Morgunblaðið - 03.05.2012, Page 10

10 DAGLEGT LÍF
MORGUNBLAÐIÐ FIMMTUDAGUR 3. MAÍ 2012
María Ólafsdóttir
maria@mbl.is
Þær Kari Killén og MayOlofsson hafa áratugareynslu af því að starfameð foreldrum og börn-
um í vanda. Nánar tiltekið mæðr-
um og fjölskyldum sem glíma við
vímuefnavanda. Þær eru nú
staddar hér á landi til að flytja
erindi á námstefnu Þerapeiu.
Almenn vitund eykst
Kari Killén er prófessor em-
eritus og yfirmaður rannsóknar-
starfs NOVA (Norwegian Insti-
tute of Social Research) í Ósló.
Hún hefur rannsakað mikilvægi
traustra frumtengsla og afleið-
ingar tilfinningalegrar vanrækslu
ungbarna í áratugi. Bók hennar,
„Barndomen varer i genera-
sjoner,“ er væntanleg í íslenskri
þýðingu. May Olofsson er yfir-
læknir fjölskylduþjónustu sjúkra-
hússins í Hvidovre og Ríkisspít-
alans í Kaupmannahöfn. Hún
hefur m.a. sérhæft sig í að með-
höndla konur í áfengis- og vímu-
efnaneyslu á meðgöngu. Kari og
May starfa að nokkru leyti saman
við að koma kunnáttu sinni á
framfæri og þjálfa starfsfólk inn-
an heilbrigðisgeirans. Auk þess
hafa þær gefið út bók saman.
Mikilvægt að nýta
þekkingu
Kari og May telja að almennt
séð sé vitund um þessi málefni að
aukast og meiri þekking sé nú
fyrir hendi um hve mikilvægir
fyrstu mánuðir í lífi barns séu.
„Ég vinn með fjölskyldum
sem plagaðar eru af ofbeldi, vímu-
efnaneyslu og geðsjúkdómum. Ég
tel að við búum yfir mun meiri
þekkingu en við notum, en til þess
að auka notkunina þurfum við að
fjárfesta enn meira í þjálfun heil-
brigðisstarfsfólks,“ segir Kari.
May tekur undir þetta og seg-
ir mikilvægt að nýta þekkinguna
um áhættuþættina í upphafi með-
göngu svo hægt sé að koma í veg
fyrir skaða á meðgöngu og í frum-
bernsku. Enda kosti slíkt bæði
miklar mannlegar raunir og fjár-
útlát fyrir samfélagið.
„Mörg börn í samfélagi okkar
þjást af meðfæddum skaða auk
vanrækslu og misnotkunar, en
neysla á meðgöngu hefur einkum
skaðleg áhrif á þroska heilans og
miðtaugakerfisins. Þessi börn
þurfa stuðning allt sitt líf, bæði í
félags- og heilbrigðiskerfinu,“ seg-
ir May.
Margþætt vandamál
Í starfi May glímir teymi ljós-
mæðra, lækna og sálfræðinga við
það verkefni að draga úr slíkum
skaða eins og unnt er. Þar leggur
May áherslu á að mikilvægt sé að
grípa strax inn í við upphaf með-
göngu. Konurnar eru meðhöndl-
aðar eftir því hverju þær eru háð-
ar. Þannig er verðandi mæðrum
sem háðar eru heróíni til að
mynda gefið methadon undir eftir-
liti heilbrigðisstarfsfólks. Þannig
er reynt að stuðla að því að neyt-
andinn neyti síður annarra vímu-
efna og dragi úr neyslunni smátt
og smátt.
Þá er unnið með félagsmála-
Mikilvægt að grípa
snemma í taumana
Kari Killén prófessor og May Olofsson læknir hafa áratuga reynslu af því að
starfa með verðandi mæðrum og fjölskyldum í neyslu. Þær segja mikilvægt
að nýta enn betur þá þekkingu sem til sé um skaðsemi vímuefna á börn,
á meðgöngu og í frumbernsku, innan heilbrigðisgeirans.
Morgunblaðið/Kristinn
Nýfædd Hlúa þarf vel að börnunum líkamlega sem andlega.
Í Hollywood eru stjörnurnar oftar en
ekki komnar aftur í þröngu buxurnar
sínar tveimur vikum eftir barnsburð.
Óléttumaginn virðist hafa verið sog-
aður í burtu og allt sem heitir auka-
eitthvað hefur verið töfrað í burtu.
Eða látið hverfa með því að búa í lík-
amsræktarsalnum. Svona er þetta
þó ekki í lífi venjulegra kvenna, eins
og flestar okkar vita. En sífelldar
fregnir af slíkum mjónumömmum í
fjölmiðlum eru ekkert skemmtilegar
til lengdar. Konan á bak við vefsíð-
una theshapeofamother.com er
örugglega ein þeirra sem fengið hafa
sig fullsaddar á slíkum fréttum. Svo
hún setti á fót vefsíðu þar sem kon-
ur geta sent inn myndir af sliti,
maga, lærum og öllu því sem eðli-
legt er að sjá í speglinum dags-
daglega, svo ekki sé talað um rétt
eftir barnsburð. Og sjá, ótal konur
hafa deilt reynslu sinni og myndum.
Sameinaðar stöndum vér, sundraðar
föllum vér.
Vefsíðan www.theshapeofamother.com
Morgunblaðið/Ernir
Mömmur Gott er fyrir alla að hreyfa sig en þröngu buxurnar mega alveg bíða.
Fallegar móðurverur
Helga Kress, prófessor emeritus í al-
mennri bókmenntafræði við Háskóla
Íslands, heldur í dag hádegisfyrir-
lestur sem ber heitið „Veiðileyfi á
konur? Um (mis)notkun persónu-
legra heimilda í verkum nokkurra
karlrithöfunda samtímans. Fjallað
verður um konur sem aðalpersónur
og/eða sögumenn í svokölluðum
sögulegum skáldsögum eftir íslenska
karlrithöfunda samtímans. Meðal
skáldsagna sem rætt verður um eru
Slóð fiðrildanna (1999), Sakleysingj-
arnir (2004) og Málverkið (2011) eftir
Ólaf Jóhann Ólafsson, Enn er morg-
unn (2009) eftir Böðvar Guðmunds-
son og Konan við 1000° eftir Hallgrím
Helgason. Fyrirlesturinn hefst klukk-
an 12 í Háskóla Íslands, Odda 101.
Endilega…
…hlýðið á
fyrirlestur
Morgunblaðið/Einar Falur
Fyrirlesari Helga Kress.
Hljómsveitin The Saints of Boogie
street Leonard Cohen tribute band
heldur útgáfutónleika í Iðnó á morg-
un, föstudaginn 4. maí klukkan
20:30, en hljómsveitin hefur nýverið
gefið frá sér diskinn Leonard Cohen
Covered til heiðurs söngvaranum
með röddina seiðandi. Á disknum er
að finna 14 af helstu perlum Co-
hens í flutningi tveggja söngkvenna
í nýjum fallegum útsetningum.
Hljómsveitin hefur síðastliðin tvö
ár flutt þessa dagskrá við góðar
undirtektir og ákvað því að gefa
þessi fallegu lög söngvarans út til
að leyfa fleirum að njóta. Hljóm-
sveitina skipa Soffía Karlsdóttir og
Esther Jökulsdóttir sem sjá um
söng, Ólafur Kristjánsson á bassa,
Pétur Valgarð Pétursson á gítar,
Kristinn Einarsson á píanó og Ing-
ólfur Sigurðsson á trommur. Útgef-
andi disksins er Ljósalind en hann
fæst á tonlist.is, Eymundsson-
verslunum um land allt og fleiri
stöðum.
The Saints of Boogie street Leonard Cohen tribute band
Flytja ábreiður Cohens í Iðnó
AFP
Reffilegur Meistari Cohen hefur gefið út fjölmargar söngperlur.
Skannaðu kóðann
til að fara inn á
vefsíðuna.
Ögurhvarfi 2
203 Kópavogi
Opið alla daga kl. 10 - 23
GAMLI ÍSINN
MJÓLKURÍS