Morgunblaðið - 20.12.2012, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2012
Kjartan Kjartansson
kjartan@mbl.is
„Væri ég Íslendingur myndi ég ekki
spyrja hvaða slæmu hlutir gætu gerst
ef við göngum ekki í Evrópusam-
bandið. Ég myndi spyrja öðruvísi og
ekki eins pragmatískt: „Við erum
Evrópuland, við deilum gildum með
öðrum Evrópuríkjum og viljum veg
Evrópu sem mestan. Af hverju leggj-
um við henni ekki lið, höfum áhrif og
tökum þátt?““ svaraði Urmas Paet,
utanríkisráðherra Eistlands, spurn-
ingu á opnum fundi í Þjóðmenning-
arhúsinu í gær. Hann hafði verið
spurður um hvaða gjald Íslendingar
gætu þurft að greiða fyrir að standa
utan við ESB.
Paet er í opinberri heimsókn hér á
landi og hefur fundað með íslenskum
ráðamönnum. Í gær sat hann fyrir
svörum á opnum fundi til að ræða
reynslu Eistlands af verunni í ESB og
þátttöku landsins í evrusamstarfinu.
Eistar hafa átt aðild að sambandinu
frá 2004 og myntbandalaginu frá
2010.
Stuðningurinn jókst
Um 68% Eista samþykktu aðild
landsins að ESB í þjóðaratkvæða-
greiðslu og segir Paet að nokkrar efa-
semdir hafi verið á meðal þjóðarinnar
um inngönguna, sérstaklega hjá fólki
á landsbyggðinni og í landbúnaði.
Eftir inngönguna í sambandið hafi
stuðningurinn hins vegar farið vax-
andi og sé nú einn sá mesti innan
nokkurs ríkis ESB.
„Fólk sá hvað það fól í sér að eiga
aðild að ESB. Mesta breytingin var
hjá þessum hópi, landsbyggðinni og
bændum. Þeir sáu alla kostina með
landbúnaðarstyrkjum og sameigin-
lega markaðinum. Þetta viðhorf
breiddist um allt samfélagið og nú
eru yfir 80% ánægð með aðildina,“
segir ráðherrann.
Verði aldrei aftur einir
Paet var spurður út í það hvort þau
álitamál um sjálfstæði og fullveldi
sem hafa einkennt mjög umræðu á
Íslandi um hugsanlega aðild að ESB
hefðu verið uppi á borðinu í Eistlandi.
Ráðherrann svaraði því til að vissu-
lega væri stærsta málið að halda
sjálfstæðinu. Vísaði hann til fyrrver-
andi sovétlýðvelda sem hefðu verið í
sömu sporum og Eistland árið 1991
þegar það öðlaðist sjálfstæði. Sum
þeirra ríkja séu enn undir áhrifum
Rússa. Fyrir Eista hafi það hins vegar
verið mikilvægt að vera aldrei aftur
einir á báti eins og þegar þeir lentu
undir yfirráðum Sovétríkjanna. „Það
getum við nú gert með löndum sem
deila grundvallargildum okkar. Hvað
gæti verið betra?“
Eistar hafi afsalað sér ákvörðunar-
rétti í einhverjum málum en í staðinn
fái landið í fyrsta skipti í sögunni að
taka ákvarðanir um mál sem varði
Evrópu og heiminn allan. „ESB bygg-
ist á sátt. Ákvarðanir eru ekki teknar
nema með vilja allra aðildarríkjanna.
Með tilliti til stærðar okkar og sögu þá
fáum við því miklu meira til baka,“
segir Paet.
Evran skynsamleg ákvörðun
Eistland er nýjasta ríkið í evrópska
myntbandalaginu. Þrátt fyrir þá erf-
iðleika sem hafa steðjað að evrusvæð-
inu undanfarin ár telur Paet það hafa
verið skynsamlega ákvörðun að taka
upp evruna.
Áður var gjaldmiðill landsins
tengdur gengi evrunnar og þýska
marksins þar áður. Myntin var smá og
sífellt hafi verið vangaveltur um hvort
gengið yrði fellt. Þær vangaveltur hafi
horfið með tilkomu evrunnar. Stóru
mistökin við evruna að mati Paets
voru þó þau að ekki hafi verið settar
reglur um fjármál ríkjanna og hvað
eigi að gera við þau ríki sem ekki
standast skilyrði bandalagsins.
„Núna er ég nokkuð viss um að
evrusvæðið og Evrópa komist ágæt-
lega út úr kreppunni,“ segir hann.
„Af hverju ekki að taka þátt?“
Morgunblaðið/Árni Sæberg
Samræður Urmas Paet í ræðupúlti í Þjóðmenningarhúsinu. Með honum í pallborði voru meðal annars Össur
Skarphéðinsson utanríkisráðherra, forsvarsmenn ASÍ og SA auk Gylfa Magnússonar, dósents í hagfræði.
 Utanríkisráðherra Eistlands ræddi um reynslu landsins af Evrópusambandinu og evrusamstarfinu
 Mestu efasemdirnar innan landbúnaðar og landsbyggðar en það breyttist eftir að aðild var samþykkt
„Ég tel að borgarfulltrúar Samfylk-
ingar og Besta flokksins hafi tekið
meðvitaða ákvörðun um að kynna
sér ekki mikilvæg gögn um afhend-
ingaröryggi á heitu vatni í vestur-
hluta borgarinnar þegar tekin var
ákvörðun í borgarstjórn að heimila
kaup á Perlunni og gerð leigusamn-
ings um einn af hitaveitutönkunum
undir henni,“ segir Kjartan Magn-
ússon, borgarfulltrúi Sjálfstæðis-
flokksins. Kjartan sem einnig situr í
stjórn Orkuveitunnar, segir mikil-
vægar upplýsingar að finna í minn-
isblaði sem kynnt var á stjórnarfundi
OR en trúnaður ríkir yfir.
„Ég hef ítrekað óskað eftir því við
forstjóra og stjórnarformenn Orku-
veitunnar og í borgarstjórn að trún-
aði verði aflétt af minnisblaðinu með
vísan til þess að í því er að finna mik-
ilvægar upplýsingar um ríka al-
mannahagsmun, en verið hafnað.“
Mögulega brotið
á meginnreglu
Á fundi borgarstjórnar um málið
fóru Kjartan og Sóley Tómasdóttir,
borgarfulltrúi Vinstri grænna, fram
á að ákvörðun um málið yrði frestað
þar sem ónógar upplýsingar lægju
fyrir. Bæði telja þau vinnubrögð
meirihlutans dæmi um óvandaða
stjórnsýslu. „Þó að stjórnsýslulögin
eigi ekki við í þessu tilviki þá er það
ein af grunnreglum stjórnsýslunnar
að ákvarðanir eiga að byggjast á sem
bestum upplýsingum, segir Trausti
Fannar Valsson, lektor í lögfræði við
Háskóla Íslands. Þá bendir Trausti á
að samkvæmt sveitarstjórnarlögum
skuli fundarboði fylgja m.a. gögn
sem nauðsynleg eru til að sveitar-
stjórnarmenn geti tekið upplýsta af-
stöðu til mála.
„Mat á því hvort um brot á þessum
reglum sé að ræða núna er hins veg-
ar ekki hægt að framkvæma án þess
að þekkja gögnin,“ segir Trausti sem
telur ábyrgðina fyrst og fremst póli-
tíska í þessu máli.
vilhjalmur@mbl.is
Gögn vegna Perl-
unnar ekki kynnt
 Afhendingaröryggi mögulega ógnað
Morgunblaðið/Árni Sæberg
Skipholti 3 - Sími: 552 0775 - www.erna.is
GULL- OG SILFURSMIÐJA
Hannað af Ríkarði Jónssyni
og Karli Guðmundssyni
myndskera frá
Þinganesi.
Verð108.000.-
Njáluarmbandið
Brokkolítöflurnar - Cognicore® Daily
Fékk gömlu góðu
orkuna til baka !
Auk þess sléttari
húð og nýtt
glansandi heilbrigt
hár í kaupbæti.
Ég byrjaði að taka brokkolitöflurnar Cognicore efir að hafa séð vin minn sem hafði alltaf verið orkulaus og
þreyttur taka ótrúlegum breytingum eftir að hann fór að taka töflurnar. Sjálf er ég alsæl því ég fékk gömlu
góðu orkuna mína til baka. Ekki bara það, heldur hrökk meltingin hjá mér líka í lag eftir rúman mánuð og nú
fæ ég varla kvef og pestir.
Betra útlit !
Það er klárt mál að brokkolítöflurnar vinna gegn öldrunaráhrifum því fínu andlitshrukkurnar sem koma jú bara,
eru ekki nærri eins sýnilegar og áður. Húðin er sléttari, ásýndin afslappaðri og mér finnst ég líta betur út. Eins
er það með hárið sem alltaf var svo líflaust og þreytt - halló.... það er allt í einu orðið glansandi og vex meira
nú en fyrir 20 árum.
Það eru forréttindi að hafa kynnst brokkolí áhrifunum !
Hrafnhildur Hákonar
53 ára
Brokkolítöflurnar Cognicore fást í helstu
apótekum og heilsubúðum
www.brokkoli.is
Náttúrulegt fagnaðarefni fyrir frumurnar!