Morgunblaðið - 12.01.2013, Blaðsíða 19

FRÉTTIR 19Innlent
MORGUNBLAÐIÐ LAUGARDAGUR 12. JANÚAR 2013
Verkfræðingurinn, fyrrve-randihandboltakempan ogformaður HSÍ, Jón Hjaltalín
Magnússon hefur á þriðja ár notað
„Unloader One“ hnéspelkuna frá
Össuri og ber henni vel söguna.
„Ég var með slit í liðþófum í
hnjánum og fór í aðgerð þar sem
það var hreinsað. Við nánari
athugun kom í ljós ári síðar að
ég var kominn með bein í bein í
hægra hnénu,“ segir Jón Hjaltalín
Magnússon, verkfræðingur sem
á þriðja ár hefur notað hnéspelku
frá stoðtækjafyrirtækinu Össur,
en spelkan „Unloader One“ ber
nafn með rentu þar sem hún léttir
álagið á hnjám. „Sökum ástandsins
í hægra hnénu fór ég að hlífa þeim
fæti og þá jókst álagið á vöðvana í
lærinu vinstra megin sem varð til
þess að ég átti erfitt með gang,“
útskýrir Jón. „En þar sem ég var
ekki með neina verki í hnénu taldi
læknirinn ekki nauðsynlegt að
skipta um hnjálið heldur benti hann
mér á þessa spelku sem er í raun
aukahnjáliður yfir hnéð og virkar
eins og hálfgerður dempari á bíl.“
„Spelkuna nota ég á hægra hnéð,
ég verð mun stöðugri og finn ekkert
fyrir þessu. Svo er það kostur að
spelkan sést heldur ekki innan
buxnaskálmar og það tekur bara
nokkrar sekúndur að smella henni á
sig,“ segir Jón.
„Unloader One“ hnéspelkan
veitir hnjáliðnum stuðning og
minnkar verki og gerir notendum
kleift að ganga með hana allan
daginn. Í Unloader One spelkunni
eru læsingar fyrir ofan og neðan
hnéð, utanáliggjandi málmliður
þar sem hnéð er og tveir borðar
milli læsinganna sem styðja við
hreyfingu hnésins og létta álagi
af slitnum liðflötum. Spelkan
auðveldar þannig fólki með
slitin hnjálið að stíga í fótinn og
styður vel við hreyfingar hans.
Borðarnir aðlagast hreyfingu
hnésins sem gerir það að verkum
að álagið flyst af slitna liðfletinum
yfir á heila liðflötinn. Notendur
spelkunnar svitna síður þar sem
hluti spelkunnar sem liggur næst
húðinni er gatað silíkon sem hleypir
lofti í gegn og gerir húðinni kleift að
anda vel. Unloader One spelkan er
árangur margra ára rannsóknar- og
þróunarvinnu Össurar.
„Ég nota spelkuna daglega
og þá sérstaklega þegar ég fer í
göngutúra,“ segir Jón en göngutúrar
eru ein helsta heilsubót hans nú í
dag, 30 árum eftir að hann lagði
handboltaskóna á hilluna. Jón var
einmitt í landsliðshópnum sem tók
þátt í Ólympíuleikunum í München
árið 1972 og markhæstur íslensku
leikmannanna. „Það var fyrir 40
árum og 40 kílóum síðan,“ segir
Jón og hlær við. „En ég ætla ekki að
kenna handboltanum um meiðslin,
ég hef einfaldlega ekki passað mig
með þyngdina eftir að ferlinum
lauk en er að taka mig á í þeim
efnum til að minnka álagið á hnén,“
segir Jón. Hann segir ánægjuna
í göngutúrunum hafa aukist þar
sem spelkan góða létti verulega á
álaginu. „Ég mæli með spelkunni
fyrir alla þá sem eru með sömu
vandamál og ég í hnjám og ekki
mikla verki. Þeir ættu endilega að
skoða þennan valmöguleika því
spelkan getur frestað eða komið í
veg fyrir aðgerð,“ bætir Jón við.
Jón segist að sjálfsögðu ætla að
fylgjast með „strákunum okkar“
á HM á Spáni nú í janúar. „Ég
hef mikla trúa á þessu liði og er
viss um að þeir muni ná verulega
góðum árangri. Sérstaklega ef þeir
spila eins og í fyrri hálfleik á móti
Svíum í vikunni, með sömu vörn og
markvörslu,“ segir Jón sem vonar
að enginn núverandi landsliðmaður
þurfi að glíma við álagsmeiðsl í
framtíðinni. „En það eru örugglega
einhverjir af gömlu strákunum
okkar sem þurfi að fá sér spelkuna.
Það eru nokkuð margir þeirra búnir
að fá varastykki og þess vegna
skora ég á þá sem ekki hafa farið
í hnjáaðgerð, eins og alla aðra
íþróttamenn, að skoða þennan
valmöguleika. Fólk á að drífa sig
til læknis, sjúkraþjálfara eða hafa
beint samband við Össur,“ segir Jón
að lokum.
Össur hf.
www.ossur.is
sími: 425-3400
Spelka í stað hnéaðgerðar
Auglýsing
Jón Hjaltalín Magnússon hefur á þriðja ár notað „Unloader One“ hnéspelkuna frá Össuri
„Unloader One“ hnéspelkan veitir
hnjáliðnum stuðning og minnkar verki
Kjartan Kjartansson
kjartan@mbl.is
„Fram til þessa höfum við ekki séð
fólk koma í afgerandi mæli frá
ákveðnu ríki fyrr en á síðasta ári,“
segir Kristín Völundardóttir, for-
stjóri Útlendingastofnunar.
Flestir þeirra sem leituðu hælis á
Íslandi árið 2012 voru frá Nígeríu
eða 17. Þar á eftir voru Albanar, og
Íranar eða ellefu frá hvoru ríki. Hæl-
isleitendum fjölgað um helming á
milli ára í fyrra og voru þeir alls 121.
Þá hefur kostnaður vegna umönn-
unnar þeirra meira en tvöfaldast.
Kristín segist ekki hafa skýringu á
hvers vegna hælisleitendum hafi
fjölgað svo mjög né hvers vegna fólk
af ákveðnu þjóðerni komi nú frekar
hingað. „Það er ákveðið aðdráttarafl
þegar fólk veit af því að fólk af sama
þjóðerni er til staðar í ákveðnum
löndum. Það er möguleiki að eitt-
hvað slíkt hafi gerst hér, að einhver
bendi fólki á að koma hingað.“
Mikil fjölgun síðustu ár
Talsverð fjölgun hælisleitenda átti
sér einnig stað á milli áranna 2010 og
2011. Til þess að bregðast við þeim
fjölda mála sem hafði hrannast upp í
kjölfarið fékk Útlendingastofnun
aukafjárveitingu frá ríkinu í septem-
ber á síðasta ári. Þá gat stofnunin
ráðið tvo lögfræðinga til starfa til
viðbótar. Kristín segir það hins veg-
ar ekki hrökkva til og ef að líkum láti
þurfi stofnunin á fjórum til sex lög-
fræðingum til viðbótar að halda til
þess að ná tökum á þeim fjölda mála
sem hún glímir við.
Ekki var upprunalega gert ráð
fyrir aukaframlaginu áfram á fjár-
lögum þessa árs og segir Kristín að
það hafi ekki fengist inn fyrr en í
annarri umræðu. Í forsendum þess
hafi verið gert ráð fyrir óbreyttum
fjölda umsókna.
Kristín segir hins vegar að hæl-
isleitendum eigi enn eftir að fjölga.
Sé miðað við fjölda hælisleitenda á
íbúafjölda á Norðurlöndum og Evr-
ópu ættu um 300 manns að leita hæl-
is á Íslandi á ári. „Við eigum eftir að
ná toppnum til þess að vera í sam-
ræmi við þessi lönd,“ segir hún.
Á síðasta ári fengu 16 hælisleit-
endur stöðu flóttamanns hér á landi.
Af þeim voru 11 vegna sameininga
fjölskyldna flóttamanna. Þess ber að
geta að tölurnar ná til ákvarðana
sem teknar voru á árinu 2012 en þær
geta varðað umsóknir sem bárust ár-
ið áður eða jafnvel fyrr.
Telur að hælisleitend-
um eigi eftir að fjölga
 Fjölmennasti
hópurinn í fyrra
var frá Nígeríu
Mikil fjölgun
» Hælisleitendur voru 121 á Ís-
landi á síðasta ári. Það er um
helmingi fleiri en árið 2011
þegar þeir voru 81.
» Kostnaðurinn við umönnun
hælisleitenda hefur að sama
skapi aukist um 112% á milli
áranna 2011 og 2012.
Útlendingastofnun Forstjóri stofnunarinnar segir að ef að líkum láti þurfi
stofnunin á fjórum til sex lögfræðingum til viðbótar að halda til þess að ná
tökum á þeim fjölda mála sem hún glímir við.
Morgunblaðið/Kristinn
Einar Ólason ljósmyndari opnar
fyrstu einkasýningu sína í Ráðhúsi
Reykjavíkur í dag. Sýningin nefnist
Eldur-Ís og sýnir þrjátíu myndir
sem Einar hefur tekið á háhita- og
jarðvarmasvæðum á Íslandi síðustu
fjögur árin.
„Með þessum verkum túlka ég þá
sýn sem ég hef á náttúruna á háhita-
og jarðvarmasvæðum á Íslandi, í
gegnum myndavélina mína og aug-
að mitt. Þetta eru myndir af smáat-
riðum í náttúrunni sem venjulegt
fólk er ekki að pæla mikið í. Þetta
eru nánast macro-myndir en út frá
listfræðilegu sjónarhorni og hvernig
ég túlka þessi svæði,“ segir Einar.
Slík myndataka krefst þess að vera í
mikilli nálægð við viðfangsefnið og
segir Einar sposkur að hann sé bú-
inn að skríða um landið í fjögur ár.
„Ég hef verið mikið aðhlátursefni
útlendinga víða um landið, liggjandi
á jörðinni með myndavélina mína.
Þetta hefur líka kostað margar
slitnar gallabuxur.“
Myndirnar eru teknar allan ársins
hring og víða um landið en þó aðal-
lega á Snæfellsnesi, í Hveragerði, á
Norðausturlandi og á Reykjanesi.
Einar starfaði sem blaðaljósmynd-
ari í 30 ár og tók þá oft þátt í sam-
sýningum en Eldur-ís er hans fyrsta
einkasýning. „Eftir áratuga langt
starf við ljósmyndun ákvað ég að
halda mína fyrstu sjálfstæðu ljós-
myndasýningu. Þetta er draumur
sem ég hef átt lengi og lét verða að
veruleika,“ segir Einar.
Sýningin verður opnuð í Tjarnar-
sal Ráðhússins í dag kl. 15.
ingveldur@mbl.is
Morgunblaðið/Golli
Myndir Einar Ólason setur upp ljósmyndasýningu í Ráðhúsi Reykjavíkur.
Myndir í mikilli ná-
lægð við náttúruna
 Einar Ólason með ljósmyndasýningu