Morgunblaðið - 29.11.2012, Blaðsíða 12
12 FRÉTTIRInnlent
MORGUNBLAÐIÐ FIMMTUDAGUR 29. NÓVEMBER 2012
Ferðafélag Íslands • www.fi.is • fi@fi.is • Sími 568 2533
Myndakvöld
Ferðafélags Íslands
Skráðu þig inn – drífðu þig út
Í kvöld fimmtudag 29. nóvember kl. 20.00
í sal FÍ Mörkinni 6
Eitt fjall á viku – myndasýning og kynning
Umsjón: Páll Ásgeir Ásgeirsson
Aðgangur ókeypis
- allir velkomnir
Allir velkomnir.
Easy chic!
Toppur,
2995,–
Helgi Bjarnason
helgi@mbl.is
Sú ákvörðun Vegagerðarinnar að
taka flóabátinn Baldur úr siglingum á
Breiðafirði og nota til að leysa Herj-
ólf af við siglingar á milli lands og
Eyja getur skaðað útflutningsfyrir-
tækin á suðurhluta Vestfjarða.
Framkvæmdastjóri Odda segir að
ef þau komi ferskum fiski ekki frá sér
daglega kunni þau að tapa markaði.
Fjarðalax er að slátra laxi upp úr
kvíum sínum í Arnarfirði og flytur af-
urðirnar þrisvar til fjórum sinnum í
viku fyrir flug á Keflavíkurflugvelli.
Fara 30-40 tonn á viku með Baldri.
Oddi á Patreksfirði og Þórsberg á
Tálknafirði vinna ferskan fisk til
flutnings á erlenda markaði og þurfa
að koma konum daglega í flug frá
Keflavíkurflugvelli eða um borð í
flutningaskip í Reykjavík.
Hæsta verðið fyrir ferskfisk
„Sú breyting hefur orðið á síðustu
tíu árum að sífellt stærri hluti af fisk-
afurðum er fluttur út ferskur. Með
því fæst hæsta verð sem greitt er í
dag. Þessi framleiðsla skapar rekstr-
argrundvöll fyrirtækjanna og sam-
keppnishæfan rekstur,“ segir Sig-
urður Viggósson, framkvæmdastjóri
Odda. Hann segir að fyrirtækin hafi
verið að byggja upp sérstakt gæða-
merki og viðskiptasambönd við kaup-
endur í Sviss og víðar í Evrópu.
„Það grundvallast á því að hægt sé
að afhenda vöruna á hverjum degi og
er mögulegt vegna þess að Baldur
siglir á hverjum degi. Með því að taka
Baldur úr umferð yfir háveturinn er
klippt á þessa leið,“ segir Sigurður.
Hann segir að ekki sé hægt að halda
Vestfjarðavegi opnum yfir vetrartím-
ann, hvað svo sem Vegagerðin segi.
Hann bendir á að ekki þurfi vind
nema upp á 18 metra á sekúndu á
Klettshálsi til að þjónusta falli niður á
þeim vegi, sem þó sé einn af nýjustu
köflunum á leiðinni. Þá skapist erf-
iðleikar fyrir flutningabíla í hálku á
hálsunum. Loks segir hann að ekki
þurfi nema rigningu til að gera mold-
arvegina frá því fyrir 1950 ófæra fyr-
ir flutningabíla.
Vegagerðin hefur boðað sérstaka
þjónustu við vegfarendur þá viku til
tíu daga sem áætlað er að viðgerð
Herjólfs taki. „Þetta sýnir skilnings-
leysi þeirra sem klippa á samgöngu-
leiðir með þessum hætti, það er eins
og þeir þekki ekki aðstæður,“ segir
Sigurður.
Hann segir að miðað við reynsluna
af skipaviðgerðum megi búast við að
verkið tefjist framyfir þann tíma sem
áætlaður er. „Það er hundaheppni ef
þetta tekst á þessum tíma og jafn-
framt að halda veginum opnum fyrir
flutningabíla á meðan,“ segir fram-
kvæmdastjóri Odda.
Fjarðalax flytur 30-40 tonn af
ferskum laxi frá Patreksfirði til
Keflavíkur í hverri viku og umbúðir
og ýmsar aðrar rekstrarvörur til
baka.
Öryggisnetið farið
„Við erum algerlega háðir því að
koma fiskinum okkur í flug á
ákveðnum tíma, þrisvar í viku. Brott-
hvarf Baldurs skapar mikið óöryggi,
búið er að taka öryggisnetið undan
okkur. Nú erum við algerlega háðir
því að vegirnir séu færir. Lítið má út
af bregða enda sýnir reynslan að
hálka getur tafið bílana í marga
klukkutíma,“ segir Höskuldur Stein-
arsson, framkvæmdastjóri Fjarða-
lax.
Hann segist hafa samúð með Vest-
manneyingum í þeirra vandræðum
en bendir á að málið þar snúist að-
allega um flutning farþega, ekki út-
flutning á afurðum því flutn-
ingaskipin komi við vikulega. „Ég
skil ekki af hverju útflutningsfyr-
irtæki eiga að líða fyrir það,“ segir
Höskuldur.
Morgunblaðið/Gunnlaugur Árnason
Breiðafjarðarferja Baldur sem vanalega heldur sig við Breiðafjörðinn siglir nú á milli Landeyja og Vestmannaeyja.
Klippt á flutningaleið
Stjórnendur útflutningsfyrirtækja á sunnanverðum
Vestfjörðum óttast að tapa markaði vegna færslu Baldurs
Mikill verðmunur kom fram þegar
verðlagseftirlit ASÍ gerði á mánu-
dag verðsamanburð á ferskum fisk-
afurðum í 21 fiskbúð og verslunum
með fiskborð víðsvegar um landið.
Að sögn ASÍ var algengast að
munurinn á hæsta og lægsta verði
væri á milli 40-60%.
Lægsta verð í Hafnarfirði
og á Siglufirði
ASÍ segir, að lægsta verðið hafi
oftast verið að finna hjá Litlu Fisk-
búðinni Miðvangi eða í 14 tilvikum
af 24. Fiskbúð Siglufjarðar var
næst oftast með lægsta verðið eða í
4 tilvikum af 24.
Mikil dreifing var á hæsta verð-
inu á milli verslana, en hæsta verð-
ið var oftast hjá Hafinu fiskverslun
í 7 tilvikum af 24, Fiskbúðin Vega-
mót og Hafberg Gnoðarvogi voru
með hæsta verðið í 6 tilvikum af 24
og Fiskikóngurinn á Sogavegi í 5
tilvikum af 24.
Allar 24 tegundirnar sem skoð-
aðar voru í könnuninni voru til hjá
Fiskbúðinni Sjávarhöllinni á Háa-
leitisbraut og Fiskbúðinni í Trönu-
hrauni. Fæstar tegundirnar sem
skoðaðar voru, voru til hjá Fylgi-
fiskum á Suðurlandsbraut eða að-
eins 4 af 24.
Allt að 98% verðmunur
Munur á hæsta og lægsta verði í
könnuninni var frá 19% upp í 98%.
Mestur verðmunur var á heilli
hausaðri ýsu sem var dýrust á 990
kr. kg. hjá Fiskikónginum á Soga-
vegi, Fiskbúð Suðurlands á Selfossi
og Fiskbúðinni Mos í Mosfellsbæ en
ódýrust á 500 kr.kg. hjá Fiskbúð
Siglufjarðar. Munurinn er 490 kr.
eða 98%.
Minnstur verðmunur, 19%, var á
roðflettri og beinlausri ýsu sem var
ódýrust á 1.590 kr.kg. hjá Fiskbúð
Sjávarfangs á Ísafirði en dýrust á
1.890 kr.kg. hjá Fiskbúðinni á
Sundlaugavegi, Fiskbúðinni Haf-
bergi í Gnoðarvogi, Fiskikónginum
á Sogavegi, Fiskibúðinni Hafrúnu,
Hafinu fiskverslun í Hlíðasmára og
Fiskbúðinni Vegamótum á Nesvegi.
Lax í sneiðum var ódýrastur á
1.275 kr.kg. hjá Fiskbúðinni í
Trönuhrauni en dýrastur á 1.898
kr./kg. hjá Hagkaupum. Það gerir
623 kr. verðmun eða 49%.
Mikill munur á
verði í fiskbúðum
98% munur á verði á heilli hausaðri ýsu
Algengur verðmunur 40-60%
Munur Verð á fiski er misjafnt.
Morgunblaðið/RAX
Vestmannaeyjaferjan Herjólfur er í slipp í Hafnarfirði. Verið er að gera
við skipið eftir óhapp sem varð í Landeyjahöfn síðastliðinn laugardag.
Sterkur straumur utan hafnarinnar bar skipið af leið með þeim afleið-
ingum að önnur skrúfa þess rakst niður við vestari varnargarðinn.
Skipt verður um eitt fjögurra blaða skrúfunnar og hin þrjú lagfærð,
auk annarra lagfæringa.
Vegagerðin brást skjótt við beiðni Vestmanneyinga um að tryggja
með öðrum hætti siglingar á milli lands og Eyja og óskaði eftir því við
eigendur Breiðafjarðarferjunnar Baldurs sem siglir á milli Stykkis-
hólms, Flateyjar og Brjánslækjar, samkvæmt samningum við Vegagerð-
ina, að taka hlutverkið að sér. Baldur hefur stundum áður leyst Herjólf
af hólmi en ekki á þessum tíma árs þegar vegir á Vestfjörðum eru oft
ófærir.
Gert við Vestmannaeyjaferju
SAMGÖNGUR VIÐ EYJAR