Morgunblaðið - 26.03.2012, Blaðsíða 13

FRÉTTIR 13Innlent
MORGUNBLAÐIÐ MÁNUDAGUR 26. MARS 2012
Rétt tæp 34% þeirra sem tóku af-
stöðu í nýrri könnun Capacent Gall-
up um forsetaefni vildu helst sjá Ólaf
Ragnar Grímsson gegna embætti
forseta Íslands áfram. Rúm 66%,
eða nærri tveir af hverjum þremur,
vilja að nýr forseti verði valinn.
Þetta kemur fram í fréttatilkynn-
ingu frá hópnum Betri valkost á
Bessastaði.
Þrjár konur voru oftast nefndar
sem þeir valkostir sem fólk vildi
helst fá í staðinn fyrir sitjandi for-
seta. Þetta eru þær Þóra Arnórs-
dóttir, Elín Hirst og Salvör Nordal.
Næstir á eftir komu Páll Skúlason,
Stefán Jón Hafstein og Þórólfur
Árnason.
Alls völdu 30,3% þeirra sem
nefndu a.m.k. einn valkost í könn-
uninni Þóru sem sitt fyrsta, annað
eða þriðja val, en 41,5% þeirra völdu
Ólaf í eitthvert sæti. Þá völdu rúm-
lega 22% Elínu Hirst og tæplega
19% Salvöru Nordal sem sitt fyrsta
til þriðja val. Aðrir sem spurt var um
í könnuninni voru valdir í eitthvert
sæti af um 17% eða færri.
Fjöldi frambjóðenda ræður
„Samkvæmt þessu virðist fjöldi
frambjóðenda geta ráðið mestu um
það hvort núverandi forseti haldi
velli eða ekki. Þá vekur það athygli
að 83% af þeim sem svöruðu tóku af-
stöðu,“ segir í fréttatilkynningu.
Svarhlutfall var 62,8% og úrtaks-
stærð 1.346 einstaklingar af öllu
landinu, 18 ára og eldri. Könnunin
fór fram dagana 15.-23. mars 2012.
66% vilja
nýjan
forseta
 34% vilja að Ólaf-
ur Ragnar sitji áfram
Morgunblaðið/Ómar
Valkostir Þrjár konur voru oftast
nefndar í könnuninni.
Íslandsmeistaramót Sleða-
hundaklúbbs Íslands var haldið
á laugardaginn. Mótið átti að
fara fram á Mývatni en var flutt
vegna góðs veðurs upp á Leir-
hnjúka fyrir ofan Kröfluvirkjun.
Fenginn var snjótroðari til að
troða braut fyrir keppnina. Ann-
ars vegar var keppt í sleða-
drætti en líka er keppt í því sem
sleðahundafólkið kallar „skijör-
ing“, þ.e. maður og hundur fara
brautina saman, maðurinn á
skíðum og hundurinn í taumi
fyrir framan hann eins og sést á
myndinni.
Skíði og
sleðadráttur
Morgunblaðið/Birkir Fanndal
Keppendur Hér má sjá nokkra keppendur nálgast markið í annarri af tveimur keppnisgreinum.
Vélsleðamaður fór niður um ís á
Svínavatni á Húnavöllum sl. laug-
ardag. Björgunarsveitirnar Blanda
á Blönduósi og Strönd á Skaga-
strönd voru kallaðar út en betur fór
en á horfðist og náði maðurinn í
land. Voru björgunarsveitirnar aft-
urkallaðar um 15 mínútum síðar.
Þær fóru þó á staðinn til að reyna að
ná sleðanum upp úr vatninu.
Annar vélsleðamaður lenti í slysi á
laugardaginn. Flugbjörgunarsveitin
á Hellu var kölluð út til að sækja vél-
sleðamann sem meiðst hafði á baki
við Hrauneyjalón. Maðurinn var
fluttur af slysstað til móts við
sjúkrabíl sem beið við Hrauneyjar.
Þá voru björgunarsveitir einnig
kallaðar út þennan sama dag til að
aðstoða ferðamenn á biluðum og
föstum bílum. Sækja þurfti fólk við
Langjökul þar sem bíll þess hafði
bilað. Þá var björgunarsveit kölluð
út til aðstoðar vegna bíls sem fastur
er við Hverfjall, samkvæmt upplýs-
ingum frá Slysavarnafélaginu
Landsbjörg.
Niður um ís
á vélsleða á
Svínavatni