Morgunblaðið - 29.11.2012, Blaðsíða 36
36 MENNING
MORGUNBLAÐIÐ FIMMTUDAGUR 29. NÓVEMBER 2012
Reisubók Ólafíu Arndísar
bbbbn
Kristjana Friðbjörnsdóttir
Myndskreyting: Margrétar
E. Laxness
JPV útgáfa 2012
Þetta er þriðja bókin um
stelpuskottið Ólafíu Arn-
dísi. Í fyrstu bókinni var
hún í Flatey og skrifaði
bréf til vina sinna, önnur
bókin var í dagbókarformi
þegar hún var búsett á Dalvík og nú í Reisu-
bók Ólafíu Arndísar fer hún í ferðalag og skrif-
ar vinum og ættingjum tölvupóst. Allt snið-
ugar útfærslur hjá Kristjönu til að koma sögu
Ólafíu Arndísar til skila.
Ólafía Arndís er 12 ára og mikil persóna.
Amma hennar fær hana til að fara með sér í
ferðalag um landið á gömlum húsbíl og hlut-
verk Ólafíu Arndísar er að skrá ferðasöguna
niður á spjaldtölvu sem amma hennar gefur
henni til verksins. Eitthvað er reisubókin erfið
í smíðum en þeim mun duglegri er Ólafía Arn-
dís að senda tölvupóst í mismunandi stíl eftir
því hver viðtakandinn er. Þær heimsækja
gamla pennavini ömmunnar víðsvegar um
landið og út fyrir landsteinana. Meðan á ferða-
laginu stendur fer amman fram á að Ólafía
Arndís lesi Reisubók Guðríðar Símonardóttur
og verður hún ákveðið stef í gegnum söguna.
Eins og í fyrri bókum nær Kristjana að
fræða lesandann um sögu, landafræði og fleira
án þess að eftir því sé tekið, svo vel fellur
fræðslan inn í söguþráðinn. Ungir lesendur
ættu að verða betur að sér eftir þennan lestur
auk þess sem bókin er algjör skemmtilesning.
Texti Kristjönu er mjög góður, skemmtilega
skrifaður og flæðir vel. Myndskreytingar Mar-
grétar E. Laxness létta enn frekar á sögunni
og eru góð viðbót. Eftir lestur allra þriggja
bókanna er Ólafía Arndís orðin ein af mínum
uppáhaldsskáldsagnapersónum. Lífleg og klár
stelpa sem lifnar svo sannarlega við á blaðsíð-
unum.
Skrímslaerjur
bbbbn
Áslaug Jónsdóttir, Kalle
Guettler, Rakel Helmsdal
Mál og menning 2012
Þau eru enn á ný mætt
á svæðið, stóra skrímslið
og litla skrímslið. Núna
leiðist skrímslunum og
þrátt fyrir að vera bestu
vinir geta þau ekki komið
sér saman um hvernig sé best að drepa tímann
enda áhugamálin ólík. Stóra skrímslið vill
veiða eða synda en það litla tefla skák eða
hoppa í parís. Það verður úr en klaufaskapur
stóra skrímslisins í parísnum verður til þess að
setja af stað pirringsrifrildi þeirra á milli eins
og má stundum heyra hjá börnum; „pabbi
minn er sterkari en pabbi þinn“. Það fýkur í
litla skrímslið sem meiðir stóra skrímslið í hita
leiksins. Litla skrímslið sér ægilega eftir því
og fer að ímynda sér allt hið versta, jafnvel að
stóra skrímslið deyi. En daginn eftir hittast
þau, það er góðu lagi með stóra skrímslið og
allt verður aftur gott.
Bæði stóra og litla skrímslið eru algjör krútt
og það er ekki annað hægt en að halda upp á
þau. Eins og í fyrri bókum er sagan dregin upp
með sterkum myndum og stuttum texta.
Skrímslin kljást við sömu tilfinningar og börn
og fullorðnir og lesandinn á auðvelt með að
tengjast þeim, finna til með þeim og gleðjast.
Skrímslaerjur er sjöunda bókin um skrímslin
og er eins og fyrri bækur mjög vel gerð, snert-
ir við lesandanum og skemmtir honum.
Gerðu eins og ég: Hvati
og dýrin
bbbnn
Eva Þengilsdóttir
Myndskreyting: Bergrún
Íris Sævarsdóttir
Mál og menning 2012
Hér er komin lífleg
bók fyrir yngstu börnin
sem eiga ekki bara að
hlusta þegar lesið er fyr-
ir þau heldur vera virkir
þátttakendur í sögunni. Hvati er hvolpur sem
fer með Ásu eiganda sínum í dýragarðinn.
Hvata finnst dýrin ekki hreyfa sig nóg og fer
að sýna þeim hvað á að gera. Hann sýnir t.d.
hananum hvernig á að standa á öðrum fæti og
gala hraustlega og kanínunni hvernig á að
hoppa. Við hvert dýr sem Hvati hittir eru leið-
beiningar til aðstandenda um hvernig þeir
geta hjálpað barninu við að gera eins og Hvati
er að kenna dýrunum. Mjög sniðug hugmynd
hjá Evu, að semja sögu sem ýtir undir hreyf-
ingu hjá börnum.
Textinn er heldur einsleitur en ágætlega
skrifaður og hentar vel í lestur fyrir yngstu
börnin. Myndir Bergrúnar eru mjög viðeig-
andi, vel gerðar, krúttlegar og litríkar. Eina
sem ég get út á þær sett er að hún lætur hest
velta sér með hnakk á bakinu.
Gerðu eins og ég er vel heppnuð barnabók
fyrir yngstu börnin sem krefst þátttöku bæði
lesanda og hlustanda.
Kattasamsærið
bbbnn
Guðmundur S. Brynjólfs-
son
Myndskreyting: Högni
Sigurþórsson
Sæmundur 2012
Í Kattasamsærinu
segir frá læðunni Petru
Pott sem er heimiliskött-
urinn hjá heldur óárenni-
legri fjölskyldu. Petra
Pott er ung og óreynd kisa og á stundum erf-
itt með að takast á við fjölskyldulífið. Fyrst í
stað er hugsað vel um Petru Pott en síðan fer
hún að gleymast og er heppin ef fólkið man
eftir að fylla á matardallinn hennar. Heim-
ilisfaðirinn er sérlega mótfallinn kattarófét-
inu og talar oft um að senda hana í „sveitina“.
Petra Pott kynnist hinum aldraða og lífs-
reynda fress Hamlet sem býr skammt frá.
Hann á ráð undir rifi hverju og aðstoðar
Petru Pott við að ganga í augun á fólkinu sínu
svo hún fái athyglina aftur og „sveitaferðinni“
er frestað. Þeim til aðstoðar er hundurinn
Lúsíus. Ráðabrugg Hamlets gengur upp og
ævisaga Petru Pott virðist ætla að fá góðan
endi.
Kattasamsærið er fjörug og öðruvísi saga. Í
henni eru dýrin í aðalhlutverki og mannfólkið
haft frekar óheillandi, enda er því hvorki gefið
nafn né andlit. Þrátt fyrir að Petra Pott sé
aðalsögupersónan á Hamlet sviðið, hann er
skemmtilega skapaður köttur.
Barnabækur
Ingveldur Geirsdóttir
ingveldur@mbl.is
Yfirlit yfir nýútkomnar íslenskar
og þýddar barnabækur
Skrímslaerjur Skrímslin rífast í nýrri bók.
Bókakvöld Reykjavíkurakademíunnar,
Sögufélags, Sagnfræðingafélags Íslands
og Bókasafns Dagsbrúnar verður haldið í
húsakynnum ReykjavíkurAkademíunnar
í kvöld milli kl. 20-22.
Höfundarnir sem taka þátt í bóka-
kvöldinu eru Eyrún Ingadóttir með Ljós-
móðurina, Sigurður Gylfi Magnússon
með Dagbók Elku, Jón Ólafsson með
Appelsínur frá Abkasíu, Gunnar Þór
Bjarnason með Upp með fánann! og
Gunnar F. Guðmundsson með Pater Jón Sveinsson –
Nonni. Guðni Th. Jóhannesson sagnfræðingur stjórnar um-
ræðum.
Aðgangur er ókeypis og allir velkomnir meðan húsrúm
leyfir. Reykjavíkurakademían er í JL-húsinu, Hringbraut
121.
Bókakvöld hjá Reykja-
víkurakademíunni
Jón Ólafsson
Hljómsveitirnar Benni Hemm Hemm og
Just Another Snake Cult halda tónleika á
Gamla Gauknum í kvöld og hefjast þeir kl.
21.15. Benni Hemm Hemm er ekki lengur
einn á ferð, orðinn að hljómsveit og af þeim
sem troða upp með honum í kvöld má nefna
Unnstein Manuel Stefánsson úr Retro Stef-
son og Sindra Má Sigfússon úr Sin Fang.
Verður það í fyrsta sinn sem þessir lands-
kunnu tónlistarmenn leika saman.
Just Another Snake Cult hefur aftur á
móti minnkað, öfugt við Benna, og er hljóm-
sveitin nú orðin að tríói. Sýrustig hljómsveitarinnar hefur hins
vegar aukist, skv. tilkynningu. Fyrir sveitinni fer Thor And-
ersen, „íslensk/kalifornískur brimbrettajesú“, eins og því er
lýst í fyrrnefndri tilkynningu. Húsið verður opnað kl. 20 og fer
miðasala fram við innganginn.
Unnsteinn, Sindri og
Benni Hemm Hemm
Benni Hemm
Hemm
Kvartett gítarleikarans Jóns Páls Bjarna-
sonar leikur á Múlanum í Norræna hús-
inu í kvöld. Í fréttatilkynningu frá skipu-
leggjendum kemur fram að Jón Páll sé
„án efa einn virtasti jazzleikari þjóð-
arinnar. Hér leikur hann nokkur af uppá-
haldslögum sínum ásamt Ólafi Jónssyni
saxófónleikara, Þorgrími Jónssyni á
bassa og Einari Scheving á trommur“.
Múlinn er að ljúka við sitt sextánda
starfsár en hann er samstarfsverkefni Fé-
lags Íslenskra hljómlistarmanna (FÍH) og
Jazzvakningar. Klúbburinn heitir í höfuðið á Jóni Múla
Árnasyni sem jafnframt var heiðursfélagi og verndari Múl-
ans.
Tónleikarnir hefjast kl. 20:30 og er 1.500 króna aðgangs-
eyrir en 1.000 kr. fyrir nemendur.
Jón Páll Bjarnason
leikur á Múlanum
Jón Páll
Bjarnason
J. A. Ó. - MBL
SMÁRABÍÓ HÁSKÓLABÍÓ 5%GLERAUGU SELD SÉR 5%
BORGARBÍÓ NÁNAR Á MIÐI.IS
ÍSLENSKT TAL
NÁNAR Á MIÐI.IS
T.V. - KVIKMYNDIR.IS
SILVER LININGS PLAYBOOK KL. 8 - 10.40 12
HERE COMES THE BOOM KL. 5.40 - 8 - 10.20 7
NIKO 2 KL. 4 - 6 L
PITCH PERFECT KL. 5.30 - 8 12
HOTEL TRANSYLVANIA ÍSL. TEXTI KL. 3.30 7
SKYFALL KL. 5 - 8 - 10.30 12
SKYFALL LÚXUS KL. 5 - 8 12
TEDDI LANDKÖNNUÐUR KL. 3.30 L
SILVER LININGS PLAYBOOK KL. 6 - 8 - 10.40 12
SNABBA CASH 2 KL. 8 - 10.15 16
CLOUD ATLAS KL. 5.30 - 9 16
SKYFALL KL. 9 12
DJÚPIÐ KL. 5.50 10
THE DEEP ENSKUR TEXTI KL. 5.50 10
HERE COMES THE BOOM KL. 8 7
SILVER LININGS PLAYBOOK KL. 5.50 - 8 12
SNABBA CASH 2 KL. 10.15 16
PITCH PERFECT KL. 5.50 12
SKYFALL KL. 10 12
–ROLLING STONE
-T.V. SÉÐ OG HEYRT
VIKAN
91% FRESH
ROTTENTOMATOES
8.2 IMDB
K LLING THEM SOFTLY KL. 5.40 - 8 - 10.20 16
KILLING THEM SOFTLY Sýndkl.8-10
NIKO 2: BRÆÐURNIR FLJÚGANDI Sýndkl.6
SKYFALL Sýndkl.6-9
PITCH PERFECT Sýndkl.8-10:15
WRECK-IT RALPH 3D Sýndkl.5:40
LAUGARÁSBÍÓ Sýningartímar
-bara lúxus sími 553 2075Miðasala og nánari upplýsingar
www.laugarasbio.is
12
12
12
12
L
,,Sú besta í allri seríunni”
T.V - Kvikmyndir.is
,,Fyrsta flokks 007”
J.A.Ó - MBL
,,Þrælspennandi og skemmtileg
frá upphafi til enda”
H.V.A - FBL
Þ.Þ - FBL