Morgunblaðið - 16.07.2012, Side 6

BAKSVIÐ
Baldur Arnarson
baldura@mbl.is
Forystumenn ASÍ og Samtaka at-
vinnulífsins draga í efa að ríkis-
stjórnin hafi leyst jafn mörg brýn úr-
lausnarefni í efnahagsmálum og
tilgreint er á vef stjórnarráðsins.
Málið varðar lista með 25 verkefn-
um sem sögð eru „afgreidd“, „af-
greidd að hluta“ eða „afgreidd að
mestu“. Lítið hefur farið fyrir listan-
um nema hvað Hrannar B. Arnars-
son, aðstoðarmaður Jóhönnu Sigurð-
ardóttur, hefur vakið athygli á
honum í netheimum að undanförnu.
Nokkur helstu málin eru listuð
upp hér til hliðar en meðal verkefna
sem sögð eru „afgreidd“ er að
„skapa … forsendur fyrir áfram-
haldandi og hraðri lækkun vaxta“.
Vilhjálmur Egilsson, fram-
kvæmdastjóri Samtaka atvinnulífs-
ins, bendir á að vextir séu að hækka.
„Vextir lækkuðu á sínum tíma og
miklu seinna en rætt var um. Svo eru
þeir farnir að hækka aftur. Þannig
að hröð lækkun vaxta er ekki í kort-
unum,“ segir Vilhjálmur.
Hagkerfið enn í hægagangi
Annað atriði sem sagt er „afgreitt
að mestu“ er að „skapa hagstæð
rekstrarskilyrði fyrir fyrirtæki
þannig að störf verði varin og að-
stæður skapaðar fyrir fjölgun þeirra
á ný“. Vilhjálmur telur þetta ofsagt.
„Þrátt fyrir að ýmis jákvæð teikn
séu á lofti, eins og til dæmis minnk-
andi atvinnuleysi, sjást þess ekki
merki í nýjustu þjóðhagsspá Hag-
stofu Íslands að hagvöxtur sé að
aukast. Hún var upp á 2,7% hagvöxt
fyrir árið og var lítið eitt hærri en
spáin á undan. Það hefur því í raun
lítið gerst,“ segir Vilhjálmur sem
hefur bent á að hagkerfið þurfi að
vaxa um 4-5% á næstu árum til að
verja lífskjörin og tryggja að at-
vinnuleysi verði ekki áfram hátt í
sögulegu samhengi. „Það eru vís-
bendingar um að störfum sé byrjað
að fjölga en þær eru enn frekar veik-
ar. Störfum fjölgaði lítið sem ekkert
milli ára 2010 og 2011.“
Ekki nóg að senda umsókn
Þriðja atriðið sem sagt er „af-
greitt“ er að ríkisstjórnin skuli hafa
falið peningastefnunefnd Seðlabank-
ans „að fara yfir kosti og galla þess
að breyta peningastefnunni, meta
kosti þjóðarinnar í gjaldmiðilsmálum
og gera tillögu til stjórnvalda með
hliðsjón af því mati“. Vilhjálmur tel-
ur að þessu verkefni sé ólokið.
„Það getur verið að ríkisstjórnin
hafi falið peningastefnunefnd að
gera þetta en Seðlabankinn hefur
ekki skilað neinni skýrslu um gjald-
eyrismálin,“ segir Vilhjálmur sem
kannast heldur ekki við að Seðla-
bankinn hafi skilað áliti um hvernig
„best verði dregið úr vægi verð-
tryggingar í íslensku efnahagslífi“,
líkt og stjórnvöld hafa óskað eftir.
„Þótt Jóhanna biðji Seðlabankann
um að gera eitthvað er ekki þar með
sagt að málið sé afgreitt.“
Málin misjafnlega mikilvæg
Gylfi Arnbjörnsson, forseti
Alþýðusambands Íslands, segir
mikilvægt að hafa í huga að verk-
efnin eru misjafnlega mikilvæg.
„Það er ljóst að atriðin sem nefnd
voru í stöðugleikasáttmálanum, sam-
hliða kjarasamningunum í fyrra,
hafa auðvitað mismunandi vægi.
Þegar ríkisstjórnin, og reyndar
Samtök atvinnulífsins, voru að telja
upp atriði og gefa þeim einkunn, eft-
ir því hvort þeim væri lokið eða ekki,
bentum við hjá ASÍ alltaf á að slík
upptalning væri kannski ekki aðal-
atriðið. Fyrst ber að nefna að samið
var um tiltekið umfang fjárfestinga
sem hlutfall af landsframleiðslu. Það
er klárt að því umfangi hefur ekki
verið náð. Við sömdum ekki um til-
tekin verkefni en ljóst er að þá var
deilt um einstök verkefni innan ríkis-
stjórnarinnar, á borð við Vaðlaheið-
argöng. Svo mætti nefna verkefni
eins og tvöföldun Suðurlands- og
Vesturlandsvegar sem ekki varð af.“
Vextirnir „á fljúgandi ferð“
Gylfi segir að vextir séu á uppleið.
„Vextir eru á fljúgandi ferð upp á
við og krónan í miklu ójafnvægi. Rík-
isstjórnin hefur ekki breytt stefn-
unni í peningamálum. Það er Alþing-
is að breyta stefnunni en ekki
Seðlabankans. Ég hef fært rök fyrir
því að til að ná þessu marki væri
skynsamlegra að hætta flotgengis-
stefnu; flotgengi á markaði með
gjaldeyrishöft er mótsögn.
Hægt væri að ná verulegum ár-
angri í lækkun vaxta ef Alþingi
breytti peningamálastefnunni í lög-
unum um Seðlabankann og tæki aft-
ur upp fastgengisstefnu. Það er út í
hött að halda því fram að ríkisstjórn-
in hafi rokið í verkefni til að treysta
stöðu efnahagsmála þannig að vextir
lækki. Þeir eru á rjúkandi uppleið.
Það er yfirlýst forsenda í kjarasamn-
ingunum að gengisvísitalan verði
komin í 190 í lok þessa árs. Það er af-
ar ólíklegt að það markmið náist.“
Verði uppnám á vinnumarkaði
Gylfi telur heldur ekki að tekist
hafi að skapa þau hagstæðu skilyrði
fyrir sköpun starfa sem tiltekin eru.
„Það er ekki nokkur leið að halda
því fram að það sé búið að skapa slík
hagvaxtarskilyrði. Ef þar er verið að
vitna til þess að krónan sé svo veik að
tiltekinn hluti atvinnulífsins hafi við
það betri afkomu á meðan restin af
atvinnulífinu og heimilin hafa verið í
ömurlegri stöðu er það stefna sem
ASÍ mun aldrei skrifa undir. Ef það
er skoðun ríkisstjórnarinnar að
henni hafi tekist að skapa hagstæð
rekstrarskilyrði með því að fella
gengi krónunnar um 50% að raun-
gildi þá er þetta stefna sem hlýtur að
leiða til þess að það verður uppnám á
vinnumarkaði,“ segir Gylfi.
Afrekalistinn dreginn í efa
 ASÍ og Samtök atvinnulífsins bera brigður á lista stjórnvalda yfir afgreidd verkefni í efnahagsmálum
 Vextir að hækka en ekki að lækka  Telja vaxtarskilyrði fyrirtækja ekki jafn góð og af er látið
Morgunblaðið/Ómar
Framkvæmdir í Pósthússtræti Á vef stjórnarráðsins er farið yfir stöðu margra brýnna úrlausnarefna.
Gylfi
Arnbjörnsson
Vilhjálmur
Egilsson
6 FRÉTTIRInnlent
MORGUNBLAÐIÐ MÁNUDAGUR 16. JÚLÍ 2012
Polarolje
Meiri virkni
Hátt hlutfall Omega 3
fitusýrur
Minn læknir mælir með
Polarolíunni, en þinn ?
Selolía, einstök olía
Gott fyrir:
Maga- og þarmastarfsemi
Hjarta og æðar
Ónæmiskerfið
Kolesterol
Liðina
Polarolían fæst í:
apótekum, Þín verslun Seljabraut,
heilsuhúsum, Fjarðarkaupum,
Fiskbúðinni Trönuhrauni og Melabúð
Nú líka
í hylkjum
Nýtt!
Eftirfarandi verkefni eru á meðal
þeirra 25 á sviði efnahagsmála sem
stjórnvöld hafa unnið. Með fylgir
umsögn ríkisstjórnarinnar um
stöðu þeirra og er matið tilgreint
með hástöfum.
 Peningastefnunefnd Seðlabank-
ans verður falið að fara yfir kosti og
galla þess að breyta peningastefn-
unni, meta kosti þjóðarinnar í gjald-
miðilsmálum og gera tillögu til
stjórnvalda með hliðsjón af því
mati.
AFGREITT
 Óskað verður eftir mati Seðla-
bankans á því hvernig best verði
dregið úr vægi verðtryggingar í ís-
lensku efnahagslífi.
AFGREITT
 Skapa þarf forsendur fyrir áfram-
haldandi og hraðri lækkun vaxta.
AFGREITT
 Verja velferðarkerfið eins og
kostur er. (Viðvarandi verkefni)
AFGREITT AÐ MESTU
 Auka traust og trú á íslenskt
efnahagslíf. (Viðvarandi verkefni)
AFGREITT AÐ MESTU
 Hagstæð rekstrarskilyrði fyrir
fyrirtæki þannig að störf verði var-
in og aðstæður skapaðar fyrir
fjölgun þeirra á ný. (Viðvarandi
verkefni)
AFGREITT AÐ MESTU
 Forsætisráðherra mun láta
vinna yfirlit um stöðu og þróun á
lykilstærðum í samfélags- og efna-
hagsmálum til að skilgreina nánar
þann vanda sem við er að glíma og
framtíðarvalkosti, s.s. í ríkisfjár-
málum, gjaldmiðilsmálum,
atvinnulífi, húsnæðismálum, jafn-
rétti.
AFGREITT
 Örva þarf innlendar fjárfestingar
í atvinnulífinu. (Viðvarandi verk-
efni)
AFGREITT AÐ HLUTA
 Stuðla að beinum erlendum fjár-
festingum. (Viðvarandi verkefni)
AFGREITT AÐ HLUTA
 Vinna markvisst að því að draga
úr höftum á gjaldeyrisviðskiptum.
(Viðvarandi verkefni)
AFGREITT AÐ HLUTA
Mörg stórmál sögð í höfn
VERKEFNALISTI STJÓRNVALDA
„Mér finnst bara í heildina séð mjög gott að umræðan er
í gangi og lít bara á þetta sem viðbrögð hagsmunaaðila á
svæðinu við tillögunni,“ segir Páll Hjaltason, formaður
skipulagsráðs Reykjavíkurborgar, um athugasemdir
Ástu Ragnheiðar Jóhannesdóttur, forseta Alþingis, við
vinningstillögu í samkeppni um skipulag við Ingólfstorg
og Austurvöll.
Páll segir almennt þörf á meiri umræðu um skipulags-
og byggingamál og mikilvægt sé að hafa í huga að vinn-
ingstillagan eigi eftir að fara í gegnum lögboðið skipu-
lagsferli en í því fái allir tækifæri til að koma sjón-
armiðum sínum á framfæri. Hann segir að það ætti ekki
að koma á óvart að samkvæmt tillögunni sé gert ráð fyrir
hóteli á reitnum.
Tillagan verði vel kynnt
„Það er vilji lóðarhafa að hafa þarna hótel,“ segir Páll.
„Það er líka mikilvægt að muna að þarna hefur í 26 ár
verið samþykkt skipulag um viðbyggingu á bílastæðinu
við Kirkjustræti þannig að það er ekkert nýtt heldur. Al-
veg eins og það er samþykkt að ryðja burt öllum timb-
urhúsunum við Vallarstræti og byggja þar upp eina
stóra nýbyggingu,“ segir hann. Umferðarmál hafi verið í
skoðun hjá borginni og leitað sé lausna hvað þau varði.
Páll segir tímabært að tillagan verði kynnt þinginu og
gerir ráð fyrir að borgin muni svara bréfi forseta þings-
ins. „Fyrst og fremst verður lögð áhersla á að tillagan
verði vel kynnt og fólk sé örugglega að tala um það
sama,“ segir hann.
Ingólfstorg Vinningstillagan í samkeppninni.
Hyggjast kynna tillöguna fyrir þinginu
Skannaðu kóðann
til að lesa verk-
efnalistann.