Morgunblaðið - 26.02.2013, Side 16

BAKSVIÐ
Skúli Hansen
skulih@mbl.is
Þónokkrar breytingatillögur eru
lagðar fram í minnisblaði frá nefnda-
sviði Alþingis um viðbrögð við drög-
um að áliti Feneyjanefndarinnar á
stjórnarskrárfrumvarpinu. Í minnis-
blaðinu er fjallað um atriði úr bráða-
birgðaáliti nefndarinnar er snúa að
stofnanaskipan, tilhögun beins lýð-
ræðis, dómsvaldi, utanríkismálum og
forgangi laga.
Á meðal þeirra ábendinga Fen-
eyjanefndarinnar sem nefndasviðið
bregst við er ábending um að endur-
skoða þurfi 1. mgr. 50. gr. frum-
varpsins en þar er kveðið á um hags-
munaskráningu og hæfi þingmanna.
Að mati nefndarinnar þarf bæði að
endurskoða og skýra ákvæðið en
nefndin bendir á að ákvæðið sé mjög
óvenjulegt og að það geti boðið heim
endalausum ágreiningi áður en
mikilvæg lagafrumvörp eru tekin til
umræðu á þinginu. Í minnisblaðinu
segir að til að koma til móts við þessa
ábendingu sé nauðsynlegt að skil-
greina þau sjónarmið sem liggja eigi
til grundvallar almennum reglum
um sérstakt hæfi alþingismanna svo
hægt sé að útfæra regluna með al-
mennum lögum. Þar segir einnig að
nauðsynlegt sé að kveða á um hver
sjái um að skera úr um það ef upp
koma álitamál um hæfi þingmanns.
Þá segir í viðbótarábendingu frá
nefndarritara að eðlilegt væri að
gefa vísbendingu um það í greinar-
gerð frumvarpsins hvort þingmaður
sem skv. reglunum sé vanhæfur geti
tekið inn varamann eða hvort flokk-
ur hans geti tekið inn varamann svo
að valdajafnvægi á Alþingi haldist
óbreytt þannig að ákvarðanir þess
endurspegli vilja þjóðarinnar.
Áhyggjur af þröskuldabanni
Feneyjanefndin bendir á að svo
virðist sem 39. gr. frumvarpsins
banni hvers konar þröskuld fyrir
þingmennsku og hefur hún áhyggjur
af því. Telur hún að þó svo að þessi
aðferð virðist lýðræðisleg þá auki
hún hættuna á veiku og sundurleitu
þingi þar sem þingmenn séu kosnir
til að verja sérstaka hagsmuni. Í
minnisblaðinu er bent á að taka þurfi
ákvörðun um hvort vilji sé til að hafa
svona þröskuld og þá einnig hvort
setja eigi hann inn í sjálft ákvæðið
eða heimila löggjafanum að gera það.
Þá bregst nefndasviðið jafnframt
við ábendingu nefndarinnar um að
tillögur um kosningakerfi séu mjög
flóknar og með ýmiss konar óvissu-
atriðum sem erfitt sé að reiða hendur
á. „Unnt er að bregðast við athuga-
semdum Feneyjanefndarinnar með
því að leggja til breytingar á kerfinu
til samræmis við aðrar ábendingar
hennar og leita til sérfræðinga til að
meta kerfið og leggja til hugsanleg-
ar breytingar á því til að
tryggja stöðugleika, skýr-
leika, jafnvægi og festu,“
segir í tillögu um við-
brögð við ábendingunni.
Breytingatillög-
ur bætast enn við
frumvarpið
- Nefndasvið gerir ýmsar breytinga-
tillögur við stjórnarskrárfrumvarpið Morgunblaðið/Ómar
Nefndasvið Alþingis Ýmsar breytingatillögur eru settar fram í minnisblaði
nefndasviðs Alþingis um viðbrögð við drögum að áliti Feneyjanefndarinnar.
16 FRÉTTIRInnlent
MORGUNBLAÐIÐ ÞRIÐJUDAGUR 26. FEBRÚAR 2013
Lára Halla Sigurðardóttir
larahalla@mbl.is
Eftir óvenjuhlýjan febrúarmánuð
hefur gróður á höfuðborgarsvæð-
inu víða tekið við sér og glöggir
íbúar borgarinnar hafa margir tek-
ið eftir brumi á greinum runna í
borginni. Síðastliðnar vikur hefur
hitastigið yfirleitt verið yfir frost-
marki og mætti því jafnvel ætla að
vorið væri á næsta leiti. Þetta
sýndarvor er þó senn á enda því
spáð er kaldara veðri þegar líður á
vikuna.
Aðspurður segist Þórólfur Jóns-
son, garðyrkjustjóri Reykjavík-
urborgar, ekki eiga von á því að
skemmdir verði á gróðri vegna
þessara skörpu skila í veðurfarinu.
„Það er ekki búinn að vera nógu
mikill hiti nógu lengi til þess að
það sé einhver hætta á ferðum,“
bætir hann við.
Hitamet í Reykjavík
Þórólfur segir að hér á landi séu
gróðurtegundir frá suðrænum
slóðum sem eru viðkvæmari fyrir
aðstæðum hér á landi og geta hita-
breytingarnar sem framundan eru
verið erfiðar fyrir þessar tegundir.
Hann segir þetta aðallega vera er-
lenda runna en tré láti síður á sér
bera í veðurfari sem þessu. „Þó að
runnarnir láti á sér bera í hitanum
þola þeir alveg að það komi kuldi
aftur,“ segir Þórólfur. „Birkið læt-
ur aftur á móti aldrei plata sig, það
byrjar alltaf á sama tíma í maí,“
bætir hann við. Þórólfur bendir þó
á að ef þessar aðstæður kæmu upp
síðar í vetur, til dæmis í mars, gæti
gróðurinn átt erfiðara með að
jafna sig.
Þessa dagana vinna starfsmenn
Reykjavíkurborgar að grisjun og
klippingu trjáa ásamt viðgerðum á
verkfærum og bekkjum en að sögn
Þórólfs eru þetta helstu verkin í
garðyrkjunni á þessum árstíma.
Sigurður Þór Guðjónsson veður-
sagnfræðingur heldur úti bloggsíð-
unni Nimbus á Moggablogginu.
Hann segir að aðfaranótt mánu-
dags hafi fallið hitamet í Reykjavík
en þá fór hitinn í 10,2 stig og er
það mesti hiti sem hefur mælst þar
í febrúar síðan mælingar hófust
hér á landi. Fyrra metið var 10,1
stig og var það mælt 8. febrúar ár-
ið 1935 og 16. febrúar árið 1942.
Meðalhiti mánaðarins er nú kom-
inn upp í 3,4 stig í Reykjavík og
gæti hann orðið sá þriðji hlýjasti
síðan mælingar hófust. Fleiri hita-
met hafa fallið á landinu í febrúar
en landsdægurmet féll á Seyðis-
firði í gær, hinn 25. febrúar, þegar
hitinn náði 15,3 stigum. Fyrra met
þessa dags var 15 gráður.
Samkvæmt upplýsingum frá
Þorsteini V. Jónssyni, veðurfræð-
ingi á Veðurstofu Íslands, er þessi
hlýindakafli senn á enda en spáð er
kólnandi veðri í dag og á miðviku-
daginn gerir frost um norðan- og
austanvert landið. Á föstudaginn
kemur hlýnar aftur en á sunnudag-
inn verður norðanátt og mikið
frost víða um land.
Gróður tekur við sér í Reykjavík
- Gróður farinn að bruma á höfuðborgarsvæðinu - Hitamet féll í Reykjavík aðfaranótt mánudags
- Hörkufrost framundan - Garðyrkjustjóri segir að gróðurinn eigi að ráða við þessi skörpu skil
Veðurblíða
Gróður hef-
ur tekið við
sér á höfuð-
borgarsvæð-
inu eftir
óvenjuhlýj-
an febr-
úarmánuð.
Morgunblaðið/Golli
„Við erum búin að fara yfir það
allt saman. Við fórum yfir það
allt og erum búin að ræða það
allt saman og erum að gera til-
lögur í framhaldi af því,“ segir
Valgerður Bjarnadóttir, formaður
stjórnskipunar- og eftirlits-
nefndar, aðspurð hvort meiri-
hluti nefndarinnar sé búinn að
ræða sín á milli þær breytinga-
tillögur við stjórnarskrár-
frumvarpið sem þrír lögfræð-
ingar settu fram í síðustu viku.
Aðspurð hvenær hún eigi von
á að málið verði afgreitt út úr
nefndinni segir Valgerður að því
miður sé ljóst að málið komist
ekki á dagskrá þingsins í þessari
viku, hinsvegar sé stefnt að
því að koma málinu á
dagskrá í næstu
viku. „Er ekki fólk
alltaf búið að segja
að það eigi að vanda
sig? Það er akkúrat
það sem við erum
að gera,“ segir
Valgerður.
Á dagskrá í
næstu viku
BÚIN AÐ RÆÐA TILLÖGUR
Valgerður
Bjarnadóttir
Betri næring - betra líf á Akureyri
Í samstarfi við Símenntun HA
Námskeiðið Betri næring, betra líf með Kolbrúnu grasalækni verður haldið á
Akureyri þann 7. mars n.k. kl. 18:15.
Á þessu hnitmiðaða námskeiði fer Kolbrún yfir það hvernig öðlast má betra líf
með því að bæta bakteríuflóruna í meltingarveginum með réttri næringu
og jurtum. Mikil lífsgæði felast í því að viðhalda heilbrigðri bakteríuflóru
ímeltingarvegi ogKolbrún leiðbeinir umhvernigmánáogviðhaldaþvíástandi
í líkamanum.
Laugavegi 2 • 101 Reykjavík • sími 552 1103
www.jurtaapotek.is • jurtaapotek@jurtaapotek.is
Námskeiðið er byggt á bókinni
Betri næring, betra líf sem
kom út árið 2011.
Skráning fer fram á vef Símenntunar HA, www.unak.is/simenntun
Föstudaginn 8. mars verður Kolbrún
grasalæknir stödd hjá endursöluaðilum
Jurtaapóteksins á Akureyri. Þið getið
hitt Kolbrúnu í Heilsuhúsinu, Glerártorgi
kl. 17:30-18:00 og í Akureyrarapóteki,
Kaupangi kl. 14:00-16:00.