Morgunblaðið - 13.08.2012, Blaðsíða 26

VIÐTAL
Kolbrún Bergþórsdóttir
kolbrun@mbl.is
Ljósmyndarinn Bernharður Vals-
son, eða Benni Valsson eins og
hann er kallaður, sýnir ljósmyndir
sínar í Ketilhúsinu á Akureyri.
Sýningin, sem nefnist PROMO-
SHOTS, er fyrsta ljósmyndasýn-
ing Benna og stendur til 26. ágúst.
Myndirnar eru 57 talsins og marg-
ar af heimsþekktum listamönnum,
en Benni, sem býr í París, hefur á
liðnum árum myndað fjölmargar
stórstjörnur fyrir þekkt tímarit
víða um heim. Þarna er meðal
annars að finna ljósmyndir af
Robbie Williams, Leonardo Di-
Caprio, Martin Scorsese, Bruce
Willis, David Lynch, Gerard Dep-
ardieu og Björk.
Rithöfundurinn Sjón skrifar um
ljósmyndarann og myndir hans í
sýningarskrá og segir á einum
stað:
„Ljósmyndir Benna Valssonar
eru til vitnis um stefnumót ljós-
myndara og viðfangsefnis, þær
lýsa snertingu hans við aðrar
manneskjur af holdi og blóði, og
af þeim má sjá að þar er svalur
maður á ferð …“
Kostar vinnu að ná árangri
Benni, sem ólst upp á Ak-
ureyri, segist hafa byrjað að
mynda þegar hann var í mennta-
skóla. „Ég var svo brattur í
menntaskóla að ég gekk inn á
Íslending, sem var vikublað á
Akureyri, skömmu eftir að ég
keypti mér myndavél, og sótti
um starf sem ljósmyndari á
blaðinu. Ég fór að mynda fyrir
bæjarblöðin og þegar Morg-
unblaðið og Dagblaðið vantaði
myndir, til dæmis fótboltamynd-
ir, var ég sendur í verkið. Eftir
menntaskólann fór ég til Frakk-
lands og lærði ljósmyndun. Svo
fór ég að rembast við að vinna
fyrir mér sem ljósmyndari. Það
var mjög erfitt að byrja, ekkert
gerðist af sjálfu sér, ég þurfti að
hafa mikið fyrir hlutunum og
sýna seiglu. Það var í góðu lagi
enda trúi ég ekki á hugmyndina
um hinn alskapaða snilling. Það
kostar vinnu að ná árangri. Um
1998 fóru hlutirnir að ganga og
upp úr 2000 fór mér að vegna
mjög vel.“
Hvernig myndir tekurðu?
„Þegar ég lauk ljósmyndanámi
langaði mig fyrst og fremst til að
gera tískumyndir, setti allan minn
kraft í það, og þær fóru að birtast í
tímaritum. Árið 1998 fór ég að ein-
beita mér meira að andlitsmyndum
en áður, því margir höfðu bent mér
á að ég tæki ágætar portrett-
myndir. Ég fór í auknum mæli að
mynda listamenn sem voru að
kynna verk sín, eins og til dæmis
kvikmyndir sem þeir léku í, og þar
á meðal voru listamenn sem eru
frægir á heimsmælikvarða. Síðan
hef ég gert tísku- og portrett-
myndir jafnhendis. Tísku-
ljósmyndun nærist á portrettinu en
er miklu fágaðri og er hópvinna en
portrettin vinn ég hratt. Þetta eru
ólíkar vinnuaðferðir og mér finnst
þægilegt að skipta milli þeirra.“
Er eitthvað sérstakt sem ein-
kennir myndir þínar?
„Þegar ég var að byrja og hægt
gekk sagði fólk að myndirnar mín-
ar væru kaldar og fjarlægar. Ég
held að þær hafi ekki breyst mikið.
En þótt þær séu kaldar og fjar-
lægar er ég samt að leita að ein-
lægni.“
Þú hefur myndað fjölda heims-
frægra listamana. Hvernig eru
þeir í viðkynningu?
„Þeir eru yfirleitt mjög þægileg-
ir. Það er verndarveggur í kring-
um þetta fólk sem fjölmiðla-
fulltrúar og aðstoðarmenn setja
upp og láta eins og heimsendir sé
í nánd ef farið er of nálægt stjörn-
unum. En um leið og maður er
orðinn einn með þessum lista-
mönnum breytist andrúmsloftið og
verður þægilegt. Þegar ég hitti
listamanninn er ég búinn að
ákveða hvað ég ætla að gera. Ég
hef á tilfinningunni að það skipti
miklu að þetta fólk finni að ég veit
nokkuð nákvæmlega hvað ég ætla
að gera. Þá myndast traust. Í
byrjun var ég stundum að þykjast
vera svalur og var að ákveða mig
á staðnum. Það var engin hrifning
gagnvart því. Þetta er fólk sem
vill að maður sé einbeittur og
dragi hlutina ekki á langinn, taki
myndina og ljúki verkinu. Þannig
vinn ég og yfirleitt næ ég réttu
Ljósmynd/Þorgeir Baldursson
Benni Valsson Ég er eins konar sjómaður, fer reglulega að fiska myndir.
Benni og
stjörnurnar
26 MENNING
MORGUNBLAÐIÐ MÁNUDAGUR 13. ÁGÚST 2012
Sjáðu
Við erum flutt
Sjáðu, Hverfisgötu 52, 101 Reykjavík
Sími: 561-0075 - sjadu.is
– Meira fyrir lesendur
PÖNTUNARTÍMI AUGLÝSINGA:
er fyrir klukkan 16 mánudaginn
20.ágúst.
NÁNARI UPPLÝSINGAR GEFUR:
Katrín Theódórsdóttir
Sími 5691105
kata@mbl.is
Morgunblaðið gefur út sérblað um
Heilsu og Lífstíl föstudaginn 24.ágúst.
• Ný og spennandi námskeið
í heilsuræktarstöðvum.
• Hreyfing og líkamsrækt.
• Hvað þarf að hafa í ræktina.
• CrossFit
• Þríþraut.
• Reiðhjól.
• Skokk og hlaup.
• Dans og heilsurækt.
• Andleg vellíðan.
• Svefn og þreyta.
• Skaðsemi reykinga.
• Fljótlegar og hollar uppskriftir.
• Ásamt fullt af fróðleiksmolum
og spennandi efni.
SÉRBLAÐ
Þetta er tíminn til að huga að heilsu
sinni og lífstíl og stefna í nýjar áttir á
því sviði. Í blaðinu Heilsa og lífsstíll
verður kynnt fullt af þeim mögu-
leikum sem í boði eru fyrir þá sem
stefna á heilsuátak og bættan lífsstíl
haustið 2012.
MEÐAL EFNIS:
 Ljósmyndarinn Benni Valsson sýnir
ljósmyndir sínar í Ketilhúsinu á Akureyri