Morgunblaðið - 27.03.2013, Page 15

FRÉTTIR 15Innlent
MORGUNBLAÐIÐ MIÐVIKUDAGUR 27. MARS 2013
www.sagamedica.is
Ég nota SagaPro
Kristján Óskarsson, verkefnastjóri
Vandamál: Bólgur í blöðruhálskirtli
„Ég hef lengi notað SagaPro við bólgum í
blöðruhálskirtli. Þegar ég finn fyrir einkennum
tek ég góðan kúr af SagaPro í nokkrar vikur
og þrýstingstilfinningin hverfur.“
Gunnar Dofri Ólafsson
gunnardofri@mbl.is
Engin breyting verður á Reykjavík-
urkjördæmum norður og suður í
komandi kosningum að sögn Þór-
halls Vilhjálmssonar, ritara lands-
kjörstjórnar. „Mörk kjördæmanna
verða þau sömu og síðast þegar kosið
var,“ segir Þórhallur.
„Við skiptinguna er byggt á
íbúaskrá Þjóðskrár Íslands frá því á
föstudaginn. Hún sýnir að breyting-
ar á íbúafjölda í kjördæmunum
tveimur kalli ekki á að götur verði
færðar milli kjördæma. Samkvæmt
lögum má muna tveimur til þremur
prósentum á íbúafjölda áður en til
breytinga kemur, og við erum vel
innan þeirra marka. Helstu breyt-
ingarnar eru þær að eitt þingsæti
flyst frá Norðvesturkjördæmi yfir í
Suðvesturkjördæmi.“
Skipting Reykjavíkurkjördæma
verður eftirfarandi: Frá vestri til
austurs skiptir Hringbraut, Mikla-
braut, Ártúnsbrekka og Vestur-
landsvegur kjördæmunum þar til
komið er að punkti á móts við Sól-
torg í Grafarholti. Grafarholtshverfi
skiptist áfram milli suður- og norð-
urkjördæmis um Kristnibraut og
Gvendargeisla og Ingunnarskóli
verður kjörstaður fyrir bæði kjör-
dæmi í Grafarholti. Kjalarnes til-
heyrir Reykjavík norður.
Engin breyting í Reykjavík
 Skipting kjördæma í Reykjavík verður óbreytt frá síðustu
kosningum  Eitt sæti frá Norðvesturkjördæmi í Kragann
Skipting Reykjavíkurborgar í kjördæmi
í komandi Alþingiskosningum
Reykjavíkurkjördæmi
norður
Reykjavíkurkjördæmi
suður
Grunnkort/Loftmyndir ehf.
Íslandsmótið í skák fer fram 31.
maí – 8. júní nk. Mótið verður með
óvenjulegu sniði núna enda á mótið
100 ára afmæli í ár. Mótið nú verð-
ur galopið, bæði innlendum og er-
lendum keppendum í fyrsta skipti í
100 ára sögu þess. Allir tefla í sama
flokki. Mótið verður jafnframt Ís-
landsmót kvenna.
Mótið fór fyrst fram árið 1913 og
hét þá Skákþing Íslendinga allt til
ársins 1952 en hefur heitið Skák-
þing Íslands síðan þótt það sé kall-
að Íslandsmótið í skák í daglegu
tali.
Taflfélag Reykjavíkur hélt mótið
allt fram til ársins 1926 en frá og
með 1927 tók Skáksamband Íslands
við mótinu og hefur haldið það síð-
an.
Húsakynni mótsins verða einnig
óvenjuleg. Teflt verður á 20. hæð-
inni í Turninum í Borgatúni. Tefld-
ar verða 10 umferðir.
Núverandi Íslandsmeistari í skák
er Þröstur Þórhallsson. sisi@mbl.is
Íslandsmót-
ið opið út-
lendingum
 Skákþing Íslands
á 100 ára afmæli
Morgunblaðið/Ómar
Meistarinn Þröstur Þórhallsson er
núverandi Íslandsmeistari.
Verslun ÁTVR í Grundarfirði var
opnuð á nýjum stað í gær.
Hin nýja verslun er í sama hús-
næði og verslun Samkaupa er í dag,
að Grundargötu 36, en þar var áður
útibú Landsbanka Íslands. Hús-
næðið hefur hlotið gagngerar end-
urbætur og hafa iðnaðarmenn víðs-
vegar að af Snæfellsnesi komið þar
að verki.
Við flutninginn verður sú breyting
að auk þess sem rýmið eykst geta
viðskiptavinir nú náð í veigarnar
sjálfir í stað þess að fá þær afhentar
yfir borðið.
Vöruval verður svipað og verið
hefur en afgreiðslutíminn verður
lengdur um eina klukkustund yfir
sumartímann.
Nýr verslunarstjóri hefur verið
ráðinn, Kári Gunnarsson, en auk
þess mun Dagný Ágústsdóttir starfa
við vínbúðina.
Veigar ekki
lengur afhent-
ar yfir borðið