Morgunblaðið - 31.12.2012, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ MÁNUDAGUR 31. DESEMBER 2012
Gylfaflöt 16-18 •112 Reykjavik • Sími 553 5200 • solo.is
Íslensk hönnun og framleiðsla
www.facebook.com/solohusgogn
Kæru landsmenn!
Óskum ykkur gleðilegra hátíðar
og farsældar á komandi ári
Ásgeir Ingvarsson
ai@mbl.is
Blikur virðast vera á lofti í efnahags-
lífi Egyptalands en seðlabankinn þar
í landi hefur nýlokið uppboði á 74,9
milljónum dollara úr varaforða bank-
ans.
Seldi bankinn dollarana á genginu
6,2425 á móti egypska pundinu. Á
föstudag hafði egypska pundið veikst
um 1,8% úr 6,1858 niður í 6,3041
gagnvart dollarnum.
Fréttastofa Bloomberg segir upp-
boðið hafa verið hugsað til að stemma
stigu við ört minnkandi gjaldeyris-
forða Egyptalands. Var forðinn kom-
inn niður fyrir jafnvirði 15 milljarða
dala, sem dugar fyrir innflutnings-
þörf þriggja mánaða og þykir hættu-
lega lítill forði að mati stjórnvalda.
Segir Bloomberg jafnframt að
uppboðinu hafi verið ætlað að koma í
veg fyrir að fjárfestar veðji með því á
að egypsk stjórnvöld gengisfelli
pundið.
Haldið fast í gjaldeyrinn
Á laugardag beindi seðlabankinn
þeim tilmælum til Egypta að fara
sparlega með erlendan gjaldeyri og
styðja innlenda framleiðslu.
Egypska pundið var bundið við
bandaríkjadollar til ársins 2003 þeg-
ar gjaldmiðillinn var settur á hand-
stýrt flotgengi. Egyptar eru mjög
háðir ýmsum innflutningi og er þjóð-
in t.d. stærsti innflytjandi heims á
hveiti.
Nýkjörinn forsætisráðherra lands-
ins, Hesham Qandil, mun í janúar
halda áfram viðræðum við Alþjóða-
gjaldeyrissjóðinn um fyrirhugað lán
að andvirði 4,8 milljarða dala. Eru
vonir bundnar við að lánið muni
hjálpa til við að örva efnahag Egypta-
lands sem ekki hefur verið með
sterkasta móti síðan Hosni Mubarak
var komið frá völdum. Fjárhagsleg
aðstoð og lán frá Alþjóðabankanum,
Evrópusambandinu og Þróunar-
banka Afríku eru í bið þangað til
lending næst í viðræðunum við AGS.
Á fjárhagsárinu sem endaði í júní
óx efnahagur Egyptalands um 2,2%
samanborið við 5% vöxt árið fram að
uppreisninni sem kom Mubarak frá
völdum. Egyptaland fellur nú í sama
rusl-lánshæfisflokk og Grikkland og
Pakistan.
AFP
Sveiflur Egypska pundið er á handstýrðu flotgengi. Er hætta talin á að fjárfestar veðji gegn gjaldmiðlinum sem
myndi auka enn frekar á efnahagsvanda landsins. Myndin er tekin á hlutabréfamarkaðinum í Kairó í nóvemberlok.
Gjaldeyriskreppa í upp-
siglingu í Egyptaland
 Egypski seðlabankinn selur dollara og hvetur almenning til að fara sparlega
með gjaldeyri  Beðið eftir niðurstöðu samninga við AGS um stórt lán
Bandaríski bílarisinn Ford Motor
Co seldi 7% fleiri bíla á þessu ári
en því síðasta, samtals um 2,2
milljónir farartækja. Kom þetta
fram í tilkynningu sem Ford sendi
frá sér á laugardag. Er þetta ann-
að árið í röð sem Ford nær að
rjúfa tveggja milljóna bíla múrinn.
Þrátt fyrir að salan vestanhafs
hafi aukist milli ára er aukningin
minni en heildarvöxtur í bílasölu á
árinu, sem stefnir í að verða 13%.
Verður árið 2012 það þriðja í röð-
inni sem bílasala í Bandaríkjunum
eykst um tveggja stafa prósentu-
tölu, að því er segir í frétt Reut-
ers.
Fyrr á árinu gaf Ford til kynna
að vænta mætti þess að fyrirtækið
myndi missa markaðshlutdeild,
bæði þar sem framleiðslugeta
Ford geti ekki haldið í við mikla
eftirspurn á markaðinum og einnig
vegna minnkandi áhuga neytenda
á pallbílum sem hafa verið mikil-
vægur hluti af framleiðslu Ford.
ai@mbl.is
AFP
Afköst Starfsmenn koma rafhlöðu
fyrir í rafbíl í verksmiðju Ford í
Michigan. Salan hjá Ford hefur ver-
ið góð en fyrirtækið misst hlutdeild.
Markaðs-
hlutur
Ford fer
minnkandi
 Seldu 2,2 milljónir
bíla í BNA en halda
ekki í við ört vax-
andi markað
Óróleiki hefur verið meðal inn- og út-
flytjenda vestanhafs síðustu vikurnar
vegna yfirvofandi verkfalls hafnar-
verkamanna vítt og breitt um austur-
strönd Bandaríkjanna.
Nú virðist þó hægt að anda léttar
því útlit er fyrir að samkomulag sé að
nást milli verkamanna, flutninga-
fyrirtækja og hafnarstjórnenda.
Í tilkynningu sem ríkissáttasemj-
ari Bandaríkjanna sendi frá sér á
föstudag segir að sátt hafi náðst um
30 daga frestun á verkfalli sem hefði
annars hafist á sunnudag. Ef komið
hefði til verkfallsins hefði það getað
lokað mörgum lykilhöfnum Banda-
ríkjanna, s.s. í Boston, New York og
New Jersey.
Fresturinn nær til 28. janúar og á
þá samningaviðræðum að vera lokið
að fullu.
Átti að vernda starfsmenn
gegn gámavæðingu
Deilt er um fyrirhugað þak á
greiðslur til hafnarverkamanna sem
byggjast á þyngd farmsins sem ferj-
aður er með gámum um hafnar-
svæðið. Í drögum að nýjum samningi
hefur fyrirhugað þak verið fellt burt
að sögn talsmanns verkamanna.
Að sögn fréttastofu NBC er um að
ræða greiðslur sem kynntar voru til
sögunnar árið 1960 til að hindra að
hafnarverkamenn myndu bera
skarðan hlut frá borði með vaxandi
gámaflutningum. Síðan þá hefur það
vörumagn sem fer um hafnir á
austurströndinni margfaldast og var
t.d. 50 milljón tonn árið 1996 en 110
milljón tonn árið 2011.
Jafngildir þyngdargreiðslan um
15.500 dölum að meðaltali á hvern
hafnarstarfsmann eða tæpum tveim-
ur milljónum króna á gengi dagsins í
dag. ai@mbl.is
Verkfalli hafnarverkamanna afstýrt
 Hart deilt í Bandaríkjunum um þyngdar-
greiðslur frá árinu 1960  Þyngdarálagið
nemur að jafnaði tæpum tveimur milljónum
króna á hvern hafnarstarfsmann
AFP
Farmur Vöruhöfnin í Miami, Flórída. Ef komið hefði til verkfalls hefði það
raskað mjög allri framleiðslu og verslun, sérstaklega á austurströndinni.
- með morgunkaffinu