Morgunblaðið - 29.11.2012, Blaðsíða 18
18 FRÉTTIRInnlent
MORGUNBLAÐIÐ FIMMTUDAGUR 29. NÓVEMBER 2012
Árviss rithöfundalest fer um Aust-
urland um helgina. Verða fjórir
höfundar frá Forlaginu þar á ferð
og lesa úr nýjustu verkum sínum.
Kristín Steinsdóttir segir frá
Bjarna-Dísu, Kristín Ómarsdóttir
les úr Millu, Eiríkur Örn Norðdahl
kynnir Illsku og Einar Már Guð-
mundsson segir frá Íslenskum
kóngum. Þá fræðir Steinunn Krist-
jánsdóttir gesti um Söguna af
klaustrinu á Skriðu sem kemur út
hjá Sögufélagi. Jafnframt verður
kynnt bókin Sonur þinn er á lífi eft-
ir Óttar Sveinsson.
Lesið verður í Kaupvangskaffi á
Vopnafirði föstudagskvöld 30. nóv-
ember. kl. 20:30. Laugardaginn 1.
desember klukkan 14 verða höf-
undarnir á Skriðuklaustri í Fljóts-
dal og um kvöldið lesa þeir í Skaft-
felli á Seyðisfirði kl. 20:30. Á
sunnudaginn verða þeir í Safnahús-
inu á Norðfirði kl. 14.
Skriðuklaustur Rithöfundarnir munu
m.a. lesa upp á Skriðuklaustri.
Rithöfundar á ferð
um Austurland
Palestínski
mannréttinda-
frömuðurinn Mu-
stafa Barghouti
verður heið-
ursgestur á 25
ára afmæl-
issamkomu Fé-
lagsins Ísland-
Palestínu, sem
haldin verður á
Hótel Borg í
kvöld og hefst klukkan 20 Aðgang-
ur er ókeypis og öllum opinn.
Heimsókn Barghoutis er skipu-
lögð af Félaginu Íslandi-Palestínu í
samvinnu við Alþjóðamálastofnun
Háskóla Íslands og utanríksráðu-
neytið. Hann mun jafnframt flytja
fyrirlestur i hátíðarsal Háskóla Ís-
lands klukkan 17 í dag dag undir
yfirskriftinni: Palestína – Vegferð
til frelsis.
Heiðursgestur á
afmælissamkomu
Mustafa Barghouti.
Neytendastofa og tollyfirvöld tóku
upp og skoðuðu innihald allra send-
inga sem komu til landsins sem
innihéldu kveikjara á um tveggja
mánaða skeiði. Leiddi sú skoðun
ekki í ljós neina ágalla.
Þá voru gerðar kannanir á hvort
seldir væru kveikjarar með óvenju-
legt útlit og var ein tegund tekin af
markaði.
Öruggir kveikjarar
STUTT
ÚR BÆJARLÍFINU
Skapti Hallgrímsson
Akureyri
Starfsmenn Rafeyrar og Akur-
eyrarbæjar unnu að því hörðum
höndum í gær að moka upp Akur-
eyrarhjartað í Vaðlaheiði. Það var á
bólakafi; tveir metrar niður á hjart-
að þar sem mest var.
Hjartslátturinn mun gleðja
Akureyringa á aðventunni eins og
undanfarin ár. Það er á stærð við
fótboltavöll, sló fyrst í árslok 2008,
og vekur sannarlega mikla gleði
þegar ljósin eru tendruð ár hvert. Í
hjartanu eru alls 375 perur. Starfs-
menn Rafeyrar settu það upp á sín-
um tíma og sjá um að það slái ár
hvert.
Stjórn Leikfélags Akureyrar var
töluvert gagnrýnd á aðalfundi fé-
lagsins í vikunni fyrir að fara ekki að
lögum þess þegar Ragnheiður
Skúladóttir var ráðin leikhússtjóri á
dögunum, án auglýsingar. Lögð var
fram tillaga um að ráðningin yrði
ógilt en hún var felld.
Ragnheiður var ráðin listrænn
stjórnandi LA fyrir veturinn og leik-
hússtjóri til þriggja ára fyrir
skömmu. „Við tókum þessa ákvörð-
un með hagsmuni leikhússins að
leiðarljósi, fyrst og fremst, og þessi
tillaga var felld á aðalfundinum,“
sagði Sigrún Björk Jakobsdóttir,
formaður stjórnar Leikfélags Akur-
eyrar, við mbl.is í vikunni.
„Menn náttúrlega greinir á um
aðferðina,“ sagði Sigrún Björk. „Fé-
lagsmenn, að mínu mati, tjáðu sig
hreinskilnislega um þetta [á aðal-
fundinum] og svo er það bara búið.
Það er mikilvægt að Leikfélagið fái
frið til að klára sitt starf og halda
áfram hinu flotta starfi sem Ragn-
heiður hefur hafið.“
Sala áskriftakorta hefur verið
dræm í haust. Sigrún segir að gríð-
arlegt magn og úrval viðburða sé á
Akureyri þessar vikurnar. „Við
sjáum það sem eðlilegan hlut að
menn séu ekki að festa sig við leik-
húsið frekar en eitthvað annað. Það
er bara mjög mikið um að vera í
menningarlífinu á Akureyri og full-
komlega eðlilegt að fólk velji hverja
sýningu fyrir sig,“ segir hún.
Fyrsta sýning LA í vetur, Leigu-
morðinginn, er frábær að mati þess
sem þetta skrifar, en aðsókn hefur
þó verið dræm. Hún virðist ekki
mælast sérlega vel fyrir hjá fólki,
þrátt fyrir allt. Er kannski „óvenju-
leg“ um of.
Ljósin verða kveikt á jólatrénu á
Ráðhústorgi á laugardaginn. At-
höfnin hefst kl. 14.45. Fjöldi annarra
viðburða er á dagskrá aðventu-
ævintýris bæjarins þennan dag.
Meðal þess sem er á dagskrá um
helgina er Fullveldishátíð Háskól-
ans á Akureyri, fyrsti glugginn á
jóladagatali Menningarhússins Hofs
og Myndlistarskólans á Akureyri
verður opnaður í Hofi, ljós-
myndasýningin Aðventa á fjöllum og
Ferðalangar á fjöllum verður opnuð
í Ketilhúsinu, jólamarkaður Hæf-
ingastöðvarinnar, danssýning Önnu
Richards og Camilo í Rýminu, Að-
ventuveisla Sinfóníuhljómsveitar
Norðurlands í Hofi, tónleikar með
Kiryama Family á Græna hattinum,
Jólagjafir liðins tíma verða til sýnis á
Leikfangasýningunni í Friðbjarn-
arhúsi. Þá mun jólastrætó keyra um
götur Akureyrar á Aðventunni.
KEA veitti í gær styrki úr Menn-
ingar- og viðurkenningarsjóði og fór
úthlutunin fram í Ketilhúsinu á Ak-
ureyri. Auglýst var eftir umsóknum
í september síðastliðnum og barst
141 umsókn. Veittir voru 36 styrkir,
samtals að fjárhæð 6 milljónir kr.
Fundu hjartað í hjarninu
Ljósmynd/Kristinn Hreinsson
Grófu hjartað upp Kristján Hermannsson (t.v.) og Tomasz Wojcinski, starfsmenn Rafeyrar, í Vaðlaheiðinni í gær.
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
Varðberg, samtök um vestræna
samvinnu og alþjóðamál, efnir til
hádegisfundar þriðjudaginn 4. des-
ember þar sem fjallað verður um
vernd þjóðaröryggis og rannsókn
lögreglu á voðaverkum á borð við
það sem unnið var í Noregi í júlí í
fyrra.
Norskur lögregluforingi, Sture
Martin Vang, og Jón F. Bjartmarz,
yfirlögregluþjónn hjá embætti rík-
islögreglustjóra, munu fjalla um
málið á fundi Varðbergs, sem hald-
inn verður í stofu 101 í Odda, húsi
Háskóla Íslands. klukkan 12-13.
Vang hefur í 13 ár verið í yf-
irstjórn norsku lögreglunnar. Jón
hefur verið yfirlögregluþjónn hjá
embætti ríkislögreglustjóra frá
1997 og er sviðsstjóri löggæslu- og
öryggissviðs.
Ræða um voðaverk
gegn þjóðaröryggi
Mannanafnanefnd hefur sam-
þykkt karlmannsnafnið Hyl en
hafnað kvenmannsnafninu Svan-
hild. Millinafnið Eldberg er sam-
þykkt og sömuleiðis karlmanns-
nafnið Anfinn. Hins vegar var
kvenmannsnafninu Franziscu
hafnað.
Í greinargerð nefndarinnar um
eiginnafnið Hyl segir að nafnið
taki íslenskri beygingu í eign-
arfalli, Hyljar eða Hyls, og teljist
að öðru leyti uppfylla ákvæði
laga um mannanöfn.
Nafnið Svanhild er talið upp-
fylla ákvæði mannanafnalaga um
millinöfn en beiðni um eigin-
nafnið Svanhild var hafnað.
Þá hafnaði nefndin á ný ósk um
að breyta rithætti nafnsins Frans-
isku í Franzisca.
Segir nefndin að eiginnafnið
Franzisca get ekki talist ritað í
samræmi við ritreglur íslensks
máls þar sem bókstafirnir z og c
teljist ekki til íslenska stafrófsins
þótt þeir komi fyrir í nokkrum
mannanöfnum sem hafa unnið
sér hefð. Nú þegar eru tvær
gerðir þessa nafns á manna-
nafnaskrá, Fransiska og Franz-
iska.
Um mannanafnanefnd gilda
ákvæði laga frá 1996. Innanrík-
isráðherra skipar nefndina til
fjögurra ára í senn.Ekki er hægt
að áfrýja úrskurðum manna-
nafnanefndar, þeir hafa síðustu
árin verið um eitt hundrað á ári.
Hylur í lagi en Svanhild ekki
Ekki samþykkt að breyta rithætti nafnsins Fransisku
Skírnarkjóll Mannanafnanefnd
kveður árlega upp um 100 úrskurði.