Morgunblaðið - 20.12.2012, Blaðsíða 6
6 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2012
ö frandi gjafir
Kringlan 4-12 | s. 577-7040 • loccitane.com
L’Occitane en Provence - Ísland
Raksápa 100 ml - 1.980 kr. • Andlitshreinsir 50 ml - 1.120 kr. •
Eau de Toilette 50 ml - 5.280 kr. • Sturtusápa 150 ml - 1.990 kr.
r
tö frandi gjafir
FRá PROVENCE
VERDON - FYRIR HERRA
7.990kr.
Verð áður:10.3
70
kr
.
GJAFAKASSI
FRÉTTASKÝRING
Hólmfríður Gísladóttir
holmfridur@mbl.is
Guðrún Ebba Ólafsdóttir og biskup
Íslands, Agnes M. Sigurðardóttir,
áttu fund í gær þar sem þær ræddu
m.a. baráttuna gegn hvers kyns of-
beldi og með hvaða hætti kirkjan
gæti lagt sitt af mörkum til þeirrar
baráttu. Í júlí síðastliðnum var und-
irrituð sátt milli Guðrúnar Ebbu og
þjóðkirkjunnar, þar sem segir m.a. að
þjóðkirkjan harmi að ekki hafi verið
rétt staðið að erindi Guðrúnar Ebbu
þegar hún leitaði til kirkjunnar vegna
meintra kynferðisbrota föður hennar,
Ólafs Skúlasonar biskups, og hún
beðin afsökunar. Þá var samþykkt að
þjóðkirkjan greiddi Guðrúnu Ebbu
þrjár milljónir króna til áframhald-
andi baráttu hennar gegn kynferð-
islegri misnotkun.
„Það má segja að þegar skýrsla
rannsóknarnefndar kirkjuþings kom
út í júní 2011 þá staðfesti hún að það
var ekki faglega staðið að málum og
mér fannst mjög mikilvægt að fá yf-
irlýsingu frá kirkjunni þar sem þetta
væri viðurkennt,“ segir Guðrún
Ebba. Samkomulag náðist milli aðila
eftir mikið og langt samtal, segir hún,
og var samþykkt á síðasta kirkjuráðs-
fundinum sem Karl Sigurbjörnsson
biskup stjórnaði.
Í meðferð með áföll á bakinu
Guðrún Ebba segist sátt við þessa
niðurstöðu mála, mistökin hafi verið
viðurkennd og hún beðin afsökunar.
Þá hafi henni þótt mjög mikilvægt að
kirkjan drægi lærdóm af málinu og
endurskoðaði vinnubrögð sín og það
hafi gengið eftir.
„Það var mjög faglega að verki
staðið af hálfu rannsóknarnefnd-
arinnar og hún gerði mjög ákveðnar
tillögur um úrbætur og það hefur ver-
ið lagt til núna að stuðst verði við
þær. Og það er mun opnara sam-
félagið núna innan kirkjunnar,“ segir
hún. Mikilvægt sé að kirkjan haldi
áfram á þessari braut og afli sér fag-
þekkingar þegar þörf þykir.
„Ég hugsaði alltaf að það þyrfti að
koma eitthvað gott út úr þessu og það
hefur gert það svo sannarlega,“ segir
Guðrún Ebba.
Guðrún Ebba segir málið allt hafa
verið erfitt og sársaukafullt, bæði fyr-
ir sig og fyrir kirkjuna, en hún hefur
unnið ötullega að baráttunni gegn
hvers kyns ofbeldi með félagasam-
tökunum Blátt áfram og Drekaslóð,
fræðslu- og þjónustumiðstöð fyrir
þolendur ofbeldis og aðstandendur
þeirra, og Kvenfélagi SÁÁ, sem
stofnað var í haust. Hana dreymir um
að koma á samstarfi milli meðferð-
arstofnana og samtaka á borð við
Drekaslóð og Stígamót, þar sem unn-
ið sé með þeim sem hafa orðið fyrir
hvers konar áföllum.
„Við vitum að gríðarlega margir
sem fara í áfengismeðferð eru með
áföll á bakinu og það er ekki nóg að
taka bara út áfengið og vinna ekki úr
áföllunum. Þannig að við erum að
skoða hvaða leiðir meðferðarstofnanir
hafa til að vera í samstarfi við fagaðila
eins og sálfræðinga og geðlækna og
samtök sem bjóða upp á starf til að
vinna úr afleiðingum ofbeldis,“ segir
Guðrún Ebba. Ekki sé þó alltaf um
kynferðisofbeldi að ræða heldur ann-
ars konar ofbeldi eins og einelti, en
einnig missi. Margir séu auk þess með
fleiri en eitt áfall á bakinu.
Falinn vandi hjá konum
Guðrún Ebba segir að rannasaka
þurfi betur afleiðingar áfalla og sam-
spil þeirra við fíknisjúkdóma til að auka
líkurnar á því að fólk nái bata en ótækt
sé að fólk ljúki meðferð en þurfi svo að
leita á marga staði til að vinna á rót
vandans. Þá segir hún konur enn eiga
erfiðara um vik að leita sér aðstoðar en
karlmenn þegar kemur að áfengisfíkn.
„Það er bara stundum þannig að
menn gleðjast yfir því, nú er ég
kannski að alhæfa, að karlmaður taki á
áfengisneyslu sinni, en hjá konunni er
þetta oftar falin neysla, inni á heimilinu
og oft mikil skömm,“ segir Guðrún
Ebba. Hún segir að einnig þurfi að
beina sjónum að kynferðislegri áreitni
á meðferðarstofnunum. Þess séu því
miður dæmi að einstaklingar verði fyr-
ir áreitni í meðferð.
„Ég hef engar tölur um þetta en
þetta er eitt af því sem við þurfum að
rannsaka betur,“ segir hún. „Það er,
hvernig við getum komið í veg fyrir
slíkt en einnig hvað sé gert ef upp
koma tilfelli einhvers konar áreitni inni
í meðferðinni, til dæmis á milli þeirra
sem eru á jafn viðkvæmum stað í lífinu
og í meðferð. Við þurfum að tala um
það.“
Guðrún Ebba segir að sem betur fer
hafi umræðan um kynferðisofbeldi, og
ofbeldi yfirhöfuð, stóraukist en enn sé
margt sem draga þurfi í dagsljósið.
„Því miður er það þannig með kyn-
ferðisofbeldi að það er í langflestum til-
vikum þannig að gerandi og þolandi
þekkjast og þar sem þetta er í fjöl-
skyldum er þetta ennþá erfiðara og
lokaðra. Og þetta eru brotnar fjöl-
skyldur þótt fólk vilji halda andlitinu og
halda áfram,“ segir hún.
Hefur komið góðu til leiðar
Morgunblaðið/Kristinn
Sátt Guðrún Ebba og Agnes áttu fund í gær og voru sammála um að líta til framtíðar.
Guðrún Ebba Ólafsdóttir fundaði í gær með biskupi Íslands Sátt milli Guðrúnar Ebbu og
þjóðkirkjunnar undirrituð síðasta sumar Þörf á að samþætta meðferðarúrræði og áfallaþjónustu
væru búnir að senda verðskrár, sem
gildi fram í tímann, út um allan heim
og búnir að prenta bæklinga með
verði sem ekki yrði breytt. „Þar er
allt næsta ár undir og sums staðar
fram á árið 2014,“ sagði Erna.
Bílaleigugjöld enn í vinnslu
Stjórnvöld hafa einnig áform um
breytingu á vörugjöldum af innflutt-
um bílaleigubílum til tekjuöflunar.
„Auðvitað er þetta skref í rétta átt,
en við höfum margoft sagt við stjórn-
völd að ef hækka eigi skatta á ferða-
þjónustuna þurfi að gera það með 20
mánaða fyrirvara. Það hefur ekkert
breyst,“ sagði Erna Hauksdóttir,
framkvæmdastjóri Samtaka ferða-
þjónustunnar (SAF).
Sem kunnugt er lagði Katrín Júl-
íusdóttir, fjármála- og efnahagsráð-
herra, fram breytingartillögu á Al-
þingi í fyrradag þess efnis að
fyrirhugaðri hækkun virðisauka-
skatts á útleigu hótel- og gistiher-
bergja úr 7% í 14% verði frestað um
fjóra mánuði. Hækkunin taki gildi 1.
september 2013 í stað 1. maí 2013.
Erna sagði SAF hafa sagt þegar í
ágúst sl., þegar lagt var til að hækka
virðisaukaskatt á gistingu, að það
þyrfti 20 mánaða fyrirvara.
„Við skiljum ekki hvers vegna er
ekki hægt að hafa þennan fyrirvara á
varðandi grein eins og ferðaþjón-
ustuna sem selur vörur og þjónustu
svo langt fram í tímann. Skyndi-
ákvarðanir um skattahækkanir eru
ekki boðlegar,“ sagði Erna.
Hún sagði að þennan fyrirvara
þyrfti til þess að fyrirtækin þyrftu
ekki sjálf að taka á sig skattahækk-
unina. Erlendir ferðaheildsalar
SAF hefur hins vegar lagt fram til-
lögur um innheimtu leyfisgjalds og
ýmis önnur gjöld á bílaleigur sem
nýta sér afslátt af vörugjöldum af
innfluttum bílum.
Erna sagði að enn væri verið að
vinna í þessum tillögum og að þær
væru ekki fullmótaðar. Hún sagði
hugmyndina hafa fengið hljómgrunn
en ítrekaði að málið væri í vinnslu.
gudni@mbl.is
Fyrirvari skattbreytinga
of skammur að mati SAF
Ferðaþjónustan þarf að fá 20 mánaða fyrirvara
Morgunblaðið/Ómar
Gistihús Stjórnvöld leggja til að fresta hækkun virðisaukaskatts á gistingu
um fjóra mánuði. Myndin var tekin á hinu nýja Hótel Marina í Reykjavík.
„Við Guðrún Ebba ræddum um nauðsyn þess að
berjast gegn hvers konar ofbeldi og ég sagði henni
það að kirkjan liði ekki ofbeldi af neinu tagi. Og hún
sagði að hún væri tilbúin til að vinna með kirkjunni
að þeim málum,“ segir Agnes M. Sigurðardóttir,
biskup Íslands, um fund hennar og Guðrúnar Ebbu í
gær.
Agnes segir þær hafa verið sammála um að líta til
framtíðar og læra af fenginni reynslu en þjóðkirkjan
geti tvímælalaust látið til sín taka á sviði fræðslu og
forvarna gegn kynferðislegu ofbeldi.
„Umræða er eitt og svo náttúrlega fræðsla og
bæði að bæta við þekkingu þeirra sem starfa innan kirkjunnar og eins að
vekja almenning til meðvitundar um það sem betur má fara í lífi okkar og
þjóðfélagi,“ segir Agnes.
Kirkjan getur látið til sín taka
SAMMÁLA UM AÐ HORFA TIL FRAMTÍÐAR