Morgunblaðið - 25.04.2012, Qupperneq 20

20 UMRÆÐAN
MORGUNBLAÐIÐ MIÐVIKUDAGUR 25. APRÍL 2012
Nú um helgina verð-
ur þess minnst að 40 ár
eru liðin frá því að and-
legt þjóðarráð bahá’ía á
Íslandi var fyrst kosið.
Þjóðarráðið fer með yf-
irstjórn bahá’í sam-
félagsins hér á landi. Í
því sitja níu meðlimir
sem kosnir eru til eins
árs í senn á landsþingi
bahá’ía. Bahá’í (framber
bahæ) trúin á sér langa sögu á Íslandi.
Höfundar hennar, Bahá’u’lláh, var hér
fyrst getið á prenti árið 1908, er Þór-
hallur Bjarnarson, síðar biskup, fór
um hann svofelldum orðum í Nýja
kirkjublaðinu: „Fyrir fjörutíu árum
reis upp dýrlegur kennimaður og
guðsvottur í Persalandi, og hét hann
Baha Ullah. Eins og við mátti búast,
dó hann píslarvættisdauða, andaðist í
tyrkneskri prísund 1892. Margir fylgj-
endur hans hafa látið lífið fyrir trúar-
skoðanir sínar, en þær breiðast því
betur út. Kenningar hans eru að
mörgu leyti svipaðar kenningum krist-
indómsins eins og mannúðlegast og
göfugast er með þær farið.“
Hólmfríður Árnadóttir, safnvörður í
Listasafni Einars Jónssonar, varð
fyrst Íslendinga til að taka bahá’í trú
1924 og hún þýddi fyrstu bahá’í bókina
á íslensku. Svæðisráð bahá’ía í
Reykjavík var fyrst kosið 1965. Bahá’í
hjónavígslur fengu löggildingu og
fyrstu bahá’íarnir giftu sig hérlendis
1967. Árið 1975 fékk bahá’í trúin form-
lega viðurkenningu dóms- og kirkju-
málaráðuneytisins samkvæmt lögum
um trúfélög utan þjóðkirkjunnar sem
samþykkt voru það ár. Síðar fékkst
opinber viðurkenning á bahá’í helgi-
dögum fyrir skólanema. Upp úr 1970
var gert átak í kynningu bahá’í trú-
arinnar hér á landi og í september
1971 var haldin alþjóðleg bahá’í ráð-
stefna í Reykjavík, sem sótt var af
rúmlega 800 manns frá 36 þjóð-
löndum. Þessu kynningarstarfi hefur
verið haldið áfram síðan og mikið af
kynningarefni gefið út á íslensku.
Starf bahá’ía að skóg-
rækt í landi Skóga í
Þorskafirði hefur vakið
nokkra athygli. Það hófst
með starfi Jochums Egg-
ertssonar sem var einn af
brautryðjendum skóg-
ræktar hér á landi og
meðal fyrstu bahá’íanna.
Starfi hans hefur verið
haldið áfram á þessum
sögufræga stað. Sam-
kvæmt lögum um lands-
hlutabundin skógrækt-
arverkefni er stefnt að
því að a.m.k. 5% láglendis á Íslandi
verði þakin skógi árið 2040. Skógrækt-
arverkefnið að Skógum er hluti af
þessari heildarmynd og bahá’íar telja
mikilvægt að láta ekki sinn hlut eftir
liggja með öflugu skógræktarátaki.
Bahá’í samfélagið hefur fest kaup á
landi undir tilbeiðsluhús á Kistufelli
undir Esjunni. Skrifstofa þjóðarráðs-
ins, bóksala og fundarsalur eru að
Öldugötu 2 í Reykjavík. Fjár til allrar
bahá’í starfsemi er aflað með frjálsum,
leynilegum framlögum og aðeins
bahá’íar geta gefið í sjóði trúarinnar.
Bahá’í heimssamfélagið tekur virk-
an þátt í umræðu um málefni fram-
tíðar á vettvangi Sameinuðu þjóðanna.
Fulltrúar íslenska samfélagsins sóttu
ráðstefnur SÞ um umhverfi og þróun í
Ríó 1992, um félagslega þróun í Kaup-
mannahöfn 1995 og um málefni
kvenna í Peking sama ár. Samfélagið
hefur einnig tekið þátt í umræðu hér á
landi í tengslum við ár SÞ og lagði á
ári fjölskyldunnar fram yfirlýsingu um
mikilvægi fjölskyldunnar í þjóðfélag-
inu. Gefnar hafa verið út á íslensku
bahá’í yfirlýsingar um friðarmál, jafn-
rétti kynjanna, hagsæld mannkyns og
framtíðarþróun SÞ.
Bahá’íar í Íran hafa um langt skeið
verið ofsóttir af þarlendum yfirvöldum
vegna trúar sinnar. Um 300 þeirra
verið líflátnir á undanförnum áratug-
um og fjöldi verið hrakinn frá heim-
ilum sínum, vísað úr skólum og meinað
um atvinnu. Þungir dómar voru ný-
lega kveðnir upp yfir sjö helstu leið-
togum samfélagsins. Íslensk stjórn-
völd hafa ávallt stutt ályktanir á
vettvangi SÞ um mannréttindabrot í
Íran þar sem bahá’ía er sérstaklega
getið. Slíkur alþjóðlegur þrýstingur er
ómetanlegur. Bahá’í samfélagið er
rótgróið íslensku samfélagi, tekur þátt
í þvertrúarstarfi og hefur átt gott sam-
starf við fjölmörg samtök og ein-
staklinga sem vinna að því að bæta ís-
lenskt samfélag.
Á undanförnum árum hafa bahaí’ar
um allan heim einbeitt sér að fram-
gangi þjálfunarferlis, sem felur í sér
gerð námsgagna, fræðslu og þjálfun
fólks á öllum aldri. Þjálfunarferlið
byggist á námsefni sem samið er með
heildarmynd samfélags í huga og
myndar þannig samfellu milli aldurs-
hópa, barna, unglinga og fullorðinna.
Tilgangurinn er að hafa áhrif til góðs í
heiminum, stuðla að friði og farsæld
mannlegs samfélags og vinna að
menningu þar sem áherslan er fremur
á andleg gildi en þau efnislegu.
Þetta felur m.a. í sér að hefja aftur
til vegs og virðingar gildi eins og
traust, heiðarleika, sannleiksást og
aðrar manndyggðir sem virðast hafa
fallið milli skips og bryggju á tímum
efnishyggju og vantrúar. Unnið er
með hugtök sem stuðla að friði, sáttum
og raunverulegum framförum eins og
jafnrétti, einingu og samráði. Bahá‘í
samfélög um allan heim vinna að sama
markmiði óháð búsetu og aðstæðum.
Hér eins og annars staðar er þessi
starfsemi opin öllum, hvaða trú eða
lífsskoðanir sem þeir kunna að aðhyll-
ast. Öllum er boðið að taka þátt í þessu
starfi hvort heldur um er að ræða
bænastundir sem næra andann eða
sjálft námsferlið sem miðar að því að
byggja upp nýja siðmenningu.
Að byggja upp nýja siðmenningu
Eftir Eðvarð T.
Jónsson »Hefja verður aftur til
vegs gildi eins og
traust, heiðarleika og
aðrar manndyggðir sem
falla milli skips og
bryggju á tímum efn-
ishyggju og vantrúar.
Eðvarð T. Jónsson
Höfundur er bahá’í og eftirlaunaþegi.
Til Gylfa Arnbjörnssonar. Komdu
sæll, ég vil spyrja hvernig þú sem for-
maður ASÍ getur varið og hrósað líf-
eyrissjóðunum?
Árið 2009 var kostnaður 6 stærstu
lífeyrissjóðanna 2,3 milljarðar. Með-
allaun voru á bilinu 7,5 -10,3 milljónir
á ári (þessar tölur eru teknar beint úr
ársreikningum þeirra). Forstjóralaun
eru sum hver á þriðja tug milljóna á
ári, áætlaður heildarkostnaður þrjá-
tíu og þriggja sjóða er ekki undir 10,3
milljörðum á ári, og er þá ekki með-
talinn erlendur kostnaður sem flestir
þeirra birta ekki, en ætli það séu ekki
1-2 milljarðar í viðbót. Á sama tíma fá
sjóðsfélagar meðalgreiðslur út úr
sjóðunum upp á u.þ.b. 70.000 krónur
og þar af fara fyrstu 60-65 þúsundin
beint í skerðingar á greiðslum frá
TR.
Á sama tíma ert þú að skrifa undir
samninga fyrir þína launþega upp á
lágmarkslaun sem ekki ná 200 þús-
undum á mánuði. Ég er kannski bara
svona vitlaus en ég get ómögulega
skilið að þú sem formaður ASÍ reynir
að verja þennan kostnað. Af hverju er
ekki barist um að fækka þessum sjóð-
um? Þeir eru allir að gera sömu hlut-
ina og gaman væri nú ef ASÍ gæti lát-
ið reikna út hver sparnaðurinn yrði ef
þeim yrði fækkað í 2-4 sjóði, þá væri
örugglea svigrúm til að hækka lífeyr-
isgreiðslur til þeirra sem hafa greitt í
sjóðina í áratugi og standa uppi með
70 þúsund á mánuði í lífeyrisgreiðslur
í dag.
Með von um skjót svör,
ÞORSTEINN
ÞORSTEINSSON
fyrrverandi sjómaður, nú öryrki.
Hvernig er hægt
að verja þetta, Gylfi Arnbjörnsson?
Frá Þorsteini Þorsteinssyni
Bréf til blaðsins
Trésmiðja GKS ehf, Funahöfða 19, sími 577 1600, gks@gks.is, gks.is
Gæði - Kunnátta - Sveigjanleiki
Dreymir þig nýtt eldhús!
Hjá þaulvönum starfsmönnum GKS færðu sérsmíðað eldhús
og allar innréttingar sem hugurinn girnist.
Við bjóðum framúrskarandi þjónustu og gæðasmíði
alla leið inn á þitt heimili.
Þarabakki 3 ~ 109 Reykjavík ~ sími 566 6161 ~ curves.is
Það eru
alltaf
þjálfarar
þér til
aðstoðar
… Heilsurækt fyrir konur
Sumarkortin
komin í sölu
11.900 kr.
Gilda til 10. ágúst
Æfingin hjá okkur
tekur aðeins 30 mínútur
Hringdu og f
áðu
frían prufutím
a
- nýr auglýsingamiðill
 569-1100finnur@mbl.is