Morgunblaðið - 20.12.2012, Blaðsíða 38

38 DÆGRADVÖL
MORGUNBLAÐIÐ FIMMTUDAGUR 20. DESEMBER 2012
Stjörnuspá
21. mars - 19. apríl 
Hrútur Í dag er gott að kaupa hluti fyrir
heimilið eða fjölskylduna. Ef eldurinn er ekki
stöðugt mataður á fóðri kólnar hann.
20. apríl - 20. maí 
Naut Það er ekkert að því að vilja vita
hvers vegna fór sem fór. Komdu fólki á
óvart, hristu upp í hlutunum, það er svo
skemmtilegt.
21. maí - 20. júní 
Tvíburar Hagaðu orðum þínum svo að þú
þurfir ekki að sjá eftir neinu, hvað sem ger-
ist. Einhver er önugur og afundinn, þú skilur
ekkert í því. Horfðu í hina áttina um stund,
þetta gengur yfir.
21. júní - 22. júlí 
Krabbi Nú er komið að því að fjárfesta í
sjálfum sér. Reyndu að finna ástinni farveg
og leggðu þig svo alla/n fram; sjálfum þér
og öðrum til ánægju.
23. júlí - 22. ágúst 
Ljón Nú er upplagt að framkvæma það sem
þig hefur lengi langað til, slappa af. Sam-
skiptahæfni þín er mikil og því er lítil hætta
á að þú troðir öðrum um tær.
23. ágúst - 22. sept. 
Meyja Allir fullorðnir eru eins og viðkvæmir
og hræddir sjö ára krakkar innra með sér.
Hlustaðu á það sem fólk hefur að segja en
bíddu með framkvæmdir til morguns.
23. sept. - 22. okt. 
Vog Það freistar þín mjög að reyna eitthvað
nýtt svo þú skalt fyrir alla muni láta það
eftir þér. Taktu verklag þitt til endurskoð-
unar og gerðu þær breytingar sem til þarf.
23. okt. - 21. nóv.
Sporðdreki Upplýsingar sem þú færð
breyta öllu. Efnisleg gæði eru líka nauðsyn-
leg svo gefðu þér tíma til að afla þeirra.
22. nóv. - 21. des.

Bogmaður Sjáðu fyrir þér að þú hafir náð
takmarki þínu. Gefðu þér nægan tíma til
þess að sinna þér annars hefurðu ekkert að
gefa.
22. des. - 19. janúar 
Steingeit Greiðvikni sem þú hefur sýnt
öðrum í fortíðinni, kemur þér til góða núna.
Prakkararnir í lífi þínu forða þér frá leið-
indum.
20. jan. - 18. febr. 
Vatnsberi Þú ættir að gæta þess að
treysta á félaga og samvinnu þessa daga.
Meðtaktu áhugaverðan miðpunkt í verkefni
sem þú ert að vinna að og gerðu hann að
þínum.
19. feb. - 20. mars

Fiskar Láttu ekkert koma þér á óvart í dag.
Ef þú tekur þig of hátíðlega, er hætta á að
of mörg ábyrgðarhlutverk hlaðist á þig og
engan annan.
Bjarki M. Karlsson yrkir „einnafar sorglegan flokk“ um það
grátlega kynjanna misrétti sem
forðum daga tíðkaðist og þekkist
því miður enn:
Amma skildi að skyldan bauð
að skúraði hún og þvægi
en afi minn fór á honum Rauð
eitthvað suður á bæi.
Amma stóð og bjó til brauð
svo bjarga mætti hagi
en afi minn fór á honum Rauð
eitthvað suður á bæi.
Börnin oní amma sauð
oft var tómur magi
en afi minn fór á honum Rauð
eitthvað suður á bæi.
Ávallt sinnti, aldrei trauð,
amma vinnu og stagi
en afi minn fór á honum Rauð
eitthvað suður á bæi.
Ömmu kvaldi alls kyns nauð
af ýmsu vondu slagi
en afi minn fór á honum Rauð
eitthvað suður á bæi.
Löngum skilst mér lítinn auð
að launum amma þægi
er afi minn fór á honum Rauð
eitthvað suður á bæi.
Svo var amma alltaf snauð
að við lá hún dæi
en afi minn fór á honum Rauð
eitthvað suður á bæi.
Niður amma datt loks dauð
dó af starfsálagi
en afi minn fór á honum Rauð
eitthvað suður á bæi.
Helgi Björnsson smitaðist af
áhuganum á afa og ömmu og bætti
við:
Maðurinn var mesta gauð
svo mörgum fannst í lagi
að afi færi á honum Rauð
eitthvað suður á bæi
En Vigfús Vigfússon yrkir svolít-
ið andóf við ofangreint:
Með ógn í fasi amma bauð:
„Eitthvert suður á bæi,
sæktu gamli sykur og brauð,
sitt af hvoru tagi.“
Og kúvent:
Löngum afi landann sauð,
lap og hélt ei þvagi.
Þá flýði amma á honum Rauð
eitthvað suður á bæi.
Pétur Blöndal
pebl@mbl.is
Vísnahorn
Af ömmu og afa
sem fór á honum Rauð
Í klípu
„JÚ, ÉG HEYRI ÁGÆTLEGA Í ÞÉR. BARA
EINS OG ÞÚ SÉRT Í NÆSTA HERBERGI.“
eftir Mike Baldwin eftir Jim Unger
„ÞÚ VERÐUR AÐ SETJAST Í SÆTIÐ ÞITT
HERRA, VIÐ ERUM AÐ HEFJA AÐFLUG OG
ÞÁ ÞARF FLUGSTJÓRINN AÐ VERA MEÐ.“
Hermann
Ferdinand
Hrólfur hræðilegi
Grettir
... að hafa allt sem
maður gæti óskað sér.
HÉR ER
KVÖLD-
MATURINN.
FRÁBÆRT!
VILTU
GERA
MÉR EINN
GREIÐA?
JÁ JÁ,
HVAÐ?
REYNDU AÐ KLÁRA ÞETTA EKKI
ÁÐUR EN ÉG KEM MEÐ DISK
HANDA MÉR!
ODDI, VILTU VITA
HVAÐ GRETTIR FÆR Í
JÓLAGJÖF?
HVÍSL
HVÍSL
HVÍSL
SKRÖLT
SKRÖLT
Víkverji ber ekkert skynbragð áhvað veldur vinsældum. Ætti að
nota smekk hans sem mælikvarða á
tónlist myndi hann sennilega nýtast
best við að komast að því hvað úti-
lokað sé að slái í gegn. Víkverji er
líklegri til að hitta á vinningslagið í
Evróvisjón með bundið fyrir eyrun,
en fái hann að hafa þau opin. Vík-
verji hefði til dæmis aldrei spáð því
að suðurkóreski popparinn Psy
myndi leggja heimsbyggðina að fót-
um sér með laginu Gangnam Style
og meðfylgjandi knapadansi, sem
fer sem logi um akur. Hátt í millj-
arður manna hefur nú skoðað upp-
runalega myndbandið, sem Psy
gerði við lagið, á samskiptavefnum
YouTube. Myndbandið hafði þegar
Víkverji gáði síðast verið skoðað
971,5 milljón sinnum. Þá er rétt að
taka fram að myndbandið er einnig
að finna á ýmsum vefjum öðrum,
þannig að líklega hefur það verið
skoðað mun oftar á netinu.
x x x
Vefir á borð við YouTube hafa los-að verulega um tök tónlistariðn-
aðarins á heimi slagarans, sem oftar
en ekki virðist bjóða flatneskjunni
heim. Þar geta undarlegustu hlutir
náð flugi, þótt auðvitað sé það til-
viljunum háð hvaða efni nær aðeins
til nánustu vina og kunningja og
hvað kemst út fyrir hinn þrönga
hóp og nær almennum vinsældum.
Þá gerir Víkverji sér enga grein
fyrir því hvaða þýðingu það hefur
fyrir þá, sem gerðu efnið, að það
njóti vinsælda á YouTube, en er
þess fullviss að þeir, sem eiga vef-
inn, kunna að gera sér slíkt að fé-
þúfu með því að selja auglýsingar út
á alla smellina.
x x x
Annars er netið ólíkindatól,heillandi og fráhrindandi, þar
sem allt er í einni bendu, helstu
sigrar mannsandans og dreggjar
mannlífsins, leiftrandi hugsanir og
argasti óhróður, innblástur og vilpa.
Víkverji man hins vegar netlausa tíð
þegar það gat kostað ómælda vinnu
og tíma að nálgast einföldustu upp-
lýsingar, sem nú tekur nokkrar sek-
úndur við lyklaborðið að dýrka
fram, og er ekki til í að hverfa aftur
til þeirra tíma. víkverji@mbl.is
Víkverji
Kenn mér, Drottinn, veg laga þinna
og ég mun fylgja honum allt til enda.
(Sálmarnir 119:33)