Morgunblaðið - 27.03.2013, Page 12

12 FRÉTTIRInnlent
MORGUNBLAÐIÐ MIÐVIKUDAGUR 27. MARS 2013
Þú blómstrar meðALTA
nýja vatnshelda heyrnartækinu...
Alta eru ný heyrnartæki í hæsta gæðaflokki frá Oticon.
Hljóðvinnslan í Alta er sú þróaðasta fram til þessa og skilar þér meiri
skýrleika og framúrskarandi hljómgæðum.
Alta heyrnartækin eru vatnsheld!
G l æ s i b æ | Á l f h e i m um 7 4 | 1 0 4 R e y k j a v í k | Þ j ó n u s t a á l a n d s b y g g ð i n n i | S í m i 5 6 8 6 8 8 0 | www . h e y r n a r t æ k n i . i s
Bókaðu tíma í fría heyrnarmælingu
í síma 568 6880
Gunnar Dofri Ólafsson
gunnardofri@mbl.is
„Maður er alveg á tánum yfir þess-
um brunum. Þegar maður býst við
fjölda fólks hingað í sumarhús yfir
páskana er óviðunandi að menn séu
að brenna sinu alls staðar. Það er
hreinlega ekki líft í húsunum út af
reyk. Það sér ekki út úr húsi fyrir
reykjarmekki,“ segir Bjarni Krist-
inn Þorsteinsson, slökkviliðsstjóri
slökkviliðs Borgarbyggðar.
„Þetta er allt gert með leyfi yf-
irvalda. Sýslumaður í viðkomandi
umdæmi getur gefið út leyfi til sinu-
brennslu. Það eina sem sá sem sækir
um að brenna þarf að framvísa er
uppáskrift frá búnaðarsamtökum
um að honum sé heimilt að brenna á
þessu landi og það sé ekki neinn
gróður á svæðinu sem muni bera
skaða af. Síðan á viðkomandi að hafa
búnað og mannskap til að hafa hemil
á eldinum. Viðkomandi á að láta
slökkvilið vita með sex klukkustunda
fyrirvara, en það er mjög oft mis-
brestur á því,“ segir Bjarni.
Bindur niður slökkviliðið
Bjarni segir að bruninn sem varð í
fyrradag hafi verið tilkynntur af
ábyrgum borgara, en ekki þeim sem
ábyrgð bar á honum. Ef ekki hefði
verið fyrir þá tilkynningu segir
Bjarni enga leið að sjá fyrir hverjar
afleiðingar brunans hefðu getað orð-
ið. „Landeigendur eru í flestum til-
vikum ekki tryggðir fyrir svona lög-
uðu og því trauðla hægt að sækjast
eftir einhverjum bótum frá þeim.
Svona útkall eins og í fyrradag kost-
ar slökkviliðið, og á endanum skatt-
greiðendur, fleiri milljónir. Ég
hreinlega skil ekki af hverju svona
lagað er ennþá leyft. Það á bara að
banna þetta í eitt skipti fyrir öll.
Þessir brunar binda niður allt til-
tækt slökkvilið úti um móa og mela,
þannig að ef eitthvað gerist í þéttbýli
er mjög erfitt fyrir okkur að bregð-
ast við.“
Bjarni nefnir til samanburðar
þrettándabrennur björgunarsveit-
anna. „Menn þurfa fimm leyfi til að
halda brennu á malarsvæði í kíló-
metra fjarlægð frá allri byggð og
þurfa þar að auki að vátryggja
brennuna. Svo getur einhver bóndi
fengið leyfi frá sýslumanni og kveikt
í úti í náttúrunni. Það er ekki hægt
að una við þetta ástand öllu lengur.
Ég hef margsagt að það þurfi að
breyta lögunum varðandi þetta, en
enginn virðist hlusta,“ segir Bjarni.
Jón Viðar Matthíasson, slökkvi-
liðsstjórinn á höfuðborgarsvæðinu,
segir slökkviliðið leggjast gegn öll-
um bruna á sinu.
„Það er svo mikið undir og þarf
svo lítið til að þetta fari úr bönd-
unum að það er ekki forsvaranlegt
að standa í þessu hérna. Í öllum til-
vikum sem sina brennur í okkar um-
dæmi er um íkveikju að ræða.“
Jón Viðar segir helsta undirbún-
inginn gegn sinubruna felast í for-
vörnum.
„Við æfum okkur auðvitað í að fást
við sinubruna og höfum tiltækan
réttan búnað, en mesti undirbúning-
urinn felst í að fá fólk í lið með okkur
að kveikja ekki í sinu, en það hefur
reynst okkur erfitt. Fólk þarf að átta
sig á að hér á höfuðborgarsvæðinu
er allt undir. Uppbygging á grænum
svæðum hefur staðið í marga ára-
tugi. Þetta eru svæði sem við viljum
njóta og því ótrúlegt að einhver skuli
brenna þau,“ segir Jón.
Sinubrunar valda mikilli hættu
 Slökkviliðsstjórinn í Borgarbyggð vill algjört bann við sinubruna  Forvarnir besta lausnin að
mati slökkviliðsstjórans á höfuðborgarsvæðinu  Sinubrunaútkall kostar skattgreiðendur milljónir
Morgunblaðið/Rax
Sviðin jörð Sinueldar valda mikilli
eyðileggingu nái þeir að breiðast út.
Baldur Arnarson
baldura@mbl.is
„Það er alveg ljóst að ef Evrópusambandið og
Bandaríkin gera þennan mikla fríverslunar-
samning sín á milli, sem greinilega er mikill
áhugi á af beggja hálfu, þá mun það hafa nei-
kvæð áhrif á samkeppnisstöðu fyrirtækja á Ís-
landi, sem standa þá utan
hans, og eru að keppa við
fyrirtæki í aðildarlöndum
samningsins. Þau munu þá
ná töluverðu forskoti á okk-
ar fyrirtæki. Það sama gild-
ir auðvitað um fyrirtæki í
hinum EFTA-ríkjunum,“
sagði Össur Skarphéðins-
son utanríkisráðherra um
stöðu fríverslunarmálsins.
Rætt var við ráðherrann
símleiðis en hann var þá í
opinberri heimsókn í Noregi. Össur vék að
þessu hagsmunamáli í heimsókn sinni.
Óhjákvæmilegt að málið bæri á góma
„Þannig að það var óhjákvæmilegt að þetta
væri rætt í þaula á fundum mínum í síðustu
viku í Noregi með bæði Espen Barth Eide,
utanríkisráðherra, og ekki síður Trond Giske,
sem fer með fríverslunarmálin.“
Spurður hvort EFTA-löndin hyggist beita
sér sameiginlega til að komast inn í viðræð-
urnar, og verja þannig hagsmuni fyrirtækja í
sínum löndum, kveðst Össur hafa átt frum-
kvæði að því að taka málið upp á vettvangi
EFTA með formlegu bréfi til kollega sinna,
utanríkisráðherra ríkjanna, eftir fund Johns
Kerrys, utanríkisráðherra Bandaríkjanna, í
Róm fyrr í mars, þar sem málin voru rædd.
„Markmið samningsins eru vitaskuld tolla-
lækkanir, sem gætu að jafnaði orðið 3-5%, en
það sem menn eru ekki síður að slægjast eftir
er að samræma staðla og reglur milli ESB-
landanna og Bandaríkjanna, sem í sumum til-
vikum eru metin ígildi 15-20% tolla sem nánast
er illkleifur múr.“
Fyrsti kosturinn að eiga samflot
Össur bendir á EES-samninginn í þessu
samhengi. „Fyrsti kosturinn fyrir EFTA-lönd-
in virðist í fljótu bragði vera að eiga samflot um
þetta og neyta þeirrar stöðu og tengsla sem við
eigum gagnvart Evrópusambandinu gegnum
EES-samninginn. Fríverslunarsamningur af
þessu tagi við ESB varðar hann vitaskuld, og
fullkomlega eðlilegt að við eigum aðkomu að
viðræðunum gegnum hann. Hinu má þó ekki
gleyma að um miðjan síðasta áratug reyndu
EFTA-ríkin að gera svona samning, og þá kom
í ljós að þau höfðu mismunandi hagsmuni
gagnvart fríverslun við Bandaríkin, og úr þeim
samningi varð ekki af ýmsum ástæðum.“
Össur heldur áfram og segir að sú leið að
kanna tvíhliða samning milli Íslands og Banda-
ríkjanna, samhliða viðræðunum milli ESB og
Bandaríkjanna, sé vissulega fyrir hendi ef ekki
yrði af samfloti með EFTA-ríkjunum. „Þetta
munum við ræða á vorfundi EFTA innan
skamms,“ segir Össur sem rifjar þó upp að
þegar tilraun EFTA-ríkjanna á síðasta áratug
rann út í sandinn hafi áhugi Bandaríkjanna á
tvíhliða samningum við einstök ríki reynst tak-
markaður. „Í þeirri stöðu er einn kostur, sem
við erum að skoða núna, og hann felst í því að
fara fram á að Ísland, sem hefur stöðu umsókn-
arríkis gagnvart Evrópusambandinu, fengi í
krafti hennar sterkari aðkomu að viðræðunum.
Mér finnst það fullkomlega eðlileg krafa af
okkar hálfu, ef þarf, og það gæti hugsanlega
auðveldað Bandaríkjunum og ESB að opna leið
til að víkka samninginn til fleiri Evrópuríkja en
þeirra einna sem eru í sambandinu.“
Skiptir íslensk fyrirtæki miklu máli
 Utanríkisráðherra segir brýnt að eiga aðild að fríverslunarsamningi milli ESB og Bandaríkjanna
 Ræddi málið við norska ráðamenn  Samningurinn geti leitt til þess að tollar lækki umtalsvert
AFP
Ferlíki Flutningaskipið Marco Polo við höfn í frönsku hafnarborginni Le Havre. Skipið er sagt
stærsta flutningaskip í heimi. Það er 369 metra langt og getur tekið ígildi 16.020 20 feta gáma.
Össur
Skarphéðinsson