Morgunblaðið - 25.04.2012, Side 12
Gullæði hefur gripið
um sig á Íslandi
„Það virðist vera til gríðarlega mikið
af gulli,“ segir Sverrir Eiríksson
gullkaupandi um gulleign lands-
manna, en auglýsingar gullkaupenda
hafa verið áberandi að undanförnu.
Magnús Steinþórsson gullsmíða-
meistari hefur í um þrjú ár auglýst
reglulega að hann kaupi gull. Sverrir
hefur vakið athygli á starfsemi sinni
undanfarna tvo mánuði og P&H
Jewellers höfðaði til gullseljenda í
heilsíðuauglýsingu í Morgunblaðinu
í gær.
Sverrir segir að gull hafi safnast
hjá fólki í áratugi og mikið framboð
af gulli sé á Íslandi. „Fólk er greini-
lega að taka til í skúffum og skápum
og vill athuga hvort þar felist verð-
mæti,“ segir hann. „Það er alveg
lygilegt hvað er mikið til.“ Hann er
líka með verslun í Bretlandi og segir
að staðan sé eins þar.
Um 2.500 kr. fyrir grammið
Verðið fer eftir hreinleika gullsins.
„Fyrir 14 karata gull sem er 58%
hreint borgum við núna rúmlega
2.500 krónur fyrir grammið,“ segir
Sverrir og leggur áherslu á að verðið
fari eftir heimsmarkaðsverðinu
hverju sinni. Gullið er síðan brætt og
nýir gripir smíðaðir úr því.
Sverrir hefur stundað gullvið-
skipti hérlendis og erlendis síðan
2008. Undanfarna tvo mánuði hefur
hann auglýst tímapantanir á Grand
Hóteli Reykjavík um helgar nema
hvað hann tók sér frí um páskana.
Hann segir að sér hafi aðeins einu
sinni verið boðið þýfi til kaups, en
hann líti ekki við því.
Undanfarnar tvær helgar hefur
Sverrir jafnframt auglýst eftir mál-
verkum eftir gömlu meistarana.
Hann segir að kaupin fari hægt af
stað en um spennandi markað sé að
ræða. Íslensk myndlist sé á lágu
verði og því góður tími til þess að
fjárfesta í henni. Gull og demantar
hafi hinsvegar hækkað mikið á ný-
liðnum árum. steinthor@mbl.is
Það er alveg lygilegt hvað er mikið til, segir gullkaupandi
Morgunblaðið/Golli
Menningarverðmæti Fulltrúar safnaráðs skoðuðu í febrúar gull- og silfur-
skartgripi sem flytja átti til útlanda til að setja þá í bræðslu.
12 FRÉTTIRInnlent
MORGUNBLAÐIÐ MIÐVIKUDAGUR 25. APRÍL 2012
Flugskóli Íslands hefur látið uppfæra
flughermi sinn sem mun breyta allri
þjálfun flugnema hér á landi, að því
er segir í fréttatilkynningu frá skól-
anum. Flughermirinn var uppfærður
hjá franska framleiðandanum ALSIM
og sá Eimskip um að flytja herminn
til uppfærslu í Frakklandi og aftur
heim til Íslands. Eftir að búnaðurinn
var kominn til baka fékk Gylfi Sig-
fússon, forstjóri Eimskips, að prófa
hann ásamt Baldvini Birgissyni,
skólastjóra Flugskóla Íslands. Nýi hermirinn líkir eftir fimm tegundum
flugvéla; litlum eins hreyfils kennsluflugvélum, litlum tveggja hreyfla flug-
vélum, 50 sæta farþegaflugvélum líkt og eru notaðar í innanlandsfluginu
hér, litlum þotum og einnig um 150 sæta farþegaþotum. Mun hermirinn
m.a. gera flugnemum kleift að læra allt blindflug hér á landi. Geta má þess
að Air Atlanta nýtir herminn núna til að velja flugmenn á Boing 747-þotur.
Flughermir Flugskóla Íslands uppfærður í
Frakklandi með stuðningi Eimskips
Hermir Gylfi Sigfússon og Baldvin Birgis-
son prófa nýja flugherminn.
Ingveldur Geirsdóttir
ingveldur@mbl.is
„Við vorum beðin um að skoða
starfsemi einkarekinna lækn-
ingastofa í kjölfarið á PIP-brjósta-
púðamálinu. Hópurinn lítur svo á
að hann verði að bestu liði með því
að horfa á málið frá sjónarhóli
sjúklinga og spyrja hvort öryggi
þeirra sé ábótavant,“ segir Magn-
ús Pétursson sem er formaður ráð-
gjafahóps sem velferðarráðherra
skipaði 20. febrúar síðastliðinn.
Hlutverk hópsins er meðal ann-
ars að skoða stöðu einkarekinnar
heilbrigðisþjónustu og hvernig ör-
yggi sjúklinga er tryggt þegar al-
menningur leitar slíkrar þjónustu.
Leita til sjúklingasamtaka
„Við erum að skoða hver er rétt-
ur sjúklinga í landinu en hann á
meðal annars að vera varinn í lög-
um um réttindi sjúklinga frá 1997.
Síðan höfum við sett okkur að
reyna að leita til ýmissa aðila um
ráð og skoðanir. Hópurinn hefur
átt ítarleg viðtöl við forsvarsmenn
þeirra stofnana
og hagsmuna-
samtaka sem
helst eiga hlut
að máli. Ráðgjaf-
arhópurinn telur
nauðsynlegt að
fá enn gleggri
sýn á verkefni
sitt með því að
leita álits al-
mennings og í
síðustu viku skrifuðum við til allra
sjúklingasamtaka, en þau gefa sig
út fyrir að vera málsvarar sjúk-
linga, og báðum þau um að svara
viðhorfskönnun um hvernig fólk
lítur á þessi heilbrigðismál. Við
væntum niðurstaðna úr þeirri
könnun í byrjun maí og ætlum að
hafa hana til hliðsjónar,“ segir
Magnús og hvetur sjúklinga-
samtök til að svara þessari könn-
un.
Magnús vill lítið gefa upp um
hverju hópurinn hefur komist að
hingað til um hvort réttindi sjúk-
linga eru virt hér á landi. „Við er-
um að reyna að draga myndina af
þessu upp núna. Það er heilmikið
lagaumhverfi í kringum þetta en
eitt er lögin en annað er svo
hvernig okkur gengur að fram-
fylgja lögunum. Kostnaðardeilingin
á milli hins opinbera og almenn-
ings er fyrirbrigði sem er dálítið
flókið og ekki gegnsætt fyrir al-
menning.“
Réttur sjúklinga ríkur
Spurður út í úrskurð Persónu-
verndar um að Landlæknir fái
ekki aðgang að gögnum frá lýta-
læknum, um þær konur sem fengu
sér PIP-brjóstapúða svarar Magn-
ús að í lögum um réttindi sjúk-
linga segi að það sé sjúklingurinn
sem ákveður hvaða upplýsingar
eru veittar. „Réttur sjúklingsins til
að fjalla um upplýsingarnar og
ákveða hvernig þær eru notaðar er
mjög ríkur. Svo getur Landlæknir
komið með önnur rök vegna al-
mannaheillar. Persónuvernd komst
að niðurstöðu sem er á bandi sjúk-
lingsins,“ segir Magnús.
Ráðgjafahópurinn á að hafa lok-
ið starfi sínu fyrir lok maímánaðar.
Í aðgerð Réttur sjúklinga er mjög mikill að sögn Magnúsar sem er formaður hóps sem skoðar mál sjúklinga.
Skoða stöðu sjúklinga
Ráðgjafahópur skoðar stöðu einkarekinnar heilbrigðis-
þjónustu og hvernig öryggi sjúklinga hefur verið tryggt
Magnús
Pétursson
DAGSKRÁ
Setning fundar
Friðrik Pálsson, formaður stjórnar
Ávarp utanríkisráðherra
Össur Skarphéðinsson, utanríkisráðherra
Litið yfir árið
Jón Ásbergsson, framkvæmdastjóri
Þrautseigja lítilla þjóða
David Gardner, ritstjóri alþjóðamálefna
hjá Financial Times
Fundarstjóri er Vilborg Einarsdóttir,
framkvæmdastjóri Mentors og fulltrúi í stjórn
Íslandsstofu
Að loknum framsöguerindum kl. 12.30
verður boðið upp á veitingar.
Vinsamlega tilkynnið þátttöku í síma 511 4000,
eða með tölvupósti á islandsstofa@islandsstofa.is