SunnudagsMogginn - 15.07.2012, Blaðsíða 11

15. júlí 2012 11
Okkur tókst þetta. Tökudagur 266er síðasti tökudagur The Hobbit.Það er frábæru tökuliði að þakkaað við höfum náð svona langt –
og svo auðvitað ykkur öllum sem hafið stutt
við bakið á okkur! Næsta stopp er klippi-
herbergið. Og Comic Con-hátíðin!“ sagði
Peter Jackson í facebook-færslu sinni nýver-
ið þegar formlegum tökum lauk á kvik-
myndinni. Hann leikstýrir tveimur myndum
byggðum á ævintýrinu The Hobbit eftir hinn
ástsæla höfund J.R.R. Tolkien. Eftirfarandi
ummæli lýsa innilegum feginleika og tærri
gleði yfir því að þeim sé lokið enda ekki furða
því gerð myndarinnar gekk ekki stórá-
fallalaust fyrir sig: fjárhagsörðugleikar,
magasár, leikstjóraskipti, launadeilur, svo
fátt eitt sé tínt til.
Líklega má rekja upphaf hrakfaranna til
ársins 2008. Þá hugðist góðgerðarstofnunin
Tolkien Trust höfundarétthara og umsjón-
araðilar með dánarbúi rithöfundarins JRR
Tolkien, koma í veg fyrir að gerð yrði kvik-
mynd upp úr bókinni Hobbitanum. Fram-
leiðandi myndarinnar, New Line, var sakaður
um að hafa ekki greitt hluta hagnaðar af
myndinni sem um var samið. Höfundarrétt-
hafar fóru í mál en samningar náðust eftir
lögsókn árið 2009.
Á þessari stundu var útlit fyrir að ekkert
stæði í vegi fyrir framleiðslu myndarinnar og
handritsgerð hófst af fullum krafti. Fjórar
manneskjur sáu um skrifin, þau Peter Jack-
son, Fran Walsh og Philippa Byens sem skrif-
uðu einnig handritin um Hringadróttinssögu,
inn í hópinn bættist fyrihugaður leikstjóri
myndanna tveggja, Guillermo del Toro.
Kreppan hafði sín áhrif vestanhafs og forn-
fræga kvikmyndaverið MGM, sem sá um
framleiðslu myndanna ásamt New Line, lenti
í miklum fjárhagsörðugleikum árið 2010.
Milljarðamæringurinn Carl Icahn kom til
bjargar á síðustu metrunum og forðaði því frá
gjaldþroti. Icahn gerði samkomulag sem fól
meðal annars í sér að hann gæti haft bein
áhrif á stjórn félagsins.
Í kjölfar fjárhagsörðugleikanna sagði leik-
stjórinn Guillermo del Toro sig frá verkinu
og tók Peter Jackson við keflinu. Hann vildi
þó meina að ástæðan fyrir því að Guillermo
del Toro hætti, hefði í raun verið sú að hann
vildi ekki búa í Nýja-Sjálandi í tvö ár líkt og
tökurnar krefðust. Í miðjum upptökum var
Peter fluttur á sjúkrahús og greindur með
magasár. Tökur frestuðust enn um sinn. Í
fréttatilkynningu sem hann sendi frá sér
kom skýrt fram að heilsubresturinn hefði
ekki áhrif á ákvörðun hans um að leikstýra
Hobbitanum.
Þegar til tökustaðarins, Nýja-Sjálands, var
komið tók ekki betra við. Launadeilur bloss-
uðu upp milli stjórnvalda og kvikmynda-
versins Warner Bros. Samkomulag náðist
eftir nokkurt þóf en stjórnvöld þurftu að
veita ýmsar fjárhagslegar ívilnanir til að
greiða fyrir gangi mála. John Key, forsætis-
ráðherra Nýja-Sjálands var bjartsýnn þegar
hann tilkynnti sættina og sagði jafnframt,
„gerð myndanna mun ekki aðeins tryggja
störf þúsunda Nýsjálendinga, heldur mun
hún gera okkur kleift að fylgja eftir sig-
urgöngu Hringadróttinssögu.“
Forsýning fyrri myndarinnar af tveimur,
The Hobbit: An Unexpexted Journey, fer
fram á Nýja-Sjálandi í nóvember en heims-
frumsýning 14. desember 2012.
Tökum loksins
lokið á
Hobbitanum
Plakat af The Hobbit: An unexpected Journey. Spurning er: Hvenær ætli vinnunni við að
klippa myndina ljúki nú þegar tökum er lokið?
Leikstjórinn Peter leggur sitt af mörkum til að
gera ævintýraheim Tolkiens ódauðlegan.
AFP
Fjárhagsörðugleikar, magasár, launadeilur
og leikstjóraskipti töfðu gang mála
Þórunn Kristjánsdóttir thorunn@mbl.is
Ævintýri Englendingsins J.R.R. Tolkien, þríleik-
urinn um Hrigadróttinssögu og Hobbitann sem
kom út árið 1965, hefur notið fádæma vin-
sælda um allan heim. Verkið er undanfari þrí-
leiksins og segir frá hobbitanum Bilbó Baggins
sem er kynjavera; sambræðingur manns og
dvergs.
Veröld Bilbós umturnast þegar galdramaðurinn
Gandálfur bankar upp á hjá honum einn daginn
og platar hann í leiðangur ásamt þrettán dverg-
um.
Ævintýraheimur Tolkiens
Hobbitinn sívinsæli eftir Tol-
kien er til á mörgum tungu-
málum víða um heim.
Á Krúsku færðu:
heilsusamlegan mat,
kjúklingarétti, grænmetisrétti,
fersk salöt, heilsudrykki,
súkkulaðiköku,
gæðakaffi frá
Kaffitár og
fallega
stemningu.
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
OPIÐ VIRKA DAGA FRÁ 11-20 SENDUM Í FYRIRTÆKI
Næring fyrir líkama og sál