Morgunblaðið - Sunnudagur - 10.02.2013, Side 38

*Föt og fylgihlutir Sýning fræga fólksins á götum Parísar samhliða hátískuviku er jafn eftirtektarverð og pallarnir »40
Ein klassísk – hver hafa verið bestu fatakaupin þín?
Mér finnst gaman að kaupa íslenskt og versla töluvert í 66 gráður
norður. Ég hef verið virkilega ánægður með það sem ég á þaðan.
En þau verstu?
Verstu kaup sem ég hef gert eru jakkfötin sem ég keypti fyrir
þessi jól frá J. Lindeberg sem rifnuðu á áramótunum. Flott föt en
mættu endast lengur en í nokkra daga.
Hvar kaupir þú helst föt?
Ég versla langmest í All Saints, Diesel og Dolce and Gabbana.
Hver er flottasta búð sem þú hefur komið í?
Fyrir utan Kastaníu á Höfðatorgi er það sennilega Dolce í Dubai
og All Saints á Oxford street.
Manstu eftir einhverjum tískuslysum sem þú tókst þátt í?
Þegar ég var lítill gekk ég mikið í Adidas, spítt galla sem var í
lagi þá en ég er ekki hrifinn af þeim í dag. Ég veit að félagar mínir
vilja að ég segi að rauðu buxurnar sem ég á eða rauði jakkinn séu
tískuslys en ég er alls ekki sammála þeim.
Hvað hefurðu helst í huga þegar þú velur föt?
Ekkert sérstakt svo sem. Bara að fötin séu flott. Er það ekki fínn
hugsunarháttur?
Litadýrð eða svart/hvítt?
Bara bæði betra.
Áttu þér eitthvert gott stef, ráð eða mottó, þegar kemur að
fatakaupum?
Ég lít ekki á sjálfan mig sem neinn meistara í þessum efnum
en var ekki einhver sem sagði „dress to impress …“ Það er
kúl setning og kannski eitthvað til í henni líka.
Hvaða þekkta andlit finnst þér með flottan stíl? David
Beckham fengi fálkaorðu hjá mér fyrir fatastílinn sinn ef
ég væri Óli forseti.
Áttu þér einhvern uppáhaldsfatahönnuð?
Nei, ég viðurkenni það að ég veit ekkert um
fatahönnuði. Hugsa lítið um hvaða merki fötin eru
ef mér finnst þau flott.
Ef þú þyrftir aldrei að kíkja á verðmiðann,
hvaða flík eða fylgihlut myndirðu kaupa?
Ég myndi sennilega kaupa mér nokkur úr.
Er mikill áhugamaður um úr og lang-
ar að eiga fleiri.
Ef þú fengir aðgang að tíma-
vél sem gæti flutt þig aftur
til árs að eigin vali og þú
fengir dag til að versla,
hvaða ár myndirðu velja
og hvert færirðu?
Segjum að ég færi eitt
ár aftur í tímann og til
New York. Held að það
gæti verið skemmtileg
lausn.
Rúrik Gíslason
ásamt guðdóttur
sinni Elínu Þóru.
Jake Gyllenhaal hefur smekk
fyrir 66N líkt og Rúrik.
David Beckham er tískugoð.Rúrik væri til í að vera í New York ef hann ætti tímavél.
RÚRIK GÍSLASON LANDSLIÐSMAÐUR
Jakkafötin
rifnuðu eftir
nokkra daga
RÚRIK GÍSLASON, LEIKMAÐUR FC KØBENHAVN OG ÍS-
LENSKA LANDSLIÐSINS Í KNATTSPYRNU, ER MIKILL
SMEKKMAÐUR ÞEGAR KEMUR AÐ FATAVALI. HANN
UNDIRBÝR SIG NÚ AF KAPPI FYRIR SEINNI HLUTA
DÖNSKU DEILDARINNAR EN HÚN BYRJAR Á NÝ EFTIR
VETRARFRÍ EFTIR MÁNUÐ.
Benedikt Bóas benedikt@mbl.is
Rúrik myndi
ekki vilja ganga í
Adidas galla
þótt sá fatn-
aður hafi
verið vinsæll
í eina tíð.