Morgunblaðið - 09.10.2012, Blaðsíða 28

28 DÆGRADVÖL
MORGUNBLAÐIÐ ÞRIÐJUDAGUR 9. OKTÓBER 2012
Stjörnuspá
21. mars - 19. apríl 
Hrútur Einhverjum nákomnum þér finnst
hann þurfa að keppa við þig. Reyndu að
skipuleggja tíma þinn sem best og gefðu þér
tíma líka fyrir hugðarefni þín.
20. apríl - 20. maí 
Naut Þótt allt virðist slétt og fellt á yfirborð-
inu skaltu ekki láta blekkjast. Ekkert er eins
pirrandi og að vera óviðbúin/n þegar mögu-
leikarnir bjóðast.
21. maí - 20. júní 
Tvíburar Rétt fyrir fullt tungl og meðan á því
stendur er eins og vandamálin magnist og
hrannist upp. Maki vill halda sínu fyrir sig.
Gefðu honum pláss til þess.
21. júní - 22. júlí 
Krabbi Þú ert heltekin/n af ferðaþrá í dag,
vilt skoða þig um í heiminum. Farðu vel með
tíma þinn og veldu vini þína af kostgæfni.
23. júlí - 22. ágúst 
Ljón Það er ekkert athugavert við leitina að
kyrrð og ró – þú þarft ekki að vera með sam-
viskubit. Njóttu þess að vera með vinum þín-
um og kunningjum.
23. ágúst - 22. sept. 
Meyja Þú hefur tækifæri til þess að læra sitt-
hvað um sjálfa/n þig með því að gaumgæfa
samskipti þín við aðra í sama stjörnumerki.
Gefðu þér tíma til að slaka á áður en lengra
er haldið.
23. sept. - 22. okt. 
Vog Hugsaðu þig tvisvar um áður en þú tekur
ákvörðun sem snertir sameign eða sameig-
inlega hagsmuni. Orðspor þitt er mikilvægara
en peningar í banka.
23. okt. - 21. nóv.
Sporðdreki Á degi sem þessum er gott að
staldra við og líta fram á veg. Og ótrúlegt en
satt, þá þarftu ekki að kaupa neitt til þess.
22. nóv. - 21. des.

Bogmaður Um leið og þú gleðst yfir vel unnu
verki ertu í þeirri öfundsverðu aðstöðu að
klappað er fyrir þér. Já, sá dagur mun koma
að þú lítur ánægð/ur um öxl.
22. des. - 19. janúar 
Steingeit Í sólinni er upplagt að bregða á
leik með ungviðinu og næra sjálfan sig um
leið. Mundu ætíð að hlutirnir eru ekki alltaf
eins og þeir sýnast.
20. jan. - 18. febr. 
Vatnsberi Fólk tekur aðrar ákvarðanir en þú
býst við og það hefur bein áhrif á þig. Einhver
vill kynnast þér nánar en þú tekur ekki eftir
neinu.
19. feb. - 20. mars

Fiskar Til að eiga góð samskipti við aðra í
dag þarftu að hafa ríka dómgreind og bera
virðingu fyrir öðrum. Ef einhver mistök hafa
verið gerð má draga af þeim lærdóm fyrir
framtíðina.
Lán í óláni“ nefnist vísnakversem Hjálmar Freysteinsson,
læknir á Akureyri og úrvalshag-
yrðingur, hefur sent frá sér. Í bók-
inni er „sýnishorn úr skárri kant-
inum“ af kveðskap sem hefur að
mestu orðið til á síðustu 15 til 20
árum. Að uppistöðu til eru þetta
tækifærisvísur og fylgja útskýr-
ingar með frá höfundi, þar á meðal
við fyrstu vísuna: „Mér gengur
misjafnlega að standa við heit-
strengingar mínar. Við þessa hef
ég þó staðið að mestu:
Mottó hef ég aðeins eitt
í öllu vísnastriti;
það er að yrkja aldrei neitt
af alvöru né viti.“
Það vita allir að kveðskapur
Hjálmars er bæði snjall og hnytt-
inn og skýringarnar gera bókina
skemmtilegri, eru hvorki of né van.
Hér er annað sýnishorn: „„Heimskt
er heima alið barn,“ segir mál-
tækið. Til að reyna að draga úr
heimsku minni dvaldi ég vorið
2003 tvær vikur á sælueyjunni
Krít:
Ögn ég vitkast við það hlýt,
er víða um heiminn fer ég.
Eftir að ég kom frá Krít
krítiskari er ég.
Tveim árum síðar heimsótti ég
Krít aftur og þá varð til önnur vísa
í sama dúr:
Á mínum ferðum margt ég lít
merkilegt og sniðugt,
eftir að ég kom frá Krít
kríta ég oftar liðugt.“
Það má segja um Hjálmar að
kveðskapur hans verði oftar fleyg-
ur en kveðskapur annarra manna
og oft fer hann eins og eldur í sinu
á netinu, þó að ekki sé höfundur
alltaf nafngreindur. Og Hjálmar á
til mörg vopn í vopnabúri sínu, oft
er hann beittur: „Síðustu ár hafa
menn tekið upp heldur sér-
kennilega siði í miðborg Reykja-
víkur við hátíðleg tækifæri:
Hrapallega held ég þá
á hálu svelli,
sem tíðast hafa egglos á
Austurvelli.“
Vísa Egils Jónassonar misrit-
aðist í Vísnahorni á dögunum.
Svona er hún rétt:
Áður rann Laxá hrein í haf
við hrifningu Þingeyinga.
Nú lyppast hún áfram lituð af
leirburði Mývetninga.
Pétur Blöndal
pebl@mbl.is
Vísnahorn
Af Láni í óláni, vísnastriti
og Krítískum kveðskap
eftir Jim Unger
„VIÐ ERUM MEÐ TAKMÖRKUÐUSTU
ÁBYRGÐINA Í BÆNUM.“
HermannÍ klípu
„OKKUR MIÐAR ÁGÆTLEGA. NÚ ÞARFT ÞÚ
BARA AÐ LÆRA AÐ SEGJA „NEI“ ÞANNIG
AÐ ÞÚ SÉRT EKKI LAMINN FYRIR ÞAÐ.“
eftir Mike Baldwin
Ferdinand
Hrólfur hræðilegi
Grettir
... að horfa á leikinn
saman og styðja liðið
hans.
BERGMÁLS-
BJARG
ÞÚ ÞARFT AÐ SEGJA
EITTHVAÐ FYRST,
BJÁNI.
BERGMÁLS-
BJARG
BERGMÁLS-
BJARG
POLLÝ VILL
KEX!
EF ÞÚ ÁTT SMÁ OST, OG KANNSKI
FLÖSKU AF GÓÐU RAUÐVÍNI, ÞÁ
VÆRI ÞAÐ EKKERT SLOR HELDUR.
Það skal ég segja þér, Víkverjiminn góður, að þessi þjóð hefur
ekkert lært af reynslunni og mis-
tökunum og mun aldrei læra. Það
er allt að fara í sama farið og fyrir
hrun. Þessi þjóð er á beinni leið til
helvítis!“
Þannig komst gamall félagi Vík-
verja að orði þegar fundum þeirra
bar saman í kjörbúð fyrir helgi. Fé-
lagi þessi mun seint skipa sér á
bekk með bjartsýnustu sonum
þessarar þjóðar en Víkverji minnist
þess samt ekki að hann hafi kveðið
svo afdráttarlaust að orði áður. Síð-
an tók hann snúning á Alþingi Ís-
lendinga, sem á sér víst ekki við-
reisnar von, og stjórnmálaflokkana
sem ku vera hver öðrum verri. Vart
má á milli sjá, að dómi félagans,
hvort er verra, stjórn eða stjórn-
arandstaða. Svo er enginn trúverð-
ugur leiðtogi í sjónmáli, sem hrifið
getur þjóðina með sér og eggjað til
góðra verka á þessum síðustu og
verstu tímum. Ekki í neinum flokki.
Víkverji staulaðist hálfvankaður
heim eftir þessa ádrepu og þakkaði
sínum sæla fyrir að komin var
helgi. Þá hefði hann svigrúm til að
ná vopnum sínum aftur áður en
haldið yrði til vinnu. Það er ekki
skemmtileg tilhugsun að vera á
beinni leið til helvítis!
x x x
Tendrað verður á Friðarsúlunni,sem tileinkuð er minningu Bít-
ilsins Johns heitins Lennons, í Við-
ey í kvöld. Er það vel.
Víkverji féll svo sem ekkert í
stafi yfir uppátækinu í upphafi
(enda þótt hann hefði ekkert á móti
því) en finnst téð súla setja
skemmtilegri svip á borgina með
hverju árinu. Þegar hann var á ferð
í Kollafirðinum á dögunum og
horfði yfir sundin stóð hann sig
meira að segja að því að hlakka í
fyrsta sinn formlega til þess að
tendrað yrði á súlunni. Mögulega
er kappinn að meyrna með aldr-
inum.
En er Friðarsúlan annars ekki
táknræn? Það er alltaf ljós í myrkr-
inu, sama hversu dimmt og þykkt
það er, enda þótt sumir komi ekki
auga á það. Eða er Víkverji hugs-
anlega alveg gaga? víkverji@mbl.is
Víkverji
Ég vil þakka þér, Drottinn, af öllu
hjarta, kunngjöra öll máttarverk þín.
Ég vil gleðjast og fagna yfir þér, lof-
syngja nafni þínu, þú Hinn hæsti.
(Sálmarnir 9:2-3)