Morgunblaðið - 29.11.2012, Blaðsíða 16
16 FRÉTTIRInnlent
MORGUNBLAÐIÐ FIMMTUDAGUR 29. NÓVEMBER 2012
www.gjofsemgefur.is
PI
PA
R\
TB
W
A
•
SÍ
A
•
11
30
22
Fríða Guðlaugsdóttir
og Hjördís Jónsdóttir
skreytingameistarar
sýna það nýjasta!
Grímsbæ við Bústaðaveg s: 5881230
Ingveldur Geirsdóttir
ingveldur@mbl.is
Fíkniefnaneytendur sem eru greind-
ir með HIV-veiruna standa sig yfir-
leitt vel þegar kemur að því taka lyf
við sjúkdómnum. Sumir eru þó svo
langt leiddir í neyslunni að þeir
stunda lyfjameðferðina illa og
óreglulega. Getur það haft þær af-
leiðingar að líkami þeirra myndar
ónæmi gegn lyfjunum og þau hætti
að virka sem skyldi. Lyfin halda veir-
unni niðri og ef þau eru tekin rétt
dregur það verulega úr smithættu.
Heyrst hefur af því að sumir fíklar
með HIV fái ekki lyfjameðferð því
talið sé að þeir nái ekki að viðhalda
henni nógu vel til að það sé réttlæt-
anlegt að fara af stað með hana strax.
Haraldur Briem sóttvarnarlæknir
segir, spurður út í þetta mál, að fíklar
eins og allir aðrir fái lyfjameðferð.
„Ef þeir eru svo ruglaðir að þeir
sækja ekki lyfin reglulega, því þetta
er lyfjameðferð sem þarf að vera
mjög regluleg, getur verið að mönn-
um hafi sýnst að þetta gangi ekki upp
á þeim tíma. En það er reynt allt til
að fá fólk til að taka lyfin, það verður
að taka þau,“ segir Haraldur. Hann
bætir við að menn séu mjög meðvit-
aðir um hvað lyfjameðferðin skipti
miklu máli við að hindra útbreiðslu
HIV og því sé allt til vinnandi að fólk
taki lyfin sín. Haraldur segir marga
fíkniefnaneytendur standa sig vel
þrátt fyrir mikla neyslu en til séu
fíklar sem mæti illa, taki lyfin í smá-
tíma og hverfi svo, sem sé mjög
slæmt, allt sé þó gert til þess að fá þá
til að taka lyfin.
Þór Gíslason, verkefnastjóri Frú
Ragnheiðar – skaðaminnkunarverk-
efnis Rauða krossins, sem m.a. út-
vegar sprautufíklum hreinar nálar til
að sporna við útbreiðslu HIV, segir
að erlendar rannsóknir bendi til þess
að fíklar séu ekkert síðri en aðrir við
að viðhalda lyfjameðferðinni með
ákveðinni eftirfylgni.
„Þessi sjúklingahópur þarf eftir-
fylgni sem er flóknari en við einstak-
ling í góðri félagslegri stöðu. Rann-
sóknir sýna að þegar hún er veitt
standa þau sig vel. Okkar vilji er að
tengja svona meðferð við einhvers
konar miðstöð sem fíklar geta komið
á til að sækja hreinan búnað og þar
sem hægt væri að sinna þeim hópi
sem þarf lyfjameðferð. Okkar
reynsla er sú að fíklar sem hafa
greinst með HIV séu ábyrgir, passi
sig og þá sem þeir eru með í neysl-
unni, að þeir noti ekki sömu áhöld,“
segir Þór.
Allt reynt til að fá fíkla
til að taka lyfin sín
Morgunblaðið/Ómar
Sprautufíklar Allt er reynt til að fá HIV-smitaða fíkla til að taka lyfin sín.
HIV-lyf draga
verulega úr smit-
hættu ef rétt tekin
HIV á Íslandi
» Átján hafa greinst með HIV-
veiruna hér á landi það sem af
er árinu. Fjórir þeirra eru fíkni-
efnaneytendur.
» Í fyrra voru þrettán af þeim
23 einstaklingum sem greind-
ust með HIV í fíkniefnaneyslu.
Þeir tengdust allir sama hópi
sprautufíkla.
Guðni Einarsson
gudni@mbl.is
Íslensk stjórnvöld hafa ekki tekið
ákvörðun um hvenær sett verður
hafnbann á rússneska togara og
fiskflutningaskip eftir að Rússar
hafa veitt þann karfakvóta sem
þeim er ætlaður á Reykjaneshrygg
samkvæmt fjölþjóðlegu samkomu-
lagi, að sögn Kristjáns Freys
Helgasonar, sérfræðings í atvinnu-
vega- og nýsköpunarráðuneytinu.
Rússar hafa viðrað þann möguleika
að setja löndunarbann á íslenskan
makríl í Rússlandi, fái þeir ekki að
landa karfa hér, eins og kom fram í
Morgunblaðinu í gær.
Íslensk stjórnvöld sendu þeim
rússnesku bréf á liðnu vori vegna
málsins. Þar var Rússum tilkynnt
að íslenskar hafnir yrðu þeim lok-
aðar hvað varðar karfalöndun og
umskipun þegar þeir hefðu lokið
við að veiða sinn hluta af karfa á
Reykjaneshrygg, sem fjölþjóðlegt
samkomulag um úthafskarfaveiðar
kveður á um. Rússar brugðust við
bréfinu í sumar og gerðu athuga-
semdir við það. Þeir óskuðu einnig
eftir tvíhliða viðræðum við Íslend-
inga um málið og fóru þær viðræð-
ur fram í Reykjavík í september
síðastliðnum, að sögn Kristjáns.
Mikið fundað um málið
Íslenskir embættismenn hafa
auk þess hitt rússneska kollega og
rætt úthafskarfamálefni á auka-
fundi fiskveiðnefndarinnar í
Moskvu í júnímánuði, strandríkja-
fundi í október og nú síðast á árs-
fundi NA-Atlantshafs fiskveiði-
nefndarinnar (NEAFC) í
nóvember. Framundan er svo ár-
legur fundur fiskveiðinefnda Ís-
lands og Rússlands sem haldinn
verður í Reykjavík 10.-11. desem-
ber n.k. Fulltrúar Íslands og Rúss-
lands sammæltust um það á fund-
inum í september að Ísland myndi
bíða með aðgerðir en að Rússland
myndi leggja fram vísindagögn og
tillögur að stjórnun veiðanna.
Rússarnir lögðu þessi gögn fram á
fundi NEAFC í London fyrr í þess-
um mánuði.
„Tillögur þeirra um breytta
stjórnun hlutu ekki hljómgrunn
meðal annarra aðildarríka
NEAFC. Þannig standa málin
núna,“ sagði Kristján.
Samkomulagið um úthafskarfa-
veiðarnar var gert í Reykjavík í
mars 2011. Að því stóðu strandríkin
Ísland, Grænland og Færeyjar auk
Noregs og Evrópusambandsins.
Samkomulagið var síðan samþykkt
af NEAFC. Rússar voru ekki aðilar
að því og hafa mótmælt því með
formlegum hætti og sett sér ein-
hliða kvóta í framhaldinu.
Íslensk stjórnvöld styðjast við 3.
grein laga um veiðar og vinnslu er-
lendra skipa í fiskveiðilandhelgi Ís-
lands (22/1998) varðandi mögulegt
hafnbann. Þar segir m.a. að ráð-
herra geti ákveðið að ákvæði lag-
anna um hafnbann gagnvart er-
lendum skipum gildi „ef fánaríki
skipsins er ekki aðili að samningi
sem gildir um stjórn þeirra veiða
sem viðkomandi skip stundar eða
fylgir ekki þeim reglum sem settar
eru samkvæmt þeim samningi,
enda sé Ísland aðili að honum.“
Morgunblaðið/Jim Smart
Hafnarfjörður Rússneskir togarar í höfn. Myndin er úr safni.
Boðuðu hafn-
bann á Rússa
Ekki ljóst hvenær bann tekur gildi