Morgunblaðið - 09.10.2012, Blaðsíða 20

20 UMRÆÐAN
MORGUNBLAÐIÐ ÞRIÐJUDAGUR 9. OKTÓBER 2012
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
Stofnun Geð-
heilsustöðvar Breið-
holts er einn liður í
þróunarverkefni
Reykjavíkurborgar
sem gengur út á að
bæta og efla þjón-
ustu við einstaklinga
sem greindir eru
með geðsjúkdóm og
fjölskyldur þeirra.
Verkefninu er einnig ætlað að
skila sér í heildrænni þjónustu í
nærumhverfi með skilgreindu
samstarfi Heimaþjónustu Reykja-
víkur og Þjónustumiðstöðvar
Breiðholts. Með samstarfi þessara
tveggja stofnana og með stofnun
Geðheilsustöðvarinnar er stefnt að
því að bæta þjónustu við ein-
staklinga með geðraskanir, nýta
betur fagþekkingu starfsmanna
ásamt því að leitast við að leita
leiða til að auka samstarf allra
stofnana í nærumhverfinu.
Til að styðja við þróun Geð-
heilsustöðvarinnar var stofnaður
stýrihópur. Í honum eru fulltrúar
frá embætti landlæknis, geðsviði
Landspítalans, aðalskrifstofu Vel-
ferðarsviðs, Þjónustumiðstöð
Breiðholts og Heimaþjónustu
Reykjavíkur. Geðheilsustöð Breið-
holts leggur áherslu á að veita
gæðaþjónustu samkvæmt við-
urkenndri þekkingu og mun
starfa eftir batahugmyndafræði
eða „recovery model“. Með bata-
hugmyndafræði er einstaklingum
leiðbeint að vinna með tilfinn-
ingar sínar og aðstæður. Honum
er mætt á jafnréttisgrundvelli
ásamt því að virðing og við-
urkenning er höfð að leiðarljósi.
Innan Geðheilsustöðvarinnar er
starfandi geðteymi sem stofnað
var árið 2004. Geðteymið er þver-
faglegt teymi sem í starfa hjúkr-
unarfræðingur, geðhjúkr-
unarfræðingar, iðjuþjálfi,
sjúkraliðar og sálfræðingur. Eitt
af meginmarkmiðum með þjón-
ustu teymisins er að styðja þá
einstaklinga og fjölskyldur þeirra
sem þurfa eftirfylgni og stuðning
þverfaglegs teymis til að takast á
við daglegt líf. Þjónusta geðteym-
isins fer fram með viðtölum eða
heimavitjunum. Þjónusta geð-
teymisins mun ná út fyrir Breið-
holt og mun geðteymið því einnig
þjónusta Grafarvog, Grafarholt og
Árbæ. Sækja þarf um þjónustu
geðteymisins á þar til gerðum
umsóknareyðublöðum.
Til að auka þjónustu við íbúa
Breiðholts þá mun þann 11. októ-
ber verða opnað fyrir símaráðgjöf
Geðheilsustöðvarinnar. Þjónustan
er fyrir þá sem þurfa ráðgjöf og
upplýsingar um úrræði og leiðir
sem eru í boði fyrir einstaklinga
með geðrænan vanda eða að-
standendur þeirra. Ráðgjafarsím-
inn er opinn fjórum sinnum í
viku.
Geðheilsustöðin mun einnig
standa fyrir reglulegri fræðslu
fyrir nærsamfélagið og lögð verð-
ur áhersla á að standa að
fræðslunni í samvinnu við fagfólk
og notenda- og hagsmunasamtök
geðsjúkra.
Geðheilsustöð Breiðholts –
Ný nálgun og nýjar leiðir
Eftir Sigríði Hrönn
Bjarnadóttur og
Berglindi Magn-
úsdóttur
» Geðteymið er þver-
faglegt teymi sem í
starfa hjúkrunarfræð-
ingur, geðhjúkrunar-
fræðingar, iðjuþjálfi,
sjúkraliðar og sálfræð-
ingur.
Sigríður Hrönn
Bjarnadóttir
Sigríður er geðhjúkrunarfræðingur
MS. Berglind er forstöðumaður
Heimaþjónustu Reykjavíkur
Berglind
Magnúsdóttir
Erfitt er að átta
sig á þeim forsendum
sem lágu að baki
skiptingu Álftanes-
hrepps hins forna í
Garðahrepp og
Bessastaðahrepps ár-
ið 1878. Þegar rýnt
er í sögulegar heim-
ildir verður helst sú
ályktun dregin að
rígur milli höfðingj-
anna séra Þórarins
Böðvarssonar í Görðum og Gríms
Thomsen, skálds og bónda að
Bessastöðum, hafi verið und-
irrótin. Hæg voru heimatökin hjá
þeim þar sem báðir áttu sæti á
Alþingi. Víst er að íbúar á svæð-
inu voru ekki spurðir um viðhorf
sitt til skiptingarinnar.
Óhagræði af skiptingu hrepps-
ins varð til þess að óformlegar
viðræður hófust snemma um
hugsanlega sameiningu. Þannig
var t.d. haldinn fjölsóttur fundur
í samkomuhúsinu á Garðaholti
árið 1921. Af fundargerðabókum
að dæma kom þar fram almennur
vilji á sameiningu. Á þessum
tíma var mikil fátækt á svæðinu
og báðir hrepparnir höfðu þunga
framfærslu. Sameiningarmálin
dagaði uppi fyrst og fremst
vegna þess að fyrir lá að skipting
framfærslunnar yrði flókin og
tímafrek. Á þessum tíma var af-
koma best á bæjunum „ofan
hrauns“ þ.e. Arnarnesi, Hofs-
stöðum, Vífilsstöðum og Urr-
iðakoti og kann að vera að það
hafi ráðið nokkru um að ein-
hugur var ekki um málið í
Garðahreppi.
Mikil og góð samvinna
Mjög mikil og góð samvinna
var áfram meðal fólksins í hrepp-
unum tveimur og hefur raunar
alla tíð verið. Má þar sérstaklega
nefna til skólamál en sú sam-
vinna hefur haldist alla tíð og
birtist nú m.a. í sameiginlegri að-
komu sveitarfélaganna að Fjöl-
brautaskólanum í Garðabæ.
Bessastaðakirkja var og er út-
kirkja frá Görðum og er þjónað
af prestum Garðaprestakalls. Um
langt skeið starfaði öflugt sam-
eiginlegt búnaðarfélag í hrepp-
unum og á síðari tímum hafa ým-
is félög og klúbbar starfað þar
sameiginlega. Nýjasta dæmið um
góða samvinnu er
rekstur á hinu nýja
hjúkrunarheimili á
Sjálandi en það verð-
ur rekið sameiginlega
af Garðabæ og Álfta-
nesi.
Sameiningarmálin
hafa stöðugt blundað
undir niðri. Árið 1993
áformaði ríkisstjórn
Davíðs Oddssonar
víðtækar sameiningar
sveitarfélaga um land
allt. Fram fór íbúa-
kosning um sameiningu Garða-
bæjar og Bessastaðahrepps. Sam-
einingin var samþykkt í Garðabæ
en naumlega felld í Bessa-
staðahreppi. Kjörsókn var reynd-
ar lítil. Fimm árum síðar var
rætt var um sameiningu sveitar-
félaga á svæðinu undir yfirskrift-
inni: „Eitt sveitarfélag til mót-
vægis við Reykjavík.“
Aldamótaárið voru hafnar við-
ræður sveitarfélaga sunnan
Reykjavíkur að frumkvæði Bessa-
staðahrepps og þá sérstaklega
um sameiningu Garðabæjar og
Bessastaðahrepps. Málið féll um
sjálft sig þegar ekki reyndist ein-
hugur um það í hreppsnefnd
Bessastaðahrepps. Sveitarfélagið
Álftanes varð svo til hinn 17. júní
2004.
Eitt menningarsamfélag
Að framansögðu má ljóst vera
að rök fyrir aðskilnaði hreppanna
árið 1878 voru engan veginn eðli-
leg og tilviljun réði hreppamörk-
um öðru fremur. Svæðið hefur
verið – og er í raun enn – eitt
samfélag í landfræðilegu og
menningarlegu tilliti. Fjárhags-
staðan nú er ekki fyrirstaða við
sameiningu eins og rakið er í
skýrslu undirbúningsnefndar.
Þess vegna segi ég já við sam-
einingu Garðabæjar og Sveitarfé-
lagsins Álftaness í kosningunum
hinn 20. október næstkomandi.
Álftanes og Garða-
bær eru eitt menn-
ingarsamfélag
Eftir Erling
Ásgeirsson
Erling
Ásgeirsson
» Svæðið hefur verið –
og er í raun enn –
eitt samfélag í land-
fræðilegu og menning-
arlegu tilliti.
Höfundur er formaður bæjarráðs
Garðabæjar.
Senn líður að skoð-
anakönnun ríkisstjórn-
arinnar um tillögur
stjórnlagaráðs. Búið er
að senda út bækling til
alla landsmanna til að
upplýsa málið.
Ég er búinn að
spyrja marga máls-
metandi menn um
hvort ég eigi að fara á
kjörstað eða sitja
heima þar sem ég hef
enga trú á því að þessi atkvæða-
greiðsla leiði til einhverrar nið-
urstöðu sem ég vil una.
Ég veit ekki betur en að Alþingi
eitt geti breytt stjórnarskránni með
kosningum milli þátta. Það hefur
gert breytingar nokkrum sinnum þó
að mér finnist aldrei
hafa verið gert nóg að
skertum atkvæðisrétti
mínum. Nú skal Al-
þingi hvatt til dáða eft-
ir forskrift stjórnlag-
aráðs.
Þessir menn sem ég
hef spurt hafa sagt mér
að þeir ætli að mæta og
segja nei við fyrstu
spurningu.
Það sem vefst fyrir
mér er það hvort megi
svara næstu spurn-
ingum ef segir þú nei
við þeirri fyrstu?
Telst atkvæði þitt vera já-atkvæði
svarir þú einhverjum öðrum spurn-
ingum?
Þú viljir að tillögur stjórnlagaráðs
verði grundvöllur að nýrri stjórn-
arskrá því þú hafir greitt atkvæði
um tillögur þess um einstök atriði
eins og þjóðkirkju eða persónukjör?
Alveg sama þó að þú hafir greitt
atkvæði gegn tillögunum í heild í
fyrstu spurningu?
Getur einhver svarað þessu svo
óyggjandi sé?
Dr. Kristján Ingvarsson lagði
málið upp einhvern veginn svona í
grein hér í blaðinu:
1) Kemur til greina að velja gos-
drykk? Svaraðu já eða nei.
Ef þú vilt ekki velja gosdrykk þá
svarar þú nei.
2) Ef þú veldir gosdrykk myndir
þú vilja appelsín frekar en malt?
Svaraðu já eða nei.
Ef þú hefur svarað seinni spurn-
ingunni þá hefur þú haft skoðun á
mögulegu gosdrykkjavali. Þú hefur
ekki útilokað að þú viljir gosdrykk
einhvern tíman. Þú hefur þá svarað
fyrstu spurningunni aftur um að val
á gosdrykkjum geti komið til greina.
Þú hefur svarað henni með já þó þú
hafir sagt nei. Þú velur mögulega
gosdrykk.
Er ekki haldið að karlmönnum að
nei þýði nei? Heyrist sumum ekki
nei vera já?
Ef kirkjunnar maður vill segja nei
við drögunum en getur ekki stillt sig
um að hafa skoðun á spurningunni
um þjóðkirkjuna, hvernig telst hann
hafa svarað? Eða persónukjöri eða
þjóðaratkvæði?
Verð ég ekki að fá svör við þessu
áður en ég þori á kjörstað? Getur
maður ekki annars klúðrað þessu?
Já eða nei?
Eftir Halldór
Jónsson »Eru spurningar um
tillögur stjórnlaga-
ráðs einhlítar?
Halldór
Jónsson
Höfundur er verkfræðingur.
mbl.is
alltaf - allstaðar