Morgunblaðið - 20.12.2012, Side 22
22 FRÉTTIRErlent
MORGUNBLAÐIÐ FIMMTUDAGUR 20. DESEMBER 2012
Maya-indíánar í Mexíkó undirbúa mikil hátíðarhöld
sem verða á morgun í tilefni af því að þá lýkur dagatali
þeirra, svonefndri löngu talningu sem hófst árið 3114
fyrir Krist. Fram hafa komið kenningar um að maya-
indíánar hafi spáð heimsendi á morgun, en sérfræð-
ingar segja þær byggjast á misskilningi. Tímatal maya-
indíána sé endalaust og þegar núverandi dagatali ljúki
hefjist nýtt tímabil.
AFP
Löngu talningu að ljúka
Newtown. AFP. | Lisa Peterson
leitaði huggunar hjá meðferðar-
hundum í bænum Newton í Conn-
ecticut eftir að hún frétti af skot-
árásinni í Sandy Hook-skólanum
þegar tvítugur maður myrti tuttugu
ung börn og sex starfsmenn skólans.
„Ég sá þá og varð bara að koma til
þeirra og faðma þá,“ sagði Peterson
þegar hún strauk Abbie Einstein og
Smartie Jones, tveimur blíðum
hundum sem hafa það markmið í líf-
inu að láta fólki líða betur. „Það er
eitthvað við skilyrðislausa ást hunda
sem er svo endurnærandi. Með
hundi er hún það eina sem skiptir
máli – allt hitt, sem er svo skelfilegt,
verður bara að engu.“
Eigandi hundanna segir þá sér-
þjálfaða í því að veita huggun og að-
stoða við áfallahjálp.
Nær 25.000 hundar hafa verið
skráðir hjá Therapy Dogs Inter-
national, samtökum sem eru með
höfuðstöðvar í Flanders í New Jer-
sey og skipuleggja áfallahjálp með
aðstoð hunda sem „færa gleði og
huggun til þeirra sem eiga um sárt
að binda“.
Tíu hundar komu til Newtown frá
Illinois og Indiana fyrir milligöngu
kristinna hjálparsamtaka, Lutheran
Church Charities, sem hafa skipu-
lagt slíka áfallahjálp í Bandaríkj-
unum með aðstoð „huggunarhunda“
frá árinu 2008.
Hundar hugga
syrgjendur
Sérþjálfaðir í því að hughreysta fólk
AFP
Huggarar Hundarnir Smartie Jones og Abbie Einstein í Newtown.
Ljósmyndavefur-
inn Instagram á
Facebook hefur
neitað því að
friðhelgisskil-
málum hans hafi
verið breytt til að
hann gæti selt
auglýsendum
ljósmyndir sem
þeir setja þar inn. „Það er ekki ætl-
un okkar að selja myndir ykkar,“
sagði talsmaður vefjarins. Hann
viðurkenndi að orðalag skilmál-
anna væri óljóst og því yrði breytt.
FACEBOOK
„Ætlum ekki að
selja myndir ykkar“
Bogi Þór Arason
bogi@mbl.is
Stjórnendur breska ríkisútvarpsins
eru gagnrýndir í nýrri skýrslu um
viðbrögð þeirra við máli sjónvarps-
mannsins Jimmy Savile. Þeir eru þó
hreinsaðir af ásökunum um yfir-
hylmingu.
Nick Pollard, fyrrverandi yfir-
maður Sky News, stjórnaði rann-
sókninni sem var gerð fyrir tilstilli
BBC. Niðurstöður hans urðu til
þess að næstæðsti yfirmaður frétta-
deildar BBC, Stephen Mitchell,
sagði af sér í gær eftir 38 ára störf
fyrir ríkisútvarpið. Ennfremur var
tilkynnt að ritstjóri fréttaskýringar-
þáttarins Newsnight, Peter Rippon,
og aðstoðarritstjóri hans, Liz Gibb-
ons, yrðu færð í önnur störf.
Savile lést 29. október á síðasta
ári, 84 ára að aldri. Eftir andlátið
hóf Newsnight rannsókn á ásökun-
um um að hann hefði gerst sekur
um kynferðisbrot gegn ungum
stúlkum. Sex vikum síðar var rann-
sókninni hætt án þess að fjallað
væri í þættinum um niðurstöður
hennar. Um jólin og áramótin sýndi
BBC síðan sérstaka þætti þar sem
fjallað var með lofsamlegum hætti
um störf Savile.
Mál hans komst í hámæli fyrir
tveimur mánuðum þegar breska
sjónvarpið ITV sýndi þátt þar sem
nokkrar konur sökuðu Savile um
kynferðislega áreitni og nauðganir.
Málið vatt hratt upp á sig og lög-
reglan segir að grunur leiki á að
Jimmy Savile hafi gerst sekur um
alls 199 kynferðisbrot, þar af meira
en 30 nauðganir.
Í rannsóknarskýrslunni segir að
ekki hafi fundist neinar vísbending-
ar um að yfirmenn BBC hafi gerst
sekir um yfirhylmingu eða stöðvað
rannsókn Newsnight vegna þátt-
anna sem sýndir voru um jólin og
áramótin. Yfirstjórn ríkisútvarpsins
er hins vegar gagnrýnd harkalega
og sagt er að allt hafi logað í ill-
deilum innan stofnunarinnar.
„Glundroðinn og ringulreiðin var
jafnvel meiri en talið var á þessum
tíma,“ segir í skýrslunni.
„Sú ákvörðun að hætta uppruna-
legu rannsókninni var ekki rétt og
ranglega var staðið að henni, en ég
tel að þetta hafi verið gert í góðri
trú,“ sagði Pollard. „Þetta var ekki
gert til að verja þættina til heiðurs
Savile eða af einhverjum óviður-
kvæmilegum ástæðum.“
Hörð gagnrýni á
BBC í nýrri skýrslu
Þó ekki sakað um yfirhylmingu í Savile-málinu
AFP
Rannsókn Nick Pollard (t.h.) kynnti
skýrslu um Savile-málið í gær.
Skaðabætur greiddar
» BBC hefur beðið Alistair
McAlpine, fyrrv. gjaldkera
Íhaldsflokksins, afsökunar á
ásökunum sem fram komu í
fréttaskýringarþættinum
Newsnight 2. nóvember.
» McAlpine var ekki nafn-
greindur en sagt var að
„háttsettur íhaldsmaður“
væri sakaður um barnaníð.
Seinna kom í ljós að enginn
fótur var fyrir þessari ásök-
un. BBC hefur greitt Mc-
Alpine bætur að andvirði 38
milljóna króna.
Jólasöfnun Mæðrastyrksnefndar
Reykjavíkur er hafin
Það hefur sýnt sig að á erfiðum tímum stendur
íslenska þjóðin saman og sýnir stuðning,
hver og einn eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
Einnig er opið fyrir síma á skrifstofutíma
s. 551 4349, netfang: maedur@simnet.is
Kimmidoll á Íslandi | Ármúla 38 | Sími 588 5011
Hugljúfar gjafir
Stærðir frá
6 cm – 40 cm
Verð frá 2200,-