Morgunblaðið - 26.04.2012, Blaðsíða 34

34 MENNING
MORGUNBLAÐIÐ FIMMTUDAGUR 26. APRÍL 2012
Silja Björk Huldudóttir
silja@mbl.is
„Að mörgu leyti er Bjarni Gíslason
frá Kolkustöðum okkar íslenski
Hamlet, sjávarbóndi sem stendur
frammi fyrir stórri tilvistarspurn-
ingu um það að vera eða ekki vera
og í gegnum þann efa kristallast
barátta verksins.
Hann veit ekki
hvort hann á að
fylgja hjartanu
eða skyldunum.
Þetta er sterk
togstreita sem
talar beint við
frumurnar í okk-
ur,“ segir Krist-
ín Eysteinsdóttir
leikstjóri um að-
alpersónuna í
Svari við bréfi Helgu sem frum-
sýnt verður á Nýja sviði Borg-
arleikhússins annað kvöld kl. 20.
Verkið byggir á metsölubók Berg-
sveins Birgissonar í nýrri leikgerð
Ólafs Egils Egilssonar. Kristín og
Ólafur Egill unnu síðast saman
sýninguna Fólkið í kjallaranum
sem einnig var sýnd í Borgarleik-
húsinu á sínum tíma við góðar und-
irtektir og í Ríkissjónvarpinu um
nýliðna páska, en allir listrænir að-
standendur og stór hluti leik-
aranna eru þeir sömu í báðum sýn-
ingum.
Skapa sjálfstætt listaverk
Aðspurð segir Kristín lykilinn að
góðri leikgerð vera að finna að-
ferðina eða leiðina til að miðla
kjarna verksins. „Til að byrja með
hafði ég ákveðnar efasemdir um að
hægt væri að leikgera þessa bók,
en svo kom Ólafur Egill með
ákveðna hugmynd að lausn sem
mér fannst spennandi og þá fór
boltinn að rúlla,“ segir Kristín og
tekur fram að ferlið nú hafi verið
sambærilegt við það þegar þau
unnu að Fólkinu í kjallaranum.
„En þá bók sá ég heldur ekki fyrir
mér hvernig hægt væri að leikgera
þar til Ólafur Egill kom með lausn-
ina. Báðar leikgerðir voru lengi í
gerjun og tóku síðan talsverðum
breytingum áður en sjálft æf-
ingaferlið hófst,“ segir Kristín og
bætir við: „Ólafur Egill er mjög
næmur á að finna leikbæra aðferð
til að miðla skáldsögu á svið.
Markmiðið er alltaf að búa til sjálf-
stætt listaverk sem lifir sem leik-
rit, þannig að áhorfendur geti not-
ið sýningarinnar hvort sem þeir
hafa lesið bókina eða ekki. Til þess
að það náist þarf að fanga kjarna
verksins og sviðsetja leikbæra bar-
áttu þess,“ segir Kristín og tekur
fram að togstreita verksins birtist
áhorfendum í gegnum baráttu
Bjarna.
Að fylgja kalli kærleikans
„Hann er manngerð sem er að
deyja út, þ.e. íslenskur bóndi sem
trúir á sveitina og gömlu gildin.
Hann stendur frammi fyrir því að
þurfa að velja milli þessara gilda
sem eru í raun kjarni sjálfs hans
eða fylgja ástinni sinni og hefja
nýtt líf í Reykjavík en þá um leið
svíkja sjálfan sig. Þegar hann fer í
gegnum líf sitt í leikritinu kemst
hann að þeirri niðurstöðu að hann
hefði átt að fylgja kalli kærleikans.
Þannig segir hann sjálfur undir lok
verksins að það vonda við lífið séu
ekki oddarnir hvössu sem særðu
mann heldur kallið mjúka frá kær-
leikanum sem maður virti að vett-
ugi.
Þessi skilaboð eiga alltaf við.
Þegar maður stendur frammi fyrir
dauðanum þá er það ekki það sem
maður gerði sem maður sér eftir
heldur það sem maður gerði ekki,“
segir Kristín og tekur fram að
megináskorunin við sviðsetninguna
hafi verið að koma þessum tilfinn-
ingum til skila. „Markmiðið er að
áhorfendur fari með Bjarna í
gegnum uppgjör hans við eigið líf
og fari í gegnum allan tilfinn-
ingaskalann með honum og gangi
svo að lokum út, hugsandi: Lífið er
núna, bíðum ekki þangað til það er
orðið um seinan.“
„Okkar íslenski Hamlet“
 Svar við bréfi
Helgu frumsýnt í
Borgarleikhúsinu
annað kvöld kl. 20
Ljósmynd/Grímur Bjarnason
Um seinan „Markmiðið er að áhorfendur fari með Bjarna í gegnum uppgjör hans við eigið líf [...] og gangi svo að
lokum út, hugsandi: Lífið er núna, bíðum ekki þangað til það er orðið um seinan,“ segir Kristín Eysteinsdóttir.
Kristín
Eysteinsdóttir
Aðrir tón-
leikar Kvart-
etts Kamm-
ersveitar
Reykjavíkur
í röðinni
Meist-
araverk Jóns
Leifs verða
haldnir í Kaldalóni í Hörpu sunnu-
daginn 29. apríl kl. 12:15.
Á efnisskránni eru tvö verk:
Kvartett nr. 3 eftir Leif Þórarinsson
og Quartetto III op. 64 El Greco eftir
Jón Leifs. El Greco samdi Jón Leifs
eftir að hann sótti aðalfund ISCM í
Madrid. Í þeirri ferð heimsótti hann
Toledo til að kynnast lífi og verkum
grísk-spænska málarans El Grecos. Í
kvartettnum sækir hann hugmyndir
sínar í myndir málarans.
Kvartett Kammersveitar Reykja-
víkur skipa Rut Ingólfsdóttir á fiðlu,
Sigurlaug Eðvaldsdóttir á fiðlu, Þór-
unn Ósk Marinósdóttir á víólu og
Hrafnkell Orri Egilsson á selló.
Lokatónleikar í röðinni verða
sunnudaginn 3. júní kl. 13.00.
Meistaraverk Jóns Leifs
Tvær sýningar verða opnaðar í
Þjóðminjasafni Íslands í dag, ann-
ars vegar Nál og hnífur og hins
vegar Átta heimar. Báðar eru sýn-
ingarnar hluti af hátíðinni List án
landamæra. Að auki stendur safnið
fyrir málþingi um fötlun og söfn, í
samstarfi við námsleið í safnafræði
við HÍ, í fyrirlestrasal Þjóðminja-
safnsins, á morgun kl. 13:00-15:30.
Á Nál og hnífur gefur að líta út-
saumsmyndir Guðrúnar Bergs-
dóttur og útskurð Gauta Ásgeirs-
sonar. Verk Guðrúnar bera, að
sögn sýningarhaldara, vott um
næma litatilfinningu og sjálf-
sprottna, fullkomna myndbygg-
ingu. Gauti sker út bæði stórar og
svipmiklar fígúrur og minni fín-
gerða hluti af fádæma list og færni.
Verkin á Átta heimum eru unnin
í vinnustofu á vegum Myndlista-
skólans í Reykjavík í samvinnu við
símenntunarmiðstöð Fjölmenntar.
Nál og hnífur
Pavane eftir G. Fauré fyrir víólu og píanó verður meðal verka sem flutt
verða á hádegistónleikum í Háteigskirkju á morgun milli kl. 12:30 og
13:00.
Að sögn skipuleggjenda mun angurværð og dulúð einkenna dagskrána í
þetta sinn en ásamt Pavane verða m.a. flutt Sure on this shining night eftir
S. Barber og Élégie eftir J. Massenet.
Flytjendur eru Ragnheiður Lilja Óladóttir sópran, Þórunn Harðardóttir
víóluleikari og Lilja Eggertsdóttir píanóleikari.
Dulúð og angurværð
Tríó Þórunn, Ragnheiður og Lilja.
Svar við bréfi Helgu er eftir Bergsvein Birgisson í leikgerð Ólafs Egils Eg-
ilssonar.
Leikstjóri er Kristín Eysteinsdóttir. Leikmynd hannar Snorri Freyr Hilm-
arsson, búninga Stefanía Adolfsdóttir og lýsingu Björn Bergsteinn Guð-
mundsson. Um tónlist sér Frank Þórir Hall. Leikarar eru Þröstur Leó
Gunnarsson, Ilmur Kristjánsdóttir, Sigrún Edda Björnsdóttir, Ellert A.
Ingimundarson og Gunnar Hansson.
Listrænir stjórnendur
KEVIN.MURPHY
HÁRSNYRTIVÖRUR
www.kevinmurphy.com.au
fást á hársnyrtistofum