SunnudagsMogginn - 15.07.2012, Blaðsíða 34

34 15. júlí 2012
Húsið, sem stendur við Þingvallastræti 23,var byggt árið 1969. Það hýsti áður Iðn-skólann og Verkmenntaskólann á Akur-eyri. Síðastliðið vor opnaði hótel í gömlu
skólabyggingunni. Þá voru tekin í notkun sextíu og
þrjú herbergi en í byrjun mánaðarins var bætt við
reksturinn þrjátíu og sjö herbergjum.
Sigrún Björk Jakobsdóttir, fyrrum bæjarstjóri, er
hótelstjóri nýja Icelandair hótelsins. Hún ber, eins og
margir íbúar bæjarins, sterkar tilfinningar til gamla
skólahúsnæðisins. „Okkur er mjög annt um sögu
hússins,“ segir hún. „Eftir tíu ár getur verið að húsið
verði ekki lengur þekkt sem gamli iðnskólinn eða
háskólinn. Þá verður það kannski kallað hótelið við
Þingvallastræti. Við leggjum því upp úr að minna á að
hér var skóli,“ segir hún. Húsið var stækkað og sniðið
að þörfum hótelreksturs en það getur hýst rúmlega
tvöhundruð hótelgesti. „Húsinu var breytt mikið að
innan,“ segir Sigrún Björk. „Það er aðeins einn vegg-
ur sem stendur eftir. Meðfram þessum vegg hafa þús-
undir nemenda gengið.“ Sigrún Björk segir það koma
gömlum nemendum skemmtilega á óvart að her-
bergin eru frammi á gangi en ekki inni í kennslustofu.
Hún segir hótelið vera mjög fjölskylduvænt þar sem
hurð sé milli herbergjanna. Hún útskýrir að hurðin sé
venjulega lokuð en ef fjölskyldur kjósi að sameina
herbergi sé það valkostur. Hótelið býður einnig upp á
þrjú fjölskylduherbergi með auka kojuherbergi.
Hótelstjórinn segir að til þess að minna á gamla
skólahúsnæðið hafi verið ákveðið að gamli fyrirlestr-
arsalurinn, stofa fjórtán, myndi halda sama nafni og
áður. Í stofu fjórtán er móttakan og barinn. „Við
bjóðum upp á síðdegi í stofu fjórtán,“ segir hún
glaðlega.
Þegar gengið er inn á hótelið tekur á móti gestum
vígalegur skíðamaður. Þetta er skúlptúr eftir lista-
konuna Aðalheiði S. Eysteinsdóttur en hún setti upp
sýningu á öllum Icelandair hótelunum. „Aðalheiður
horfði til sögu svæðisins,“ segir Sigrún Björk um
listaverkið. „Á Loftleiðum standa tvær ljósar kindur í
móttökunni en einn svartur sauður stendur fyrir utan
á pallinum, á Héraði stendur hreindýr, í Keflavík
stendur kona í þjóðbúningi og hjá okkur á Akureyri er
skíðamaður.“ Það er vel við hæfi að skíðamaður bjóði
gesti velkomna en á veturna sækja margir skíðamenn
hótelið. „Við erum með skíðageymslu í kjallaranum
og veitingastaðurinn er opinn allan ársins hring,“
segir hún. Veitingastaðurinn leggur áherslu á suður-
evrópskan mat lagaðan úr íslensku hráefni.
Sigrún Björk er ánægð með sumarörtröðina. Hún
segir reksturinn ganga glimrandi og Akureyringa taka
vel í nýja hótelið við Þingvallastræti.
Sigrún Björk, fyrrverandi bæjarstjóri, er hótelstjóri nýja Icelandair hótelsins á Akureyri. Hún
segir að hótelið gangi mjög vel og er hæstánægð með sumarörtröðina.
Allt var rifið innan úr húsinu nema einn veggur. Það er dökki
veggurinn. Einnig má sjá hurð sem liggur milli herbergja.
Bak við hótelbygginguna er fallegur hótelgarður með stórri verönd þar sem notalegt er að
setjast niður og slaka á. Sigrún Björk segir hótelgarðinn vera afar vinsælan meðal gesta.
Icelandair opnaði nýtt hótel á Akureyri síðasta sumar. Upphaflega voru sextíu og þrjú her-
bergi en í vor opnuðu þrjátíu og sjö til viðbótar. Hótelið rúmar rúmlega tvöhundruð gesti.
Horft inn í veitingahúsið. Það er opið allan ársins hring og býður upp á suður-evrópska mat-
argerð með íslensku hráefni. Veitingahúsið er afar vinsælt meðal hótelgesta.
Gamall andi á nýju
hóteli á Akureyri
Við Þingvallastræti 23 á Akureyri stendur sögufræg skólabygging.
Fyrir ári opnaði Icelandair hótelkeðjan nýtt hótel í húsinu. Húsið
var stækkað og sniðið að þörfum hótelreksturs. Sigrún Björk
Jakobsdóttir hótelstjóri segir frá breytingunum.
Texti: Ingibjörg Friðriksdóttir if@mbl.is
Myndir: Skapti Hallgrímsson skapti@mbl.is
Iðnskólinn á Akureyri var upphaflega í húsinu. Húsið var
byggt 1969 en því var mikið breytt fyrir hótelreksturinn.
Í hverju herbergi er setustofa.