Morgunblaðið - 27.03.2013, Blaðsíða 16

16 FRÉTTIRInnlent
MORGUNBLAÐIÐ MIÐVIKUDAGUR 27. MARS 2013
„Skapandi greinar og tómstunda-
námskeið þar sem fjölskyldan öll
sameinast í skemmtilegum áhuga-
málum er það sem skapar okkur sér-
stöðuna,“ segir Ágústa Guðmunds-
dóttir. Hún og Ásta Sölvadóttir
standa saman að
rekstri fræðslu-
setursins Klifsins
í Garðabæ.
Stöllurnar
Ágústa og Ásta
hleyptu starfsemi
Klifsins af stokk-
unum fyrir
nokkrum miss-
erum og hefur
hún eflst. Nærri
lætur að á liðnu
hausti hafi nálægt 350 manns á öll-
um aldri sótt námskeið setursins.
Verða þátttakendur á vormisseri
væntanlega fleiri, enda verður fjöl-
breytni í starfinu sífellt meiri.
Fjör og buslugangur
Zumba-dans í sundi hefur notið
vinsælda hjá Klifinu í vetur. Krist-
björg Ágústsdóttir kennir á þessum
námskeiðum. Þau eru ætluð konum
og eru þrisvar í viku, það er síðdegis
á þriðju- og fimmtudögum og svo á
laugardagsmorgnum. Nýtt zumba--
námskeið hefst strax eftir páska og
verður í sundlaug Sjálandsskóla.
„Þátttakendurnir geta valið hvort
þeir koma einu sinni í viku, tvisvar
eða þrisvar. Margar kvennanna vilja
hins vegar koma sem oftast, enda er
þarna mikið fjör og buslugangur,“
segir Ágústa.
Styrkja undirstöðu í ensku
Hjá Klifinu eru á dagskrá fjöl-
mörg námskeið fyrir börn og ung-
linga í greinum sem eru utan náms-
lína hins hefðbundna skólakerfis. Af
námskeiðum sem eru framundan
eftir páska eru t.d. sjálfstyrking-
arnámskeið fyrir 7 til 9 ára stráka og
námskeið í ensku fyrir sama ald-
urshóp. „Krakkar á þessum aldri
eru margir raunar komnir með ein-
hverja undirstöðu í ensku, en geta
þarna styrkt hana,“ segir Ágústa
sem bætir við að hjá Klifinu séu
námskeið í skapandi greinum
áherslumál. Oft taki krakkar nám-
skeið í stuttmyndagerð. Bæti síðan
við sig tölvuleikagerð og t.d. jap-
anskri poppmenningu.
Í vor eru einnig fyrirhuguð skap-
andi skrif fyrir 13 ára og eldri, kyn-
slóðanámskeiðin tálgað í tré og
kassabílasmíði, þar sem foreldrar,
ömmur, afar og börn koma saman
og njóta samvista í skapandi um-
hverfi.
Gengið um Gálgahraun
Meðal fullorðinna séu námskeið í
olíumálun vinsæl. Eitt slíkt verður
eftir páska og þá stendur til að
ganga um Gálgahraun sunnan við
Garðabæ, en þar eru ýmis mótíf sem
Jóhannes Kjarval málaði eftir.
„Myndlistin höfðar til margra.
Námskeið á því sviði hefur til dæmis
laðað að fólk alla leið frá Vest-
mannaeyjum,“ segir Ágústa um
starfsemi Klifsins sem hefur aðsetur
í Flataskóla í Garðabæ.
Klifskonur eru með fleiri járn í
eldinum. Að undanförnu hafa þær
starfað með grunnskólakennurum í
Garðabæ við innleiðingu nýrrar að-
alnámskrár. Þar eru grunnþættir
menntunar í brennidepli, það er
læsi, sjálfbærni, lýðræði og mann-
réttindi, sköpun, jafnrétti, heilbrigði
og velferð. „Með þeirri nálgun tekst
að spanna þessi svið mjög breitt með
þátttöku allra. Og til þess er leik-
urinn líka gerður,“ segir Ágústa.
sbs@mbl.is
Klifið hefur
sérstöðu
Námskeið Myndlistarnámskeið um
japanska poppmenningu.
 Fjölbreytt flóra námskeiða í Garða-
bæ  Þátttakendur á öllum aldri
Ágústa
Guðmundsdóttir
Miðvikudags-
PIZZA-TILBOÐ
Ögurhvarfi 2 • 203 Kópavogi • Sími 567 1770 • Opið alla daga kl. 10 -23
Þú hringir
Við bökum
Þú sækir
12“ PIZZA, 3 áleggstegundir
og 1l Coke
1.290 kr.
Guðni Einarsson
gudni@mbl.is
Strútur, Nílarkrókódíll, nashyrn-
ingur og nokkrar tegundir af antil-
ópum hafa nú bæst við sýningu
Veiðisafnsins á Stokkseyri. Sjö upp-
stoppuð dýr og afsteypa af því átt-
unda komu nýlega til Stokkseyrar
frá Suður-Afríku. Páll Reynisson,
veiðimaður og stofnandi Veiðisafns-
ins, veiddi dýrin í árslok 2009.
Nashyrningurinn enn á lífi
Eitt dýranna sem um ræðir geng-
ur enn um skóga Afríku, eftir því
sem best er vitað, þótt búið sé að
svipta það höfuðprýðinni. Það er
mjög stór hvítur nashyrningur sem
Páll skaut með sérsmíðuðum riffli
fyrir deyfiörvar. Nashyrninginn
veiddi hann á náttúruverndarsvæði í
Limpopo-héraði í Suður-Afríku. Það
er í einkaeigu og kennt við Koh-i-
Nohr-demantinn sögufræga.
Veiðin var liður í svonefndri
björgunarveiði og fór fram undir eft-
irliti dýralæknis. Eftir að nashyrn-
ingurinn var sofnaður var hann
hornaskelltur til að forða honum frá
því að verða veiðiþjófum að bráð.
Engar taugar eru í hornunum þar
sem þau eru söguð. Tekin var af-
steypa af hornunum og er nú komin
afsteypa af glæsilegum nashyrningi
með horn á Veiðisafnið.
Veiðiþjófar fella nashyrninga
vegna hornanna. Þau selja þeir til
Asíu þar sem duft úr nashyrnings-
hornum er selt háu verði. Horna-
lausir nashyrningar eru því ekki eft-
irsóttir af veiðiþjófum.
Strútur sem Páll veiddi í sömu
veiðiferð var stoppaður upp í heilu
lagi. Um er að ræða karlfugl sem er
tveggja metra hár. Eins var nærri
þriggja metra langur Nílarkrókódíll
stoppaður upp í heilu lagi. Dýrin
veiddi Páll með einhleyptri skamm-
byssu.
Antilópurnar eru af tegundunum
leirbukkur, skrúðantilópa, reyr-
bukkur, runnahafur og Livingston-
elgantilópa.
Safaríferðir, hvort heldur til dýra-
skoðunar eða dýraveiða, eru mik-
ilvægur atvinnuvegur í Suður-
Afríku. Páll sagði að slík ferða-
mennska komi næst á eftir gull- og
gimsteinavinnslu í tekjuöflun lands-
ins. Dýrin eru að sjálfsögðu öll veidd
á löglegan hátt og fylgja þeim vott-
orð um það. Töluvert langan tíma
tók að fá dýrin úr uppstoppun enda
fylgir mikil pappírsvinna flutningi
þeirra hingað.
Í Veiðisafninu á Stokkseyri eru nú
um 250 náttúrutengdir munir og
hundruð muna sem tengjast veiðum.
Safnið verður opið alla daga um
páskana.
Strútur nýkominn til Stokkseyrar
 Átta afrískar dýrategundir bætast við sýningu Veiðisafnsins á Stokkseyri  Þar á meðal er af-
steypa af nashyrningi sem enn lifir góðu lífi í Suður-Afríku  Nílarkrókódíll og fimm antilópur
Ljósmyndir/Veiðisafnið
Strútur á Stokkseyri Strúturinn er um tveggja metra hár karlfugl. Fugl-
arnir eru ófleygir en mjög fótfráir og geta hlaupið á allt að 70 km hraða.
Nashyrningurinn Svefnlyfið virkaði
fljótt og dýrið missti hornin.
Könnun, sem MMR gerði fyrir
Ferðamálastofu á ferðahögum Ís-
lendinga, leiðir í ljós að níu af hverj-
um tíu svarendum ferðuðust innan-
lands árið 2012.
Þeir sem ferðuðust innanlands
fóru að jafnaði 6,8 ferðir þar sem
dvalið var a.m.k. eina nótt. Ferða-
málastofa segir, að þetta sé svipað
hlutfall og fyrri kannanir hafi sýnt.
66,8% fóru í dagsferðir innanlands á
síðastliðnu ári og fóru að jafnaði átta
ferðir. Er þetta nokkuð lægra hlut-
fall en árið 2011 en þá sögðust 74,8%
hafa farið í dagsferðir. Þá sögðust
63,3% svarenda hafa ferðast til út-
landa í fyrra og fóru þeir að jafnaði
tvær ferðir. Árið 2009 fóru 44,3% ut-
an.
Flestir gista innanlands hjá vinum
eða ættingjum eða 45,9%. Þar á eftir
kom gisting í tjaldi, fellihýsi eða hús-
bíl (41,3%) en samkvæmt könnunum
Ferðamálastofu hefur þeim fækkað
jafnt og þétt á síðustu árum sem
nýta þessa tegund gistingar.
Langflestir þátttakendur í könn-
uninni áforma ferðalög á þessu ári.
Langflestir Íslendingar
ferðast innanlands
Morgunblaðið/Kristján
Tjaldsvæði Flestir gista í tjaldi,
fellihýsi eða húsbíl.
 Utanlandsferðir færast aftur í vöxt