir miklu
Í fitness boxi fer hver á sínum
hraða enda segist Ari Þór ekki vera
jafn harður þjálfari og hann var í
boxinu á sínum tíma. Hann þjálfaði í
nokkur ár hjá Hnefaleikafélagi
Reykjavíkur en ákvað síðan að
venda sínu kvæði í kross. Þá hóf
hann störf sem einkaþjálfari hjá
World Class og þar heldur hann
námskeiðið í fitness boxi. Var Ari
Þór fyrstur til að kenna slíkt nám-
skeið innan stöðvarinnar og nýtist
reynsla hans þar vel.
„Úthaldið skiptir mjög miklu
máli í boxinu. Ég læt hópinn gera
mikið af styrktaræfingum fyrir kvið
og bak en kenni líka tæknina við að
boxa og nota það í og með. Þetta er
mjög gott fyrir þá sem vilja styrkja
líkamann en kannski ekki endilega
fá stóra vöðva. Margir hnefaleika-
kappar eru með sterka og flotta
vöðva en líka úthald. Það munar um
það,“ segir Ari Þór.
Persónuleg ráðgjöf
Til Ara Þórs kemur fólk á öllum
aldri og er hægt að leita til hans með
spurningar og ráð í gegnum tölvu-
póst. Þetta segir Ari Þór hafa reynst
vel enda vilji ekki allir bera upp
spurningar sínar fyrir framan aðra.
Sjálfur varð Ari Þór fyrir
óhappi í fótbolta fyrir nokkrum ár-
um og segist því sjálfur nú hreyfa
sig sem minnst. Hann geri þó það
sem hann geti og er auk vinnunnar í
einkaþjálfaranámi hjá Keili.
Nánari upplýsingar um nám-
skeiðin má nálgast á heimasíðu
World Class.
Púl Á námskeiðinu fer hver á sínum hraða en allir fá að svitna og púla meira en nóg.
Vígalegir Í fitness boxi styrkir fólk vöðvana og þá reynist boxið vel.
Kraftur Ari Þór kennir réttu tæknina við boxið og þá skiptir meðal annars máli að slá rétt.
Styrktaræfingar fyrir
kvið og bak eru gerðar
í bland við boxið
DAGLEGT LÍF 11
MORGUNBLAÐIÐ ÞRIÐJUDAGUR 28. FEBRÚAR 2012
Kappi Diego Hypolito stendur hér á einni hendi eins og ekkert sé sjálfsagðara.
Fim Líklegast myndu flestir ekki vera jafn afslappaðir í þessari stellingu.
Styrkur Hin brasilíska Daniele Hypolito er einbeitt á svip þar sem hún hangir.