Morgunblaðið - 27.08.2012, Blaðsíða 18

18 UMRÆÐAN
Bréf til blaðsins
MORGUNBLAÐIÐ MÁNUDAGUR 27. ÁGÚST 2012
Tri ehf.
Suðurlandsbraut 32
104 Reykjavík www.tri.is
Verslunin er opin:
Alla virka daga kl. 09:00-18:00
Laugardaga kl. 10:00-16:00
CUBE REACTION GTC PRO
Stell: 16, 18, 20, 22”, Carbonstell.Fox Evolu-
tion 32 Float RL 100mm. Shimano XT 30 gíra.
Vökvadiskabremsur. Þyngd 11,1 kg.
Listaverð: 399.990 kr.
Tilboð:
299.990 kr.
CARBON
Listaverð: 455.990 kr.
Tilboð:
341.990 kr.
CARBON
CUBE REACTION GTC RACE
Stell: 16, 18, 20, 22”, Carbonstell. Rock shox
Reba RL 100mm. Sram XO 30 gíra.
Vökvadiskabremsur. Þyngd 10,4 kg.
Listaverð: 525.990 kr.
Tilboð:
394.990 kr.
CARBON
CUBE REACTION GTC SL
Stell: 16, 18, 20, 22”, Carbonstell. Rock Shox
SID RL 100mm. Shimano XT 30 gíra.
Vökvadiskabremsur. Þyngd 10,3 kg.
Fjallahjóladagar
-25%
Meðan birgðir endast. Tri áskilur sér rétt til allra breytinga á verði.
Ekkert er eins vel
falið og það, sem er
falið fyrir allra augum.
Ég rakst fyrst á
vegsumerki hins heil-
aga grals og mæli-
spekinnar þegar ég
var unglingur staddur
í Bretlandi.
Áhugi minn á þessu
efni var ekki vakinn
vegna þess að við
Thoroddsenarnir eigum ættir að
rekja til Orkneyjajarla, heldur
vegna þess að forsendu- og dulmáls-
þrautir hafa alltaf vakið forvitni
mína.
Mér var því ánægjuefni að
Moggafréttin í ágústmánuði um leit
Giancarlo Gianazza, tengd leynd-
ardómum gralsins, á hálendi Íslands
ber þess vott að Moggamenn hafa
ekki misst áhuga á kenningum Ein-
ars Pálssonar.
Hvort leitarpunktur í þetta skipt-
ið er á hinum upplýsta geisla, sem
Mona Lisa Da Vincis vitnar um, hef
ég ekki hirt um að reikna. Ekki
heldur hvort staðsetning hans á
geislanum er rétt. Eða hvernig
þetta tengist frásögum Mósebóka af
ferðum draumaráðand-
ans Jósefs og fjöl-
skyldu hans.
Hitt þykir mér við
hæfi að nefna, að
hringkirkjurnar á
Bornholm voru reistar
á 12. öld og þær hafa
að geyma sambærileg
mælispekisannindi og
Rennes le Chateu sem
félagsskapurinn Priory
di Sion var tengdur.
Þær eru væntanlega
reistar í samhengi við
leiðangur musterisriddarana til
Landsins helga sem Moggagreinin
um Gianazza bendir á.
Hins vegar er flest sem bendir til
að mælispeki þessara tveggja staða
sé grundvölluð á talsvert eldri
mannvirkjum upprunnum meira en
þúsund árum fyrir Krist. Það er í
sjálfu sér undravert miðað við
stærðfræðikunnáttuna sem þurfti til
verksins og því lítil furða að da
Vinci og Newton hafi sökkt sér á
kaf í djúp mælispekinnar. Hvort
Gauss átti sér tvíburabróðir á stein-
öld verður sennilega aldrei vitað
með vissu fyrr en gralið finnst.
Og skoski tónsmiðurinn Stuart
Mitchell tók sér heil 20 ár í að
brjóta dulmálslykilinn í Rosslyn-
musterinu og honum tókst það að
mestu, en þrátt fyrir afrek hans
munu musterisriddararnir geyma
beint fyrir augum hans nokkur
leyndarmál, sem hann á eftir að
uppgötva.
Vonandi finnur Gianazza fjársjóð
gralsins (en hafa skal í huga að gral-
ið er það sem flestir menn síst
hyggja, þó falið sé fyrir allra augum
eins og tónlist Stuarts Mitchells er
nú).
Finni hann það ekki, þarf ég
sennilega að snúa mér frá því verk-
efni að sanna tilgátu Riemanns og
að því verkefni að reikna út stað-
setningu gralsins. Það er ólíku sam-
an að jafna hvað fyrra verkefnið er
miklu erfiðara en hið seinna. Það er
alla vega ekki pláss hér á spássíunni
til að skrifa sönnunina á Riemann-
tilgátunni.
Gianazza og leitin að gralinu
Eftir Árna
Thoroddsen »Hafa skal í huga að
gralið er það sem
flestir menn síst hyggja,
þó falið sé fyrir allra
augum.
Árni Thoroddsen
Höfundur er kerfishönnuður arthor-
pendragonhjaYahoo.com
Ég þakka Gísla
Marteini Baldurssyni
borgarfulltrúa kurt-
eislegt svar í Morg-
unblaðinu 23. ágúst við
grein minni um Vatns-
mýrarskipulag, og
nauðsyn þess að
Reykjavíkurflugvöllur
geti þar áfram gegnt
sínu lykilhlutverki í
samgöngu- og heil-
brigðismálum þessarar þjóðar.
Hann vitnar þar í túlkun Ingibjarg-
ar Sólrúnar Gísladóttur, þáverandi
borgarstjóra R-lista, á þeim fyr-
irvara, sem umhverfisráðherra setti
við áritun á tillögu Reykjavík-
urborgar að aðalskipulagi 2001-
2024. Til að jafnræðis væri gætt,
hefði þó einnig mátt hafa með
nokkrar tilvitnanir í opinbera af-
stöðu allra hlutaðeigandi samgöngu-
ráðherra, Sturlu Böðvarssonar,
Kristjáns L. Möller og Ögmundar
Jónassonar, sem allir sem einn hafa
ítrekað lýst rökstuddum og ein-
dregnum vilja til að flugvöllurinn
verði til frambúðar á sínum stað. Sú
afstaða þeirra hefur endurspeglast í
þeim samgönguáætlunum, sem Al-
þingi hefur samþykkt á liðnum ár-
um.
Ég hef á undanförnum áratugum
verið þátttakandi í þessari umræðu,
og m.a. starfað í sex nefndum á veg-
um ríkisins þar sem þessi og tengd
málefni hafa verið til nánari umfjöll-
unar. Ég minnist á þetta vegna þess,
að við upphaf hugmynda borg-
arstjórnarfulltrúa R-lista um íbúða-
byggð í Vatnsmýri í stað flugvallar,
var ætíð talað um nauðsyn þess að
byggður verði annar flugvöllur á
höfuðborgarsvæðinu, sem tæki við
hlutverki núverandi flugvallar í
Vatnsmýrinni. Þetta áréttar Gísli
Marteinn sjálfur í grein sinni í
Fréttablaðinu 19. jan. sl. undir fyr-
irsögninni „Hvers vegna byggð í
Vatnsmýri?“, sem endar á eftirfar-
andi: „Þetta er ástæðan fyrir því að
ég og fleiri viljum að Reykjavík-
urflugvelli verði fundinn annar góð-
ur staður í eða við Reykjavík, svo all-
ir landsmenn geti notið öflugrar,
þéttrar og skemmtilegrar höf-
uðborgar.“
Breyttar forsendur
Sú grundvallarbreyting hefur
hins vegar orðið í málinu undanfarið
ár eða svo að verði Reykjavík-
urflugvelli lokað á næstu árum verð-
ur enginn annar flugvöllur tiltækur
„í eða við Reykjavík“. Það þýðir þá
einfaldlega að flytja
þyrfti flugstarfsemina,
eða réttara sagt afgang
hennar, til Keflavík-
urflugvallar. Brottfall
Reykjavíkurflugvallar
sem varaflugvallar fyrir
millilandaflugið um
Keflavík gerir það jafn-
framt óhagkvæmara,
og gæti leitt til hærri
far- og farmgjalda.
Nefnd, sem sam-
gönguráðherra skipaði í
apríl 2005, kannaði hugsanleg 13
svæði fyrir nýjan flugvöll, en útilok-
aði fljótt 11 þeirra. Eftir stóðu til
nánari athugunar aðeins tveir kostir.
Hólmsheiði og Langasker. Báðir
þessir afleitu kostir eru nú úr sög-
unni. Veðurfarsathuganir á Hólms-
heiði hafa staðfest lakari skilyrði en í
Vatnsmýrinni, enda meint flugvall-
arstæði í 135 m hæð yfir sjó og ná-
lægt fjöllum. Þann 6. júlí 2011 birti
Morgunblaðið frétt undir fyrirsögn-
inni: „Hætt við nýjan flugvöll á
Hólmsheiði – Reykjavíkurflugvöllur
ekki færður“. Þar er eftirfarandi
haft eftir Ögmundi Jónassyni innan-
ríkisráðherra um Hólmsheiði:
„Þetta er galin hugmynd, sem var á
teikniborðinu á meðan peningarnir
fengu að ráða. Ég er mjög afdrátt-
arlaus í þeirri skoðun minni að við
eigum að halda flugvellinum í
Reykjavík.“
Fyrri hugmyndir um nýjan flug-
völl á Lönguskerjum í Skerjafirði
eru líka komnar í bólakaf, bók-
staflega. Í fyrsta lagi eru hlutaðeig-
andi sveitarfélög að vinna að friðun
Skerjafjarðar, sem útilokar bygg-
ingu nýs flugvallar þar. En það sem
væntanlega vegur þyngra er að nú
er staðfest að vaxandi hnattræn
hlýnun muni hafa í för með sér mun
meiri hækkun sjávar á þessu svæði
en áður var búist við, sem myndi
gera uppfyllingar í Skerjafirði
margfalt dýrari en áður var áætlað.
Gísli Marteinn segist sakna í grein
minni „heildarsýnar á skipulag
Reykjavíkur“, og hvar eigi þeir 25
þúsund Reykvíkingar að búa, sem
muni bætast við á næstu 20 árum. Í
grein minni benti ég reyndar á að
enginn skortur sé talinn á bygging-
arlóðum af ýmsu tagi, þegar litið er á
höfuðborgarsvæðið sem eina heild,
og að Reykjavíkurborg teldi sig vera
í harðri samkeppni við nágranna-
sveitarfélögin um nýja íbúa. Að mínu
mati fæst heildarsýn í skipulags-
málum höfuðborgarsvæðisins fyrst
og fremst í aukinni samvinnu allra
þeirra sveitarfélaga, sem þar eru, í
stað þess að hvert þeirra sé að bauka
í sínu horni, og forðist að horfa mikið
út fyrir „sitt yfirráðasvæði“.
Þjóðaratkvæði
Stjórnmálamenn sækja umboð
sitt til þjóðarinnar, yfirleitt á fjög-
urra ára fresti. Í vaxandi mæli er
hins vegar rætt um að þjóðin þurfi
að geta tekið afstöðu til ýmissa þýð-
ingarmikilla mála í beinni þjóðar-
atkvæðagreiðslu. Það er þjóðin öll
sem á Reykjavíkurflugvöll, og þjóðin
öll á drjúgan hluta þess lands, sem
hann stendur á í Vatnsmýrinni.
Flugvöllurinn er ætlaður öllum þeim
til afnota, sem ferðast þurfa til og frá
höfuðborginni, ekki síst þeim sem
þurfa á læknisþjónustu að halda. Ég
tek undir fjölda fyrri ábendinga þess
efnis að tímabært sé að efna til þjóð-
aratkvæðagreiðslu um framtíð
Reykjavíkurflugvallar.
Þjóðaratkvæði um
Reykjavíkurflugvöll
Eftir Leif
Magnússon
Leifur Magnússon
» Það er þjóðin öll sem
á Reykjavíkurflug-
völl, og þjóðin öll á
drjúgan hluta þess
lands, sem hann stendur
á í Vatnsmýrinni.
Höfundur er verkfræðingur.
Víða um land eru stórir steinar,
Grettistök, sem urðu síðasta skjól
fólks, sem varð úti.
Það er dauðdagi sem ætíð hefur
þótt átakanlega harðneskjulegur og
oftast var mikil raunasaga að baki.
Þeirrar náðar naut þó það ógæfu-
sama fólk sem fyrir þessu varð að fá
að deyja inn í landið, ef svo má segja.
Allir bera þessir steinar nöfn sem
dregin eru af atburðunum, svo sem
Líksteinn, Siggusteinn, Gvendar-
steinn o.s.frv. Nöfnin eru yfirleitt
aldagömul og saga þeirra í besta falli
kunn af munnmælum. Væri margt
uppátækið vitlausara en að safna
myndum af þessum litlu „fjall-
kirkjum“ og reyna að bjarga því sem
bjargað verður af sögu þeirra.
Skammt frá eyðibýlinu Tandraseli
í Borgarbyggð er mikill steinn sem
heitir Dauðsmannssteinn. Stendur
hann rétt við fjallgötuna, sem nú er
vegurinn til Langavatnsdals. Ekki
er vitað af hverju steinninn ber þetta
nafn, annað en að þarna hafi maður
orðið úti og tala sumir um ungling í
því sambandi.
Þetta er mikilúðlegur steinn og
varla minni en þrjátíu rúmmetrar að
stærð. Það sem setur svo mestan
svip á hann er, að á þeirri hlið hans
sem snýr norður til fjallsins er stall-
ur sem tveir minni steinar sitja á.
Þeir eru eins og útstæð augu í and-
liti. Mikil orka umlykur steininn.
Fuglar dirfast ekki að drita á hann
þó stakur standi. Því njóta skófirnar
sín vel og skreyta.
Við krakkarnir urðum stóreyg í
gamla daga þegar við vorum með í
að reka til fjalls í fyrsta sinn og kom-
ið var að steininum. Lá við að hárin
risu á höfðum okkar þegar við
heyrðum nafnið Dauðsmannssteinn.
En síðan eru mörg dægrin. Aldur-
inn breytir hugsuninni og hvernig
við ráðum í söguna. Núna horfir
þetta svona við mér:
Dauðsmannssteinn
Tröllþrekinn steinn
starir með tign
yfir melgötuna
til fjallsins
magnað er heitið
Dauðsmannssteinn
dulhelgur steinn
örvona manneskju
opnaði faðminn
eilífðarskjól
frá ógn og raunum
í dimmunni vakti
Dauðsmannssteinn
rammþögli steinn
æ vertu íslenskur
aldanna fjallgötuvörður
og nafn þitt samofið
sálu þjóðar
standi keikur
stoltur
Dauðsmannssteinn.
HELGI KRISTJÁNSSON,
Ólafsvík.
Á verði í þúsund ár
Frá Helga Kristjánssyni
- nýr auglýsingamiðill
 569-1100finnur@mbl.is