Morgunblaðið - 08.03.2013, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 8. MARS 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Vífill Júlíusson
helgivifill@mbl.is
Stóru viðskiptabankarnir þrír hafa nú birt uppgjör fyrir
rekstur síðasta árs. Landsbankinn var síðastur til þess í
gær en bankinn hagnaðist um 25,5 milljarða króna í fyrra,
samanborið við 17 milljarða króna hagnað árið 2011.
Samanlagt nemur hagnaður bankanna þriggja um 66
milljörðum króna en Íslandsbanki hagnaðist um 23,4 millj-
arða og Arion banki um 17,1 milljarð króna.
Í lok mánaðar mun Landsbankinn gefa út skilyrt
skuldabréf, sem ræðst af þeirri virðisaukningu sem hefur
orðið á tilteknu eignasafni frá falli bankans til ársloka 2012,
til þrotabús gamla bankans. Það getur að hámarki orðið 92
milljarðar, og var í lok síðasta árs um 88 milljarðar króna,
samanborið við 61 milljarð við lok árs 2011.
Óvissa í rekstrarumhverfi Landsbankans
Miklar sveiflur eru í rekstrarliðum Landsbankans milli
ára og endurspeglar það þá óvissu sem enn er í rekstr-
arumhverfi bankans. Á árinu 2011 gjaldfærði bankinn há-
ar fjárhæðir vegna gengislánadóma en innleysti á móti
umtalsverðan hagnað af sölu hlutabréfa og annarra eigna.
Rekstrarkostnaður jókst á árinu 2012, m.a. vegna auk-
innar skattlagningar á laun og hærra iðgjalds í Trygging-
arsjóð innstæðueigenda og fjárfesta.
66 milljarða gróði bankanna
 Landsbankinn hagnaðist um 25,5 milljarða  Allir stóru bankarnir skilað uppgjöri
Hagnaður árið 2012
» Landsbankinn hagnaðist um
25,5 milljarða króna.
» Íslandsbanki hagnaðist um
23,4 milljarða króna.
» Arion banki hagnaðist um
17,1 milljarð króna.
Á sjötta hundrað gestir sækja alþjóðlega ráðstefnu um
jarðvarma sem haldin er í Hörpu. Þar af eru um 200 er-
lendir gestir, frá fjörutíu löndum. Klasasamstarfið Ice-
land Geothermal stendur fyrir ráðstefnunni sem lýkur í
dag. Að félaginu standa meðal annars helstu orkufyrir-
tæki og stærstu verkfræðistofur landsins. »16
Morgunblaðið/Ómar
Fjölmennri alþjóðlegri ráðstefnu lýkur í Hörpu í dag
Fræðst um nýtingu jarðvarma
Sex karlmenn
hafa verið úr-
skurðaðir í
áframhaldandi
gæsluvarðhald í
tengslum við
rannsókn lög-
reglu á umfangs-
miklu fíkniefna-
máli. Málið snýr
að 20 kg af amfetamíni og 1,7 lítra
af amfetamínbasa, en ætla má að
með amfetamínbasanum hefði verið
hægt að framleiða 17 kg af amfeta-
míni. Þrír voru úrskurðaðir í varð-
hald til 14. mars á grundvelli rann-
sóknarhagsmuna og þrír til 4. apríl
á grundvelli almannahagsmuna.
Áfram í varðhaldi
vegna amfetamíns
Félag Jóns Ólafs-
sonar, Jervi-
stona, þarf að
greiða Lands-
bankanum að
jafnvirði 445
milljóna króna
samkvæmt dómi
Hæstaréttar sem
féll í gær. Um er
að ræða lán sem
félagið fékk hjá Sparisjóðnum í
Keflavík til hlutabréfakaupa. Gjald-
dagi lánsins var í apríl 2007 og lög-
maður Jervistone hélt því fram að
bankinn hefði sýnt af sér tómlæti,
hvorki gert reka að því að inn-
heimta lánið eftir gjalddaga, fram-
lengt það né stýrt hlutabréfunum
sem lágu til grundvallar. Dómurinn
hafnaði þessu og segir að félaginu
beri að greiða lánið skv. samningi.
Félag Jóns þarf að
greiða 445 milljónir
Jón Ólafsson
Slökkvilið höfuðborgarsvæðisins
var kallað út að bifreiðaverkstæði á
Seltjarnarnesi síðdegis í gær eftir
að tilkynnt var um eld. Reyndist
eldurinn í vinnugöllum og var hann
slökktur með hraði. Engan sakaði
og var unnið að reykræstingu.
Óvíst er með tjón á verkstæðinu.
Slökkviliðið sendi einn dælubíl á
staðinn og tvo sjúkrabíla til örygg-
is. Upptök eldsins eru til rann-
sóknar hjá lögreglu.
Kviknaði í vinnu-
göllum á verkstæði
Helgi Bjarnason
helgi@mbl.is
Ríkið mun greiða Reykjavíkurborg
80 milljónir í leigu á ári fyrir afnot af
hluta Perlunnar vegna sýningar
Náttúruminjasafns Íslands, sam-
kvæmt drögum að samningi sem
kynnt voru í borgarráði í gær. Borg-
in mun þurfa að kosta breytingar á
húsnæðinu, auk þess að leggja fram
kaupverð hússins.
Borgarstjórn samþykkti undir lok
síðasta árs að kaupa Perluna af
Orkuveitu Reykjavíkur fyrir 950
milljónir í þeim tilgangi að leigja rík-
inu húsið fyrir grunnsýningu Nátt-
úruminjasafns Íslands. Forsenda
þess var að samningar tækjust við
ríkið um langtímaleigu Perlunnar í
þessu skyni.
Vinnuhópur ríkis og borgar
kynnti í gær niðurstöður sínar um
verkefnið og drög að leigusamningi.
Þar kemur fram að áformað er að
Náttúruminjasafnið fái 3.100 fer-
metra húsnæði í Perlunni til afnota.
Plássið er í Perlunni sjálfri og einum
vatnstanki sem borgin mun taka á
leigu hjá Orkuveitunni. Samið er til
15 ára og leigan er 80 milljónir á ári,
eða alls 1,2 milljarðar á tímabilinu,
miðað við verðlag í dag.
Borgin kostar breytingar
Auk þess að kaupa Perluna mun
borgin kosta breytingar á húsnæð-
inu svo það henti til sýningar. Þar
má meðal annars nefna að gerður
verður nýr millipallur í aðalhúsi og
vatnstanki, alls um 500 fermetrar,
og mun hann verða sýningarrými.
Þá er áformað að koma upp kaffihúsi
á fyrstu hæð eða þeirri fjórðu. Það
verður á vegum borgarinnar sem og
veitingareksturinn á 5. og 6. hæð
Perlunnar. Auk þeirra staða sem
nefndir hafa verið verður sýningin í
aðalsal hússins og á hluta fjórðu
hæðar. Þá teljast útsýnispallarnir til
sýningarrýmis.
Miðað er við að húsnæðið verði
tilbúið til uppsetningar sýningar að
ári og sýningin opnuð haustið 2014.
Ríkið mun kosta uppsetningu sýn-
ingarinnar. Á fjárlögum ársins eru
400 milljónir króna veittar til grunn-
sýningar Náttúrugripasafns Ís-
lands. Í niðurstöðum vinnuhópsins
er vakin athygli á því að í fjárlögum
er ekki að finna nauðsynlega laga-
heimild til að gera leigusamning til
langs tíma og ekki heldur nægar
fjárheimildir til reksturs Náttúru-
minjasafns Íslands vegna umræddr-
ar sýningar.
Stefnt er að því að leggja leigu-
samninginn fram til samþykktar á
næsta fundi borgarráðs og jafnframt
að kynna kaupsamning um Perluna.
Sett verður milligólf í
aðalsal og sýningartank
 Ríkið greiðir 80
milljónir í leigu
fyrir Perluna
Morgunblaðið/Árni Sæberg
Öskjuhlíð Sýning Náttúruminja-
safns Íslands verður í Perlunni.
„Niðurstaðan kemur okkur ekki á
óvart,“ segir Andrés Magnússon,
framkvæmdastjóri Samtaka versl-
unar og þjónustu (SVÞ). Í bráða-
birgðaniðurstöðu Eftirlitsstofnunar
EFTA (ESA) kemur fram að bann
við innflutningi á hráu kjöti hér á
landi brjóti í bága við ákvæði EES-
samningsins.
Við vinnslu á nýju matvæla-
frumvarpi árið 2009 sem m.a. var ætl-
að að innleiða reglugerðir ESB var
heimild sem upphaflega var í frum-
varpinu um innflutning á hráu kjöti
felld út. Í árslok 2011 sendi SVÞ
kvörtun til ESA vegna þessa. Hingað
til hefur ESA ekki tekið rök íslenskra
stjórnvalda fyrir banninu til greina.
Íslensk stjórnvöld hafa frest þangað
til í lok maí til að bregðast við bráða-
birgðaniðurstöðunni. Andrés segir að
SVÞ muni fylgjast með því hvernig
íslensk stjórnvöld ætli að haga rök-
stuðningi nú í framhaldinu. Hann er
þeirrar skoðunar að það muni reyn-
ast stjórnvöldum erfitt að snúa ESA í
málinu, sérstaklega ef litið sé til fyrri
greinargerða stjórnvalda í málinu.
heimirs@mbl.is
Máttu ekki
banna inn-
flutning
 Kemur SVÞ
ekki á óvart
Í umsögn Eftirlitsstofnunar EFTA
(ESA) við frumvarp til breytinga á
lögum um tóbaksvarnir kemur
fram að íslensk stjórnvöld hafi ekki
sett fram rök er réttlæta mismun-
andi afstöðu fyrirhugaðra laga-
ákvæða til fínkorna reyklauss tób-
aks annars vegar og grófkorna
reyklauss tóbaks hinsvegar.
Jafnframt segir í álitinu að
stjórnvöld útskýri ekki af hverju
þau telji finkorna tóbak skaðlegra
heldur en grófkorna.
Í frumvarpinu sem nú liggur inni
í velferðarnefnd eftir fyrstu um-
ræðu er lagt til að kveðið sé á um
leyfilega kornastærð reyklauss tób-
aks í reglugerð. Þegar er í gildi
bann við innflutningi fínkorna tó-
baks og í umsögn ESA segir að nú-
verandi munur á afstöðu laganna til
fínkorna og grófkorna tóbaks veki
efasemdir um að lögin séu í sam-
ræmi við meginreglur fjórfrelsis-
ins.
Í frumvarpinu er einnig lagt til
að núverandi undanþága til inn-
flutnings, framleiðslu og sölu á
skrotóbaki verði afnumin og þar
með bönnuð líkt og tilfellið er með
munntóbak. Þess ber að geta að
ÁTVR hefur ekki haft skrotóbak til
sölu undanfarin ár.
Í umsögn ESA segir að miðað við
upplýsingar frá íslenskum stjórn-
völdum sé óljóst af hverju talið er
nauðsynlegt að banna skrotóbak af
heilbrigðisástæðum á meðan áfram
er stefnt að því að leyfa grófkorna
neftóbak, þ.e.a.s. íslensk stjórnvöld
útskýra ekki af hverju þau telja
skrotóbak hættulegra en grófkorna
neftóbak. heimirs@mbl.is
Gagnrýna misjafna
afstöðu til tóbaks
 Hugsanlega brot á fjórfrelsinu
Morgunblaðið/RAX
Íslenskt Ekki er stefnt að því að
banna íslenska neftóbakið.