Morgunblaðið - 29.11.2012, Blaðsíða 20

Tíbeskir útlagar í Siliguri í Indlandi hrópuðu slagorð
gegn kínverskum ráðamönnum í gær og mótmæltu
stefnu þeirra. Kínverjar innlimuðu Tíbet fyrir liðlega 60
árum. Á síðustu árum hafa margir Tíbetar kveikt í sér til
að vekja athygli á kúguninni í Tíbet, alls 20 það sem af er
þessum mánuði. Allmargir munu hafa dáið.
Aðgerðum af þessu tagi fjölgaði mjög í aðdraganda
flokksþings kínverskra kommúnista fyrir skömmu þar
sem kosin var ný forysta til næstu 10 ára.
Að sögn vefsíðu BBC efndu um 1000 tíbetskir stúd-
entar til mótmæla á mánudag í þrem héruðum í Kína,
Gansu, Sichuan og Qinghai. Ströng ritskoðun er í Kína
og því erfitt að fá nákvæmar fregnir.
Helsti leiðtogi Tíbeta, hinn útlægi Dalai Lama, krefst
ekki fulls sjálfstæðis frá Kína en aukins forræðis Tíbeta í
eigin málum. Milljónir Kínverja hafa sest að í Tíbet und-
anfarna áratugi og eru nú líklega í meirihluta í höfuð-
borginni Lhasa.
AFP
Mótmæla kúgun Kínverja í Tíbet
20 FRÉTTIRErlent
MORGUNBLAÐIÐ FIMMTUDAGUR 29. NÓVEMBER 2012
YçÜ|Ü )ö áxÅ {≠ÇÇâÇ
Stórhöfða 21 | sími 545 5500 | flis.is
Kristján Jónsson
kjon@mbl.is
Áfrýjunardómstóll í Egyptalandi
ákvað í gær að leggja niður störf
þar til Mohamed Morsi forseti
drægi til baka ákvörðun sína um að
taka sér nánast einræðisvöld.
Stjórnarskrárdómstóll landsins
sakaði auk þess forsetann í gær um
óréttmæta árás á sjálfstæði stofn-
unarinnar. Morsi fullyrðir að dóm-
stóllinn sé hlutdrægur og hafi lekið
úrskurðum fyrirfram í fjölmiðla.
Vilja dómararnir sjá sannanir fyrir
þessum ásökunum.
Í tilskipun Morsis frá 22. nóv-
ember kemur m.a. fram að dóms-
kerfið geti ekki hnekkt ákvörð-
unum hans. Sjálfur segir forsetinn
að um sé að ræða tímabundna að-
gerð til að „bjarga byltingunni“.
Sérstakt stjórnlagaþing semur nú
nýja stjórnarskrá en andstæðingar
Morsis og samtaka hans, Bræðra-
lags múslíma, hafa hætt þátttöku í
störfum þess. Segja þeir íslamista-
samtökin ætla að koma á hinum
gömlu, harkalegu lögum íslams,
sharia, sem að grunni til voru sam-
in á miðöldum. Yrðu þá ýmis rétt-
indi, þ. á m. kosningaréttur kvenna,
afnumin.
Áfram urðu hörð átök milli lög-
reglu og andstæðinga Morsis í
mörgum borgum í Egyptalandi í
gær, í Kaíró beitti lögreglan tára-
gasi gegn hundruðum stjórnarand-
stæðinga. „Farðu, farðu“, var hróp-
að og átt við að Morsi ætti að segja
af sér. Á þriðjudag var reynt að
kveikja í aðalstöðvum Bræðralags-
ins. Fjölmenn mótmæli urðu til að
velta úr sessi fyrrverandi forseta,
Hosni Mubarak, í ársbyrjun 2011.
Egypskir dómar-
ar mótmæla
með verkföllum
 Heimta að Morsi dragi til baka
tilskipun um stóraukin völd forseta
AFP
Táragas Andstæðingar Morsis flýja
undan lögreglu í Kaíró í gær.
Marton Gyön-
gyösi, talsmaður
flokks ung-
verskra hægri-
ofstækismanna,
Jobbik, hefur
beðið ríkisstjórn
landsins að setja
saman lista yfir
þá gyðinga sem
hættulegir séu
öryggi ríkisins, að sögn Dagens
Nyheter.
Leiðtogar ungverskra gyðinga
hafa mótmælt harðlega. Segja þeir
að tillagan minni mjög á aðgerðir í
tíð fasistastjórnar landsins í seinni
heimsstyrjöld. kjon@mbl.is
Vill svartan lista yfir
„hættulega“ gyð-
inga í Ungverjalandi
Marton Gyöngyösi
Kristján Jónsson
kjon@mbl.is
Sýrlenskir uppreisnarmenn skutu í
gær niður eina af flugvélum stjórn-
arhers Bashars al-Assads forseta yf-
ir borginni Daret Ezza, norðan við
stærstu borg landsins, Aleppo og
handsömuðu flugmanninn. Þetta var
önnur vélin sem uppreisnarmenn
skutu niður á tveim dögum, á þriðju-
dag var um að ræða herþyrlu. Gæti
þetta bent til þess að þeir ráði nú yfir
fullkomnari vopnum en fram til
þessa og vilji brjóta á bak aftur yfir-
burði stjórnarhersins í lofti.
„Hún hrapaði hægt og logaði áður
en hún lenti á jörðunni, þetta var
hrikalegt,“ sagði Ugur Cuneydioglu,
Tyrki sem fylgdist með atburðinum
frá þorpi rétt handan landamær-
anna, að sögn New York Times.
Hryðjuverk í Damaskus
Minnst 50, þ. á m. konur og börn,
féllu í Jaramana, úthverfi minni-
hlutahópa kristinna manna og drúsa
í Damaskus, í gærmorgun þegar
tvær öflugar bílsprengjur sprungu,
að sögn AFP-fréttastofunnar. Aðrar
heimildir álitu þó að færri hefðu fall-
ið. Vitað er að Assad nýtur verulegs
stuðnings í hverfinu. Íbúarnir óttast
að hlutskipti þeirra verði verra ef of-
stækisfullir íslamistar úr röðum
sunní-múslíma taka völdin.
Súnnítar eru í miklum meirihluta í
Sýrlandi og vitað að liðsmenn
hermdarverkahópa súnníta taka
þátt í uppreisninni. Sjálfur tilheyrir
Assad enn einum minnihlutahópn-
um, alavítum.
Ógna yfirburðum í lofti
 Sýrlenskir uppreisnarmenn skjóta niður herflugvélar Assads forseta
 Tugir manna féllu í bílsprengjutilræðum í hverfi kristinna og drúsa í Damaskus
Slæmur aðbúnaður
» Um 2,5 milljónir Sýrlendinga
hafa flúið heimili sín og dvelja
flestir í flóttamannabúðum við
afar slæman aðbúnað.
» Einnig hafa margir flúið
land. Sameinuðu þjóðirnar
hafa skráð 125 þúsund sýr-
lenska flóttamenn í Líbanon.
Sett voru lög í Þýskalandi fyrir lið-
lega 40 árum sem heimiluðu kynlíf
manna með dýrum en nú er ætlunin
að breyta lögum um velferð dýra og
banna slíkt athæfi, það sé „óviðeig-
andi“, að sögn Guardian.
Dýraverndarmenn hafa birt
myndir af hrottalegri meðferð á dýr-
um við kynlífsathafnir. Um 100
manns, er kalla sig „dýravini“, eru í
félagi sem berst gegn lagabreyting-
unni. Talsmaður þess, Michael Kiok,
segir að breytingin verði kærð.
„Grundvallaratriði í sannfæringu
dýravina er að við gerum ekkert sem
dýrin vilja ekki sjálf,“ segir hann.
„Við sýnum þeim ekki grimmd. Dýr
er alveg fært um að sýna nákvæm-
lega hvað það vill og hvað ekki.“
Talsmenn dýraréttinda fagna tíð-
indunum en segja þó enn mikilvæg-
ara að banna athæfi eins og brenni-
merkingu hrossa og geldingu grísa
án deyfingar. kjon@mbl.is
Vilja banna
kynlíf með
dýrum