Morgunblaðið - Sunnudagur - 07.10.2012, Blaðsíða 26

Matur og drykkir *
A
ðeins nokkrir mánuðir eru frá
því að Svava Gunnarsdóttir
fór að halda úti bloggsíðunni
ljufmeti.is sem einnig er að
finna á Facebook.
„Maðurinn minn átti hugmyndina og
það tók hann langan tíma að sannfæra
mig um ágæti hennar. Ég er honum mjög
þakklát fyrir að hafa ýtt mér út í þetta
því matarbloggið hefur bæði fært mér
gleði og skemmtileg verkefni tengd því,“
segir Svava.
„Þessi kaka er eins ljúffeng og hægt er
að hugsa sér. Ég stenst hana ekki kalda
úr ísskápnum með vænni rjómaslettu,“
segir Svava.
BAKSTUR HELGARINNAR
Ostakökubrownies
MATARBLOGGARINN SVAVA GUNNARSDÓTTIR SKELLTI Í GIRNILEGA
SUNNUDAGSKÖKU FYRIR LESENDUR SUNNUDAGSBLAÐS MORGUNBLAÐS-
INS – OSTAKÖKUBROWNIES – SEM ER BEST MEÐ VÆNNI RJÓMASLETTU
Svava Gunnarsdóttir elskar að skrifa um mat.
OSTAKÖKUDEIG:
300 g Philadelphia-ostur
1 tsk. vanillusykur
¾ dl sykur
BROWNIES-DEIG:
2 egg
100 g smjör
2 dl sykur
3 msk. kakó
2 dl hveiti
½ tsk. lyftiduft
1 dl grófhakkaðar pekan- og kasjúhnetur
(gjarnan saltaðar)
„Fudge“-glassúr
40 g smjör
1 msk. mjólk
1½ dl flórsykur
2 msk. kakó
kasjú- eða pekanhnetur sem skraut
Aðferð: Hitið ofninn í 180 gráður og
klemmið bökunarpappír fastan í botninn á 20
cm smelluformi.
Ostakökudeig: Hrærið saman Philadelphia-
osti, vanillusykri og sykri. Leggið til hliðar.
Brownies-deig: Hrærið egg og sykur saman
þar til blandan verður ljós og létt. Setjið
smjör og kakó í pott og bræðið saman við
vægan hita. Hrærið blöndunni saman við
eggjablönduna. Bætið að lokum hveiti, lyfti-
dufti og hökkuðum hnetum saman við.
Látið helminginn af deiginu í botninn á form-
inu og sléttið úr því. Breiðið ostakökudeigið
varlega yfir þannig að það nái alveg út í kant-
ana. Breiðið afganginn af brownies-deiginu yf-
ir. Bakið í neðarlega í ofni í um 30 mínútur.
Látið kökuna kólna í forminu.
„Fudge“-glassúr: Bræðið smjörið með mjólk-
inni í potti. Hrærið flórsykri og kakói saman
við og látið blönduna sjóða við vægan hita í
um mínútu. Breiðið glassúrinn yfir kökuna og
skreytið með hnetum. Látið kökuna kólna í
ísskáp þar til glassúrinn hefur harðnað.
OSTAKÖKUBROWNIES
Gæsaskyttur eru á ferli um þessar mundir en það er ekki sama hvernig gæsin er matreidd »28