Morgunblaðið - Sunnudagur - 07.04.2013, Qupperneq 28

*Matur og drykkir Blásið var til indverskrar veislu í Hlíðunum þar sem gert var vel við gesti í mat og drykk »32
BLEIKJAN
2 stk bleikjuflök
50 g sykur
50 g salt
Aðferð
Bleikjan er beinhreinsuð.
Blandað er saman 50 g sykri og 50 g
salti. Stráð yfir og undir, látið standa
í 20 mín, skolað svo af.
Bleikjan er svo bökuð við 160°C í 6
mín. Tekin úr ofninum og roðið tek-
ið af.
RAUÐKÁL
½ haus rauðkál
1 msk ylliblómaedik
2 msk kaldpressuð repjuolía
Aðferð
Rauðkálið er skorið fínt í skál, olíu
og ediki hellt yfir og blandað saman
með skeið, einnig smásalt.
SÓSAN
200 ml súrmjólk
5 g fersk piparrót
150 g silungahrogn
Aðferð
Rifinni piparrót, klípu af salti og sil-
ungahrognum blandað saman við
súrmjólkina.
KARTÖFLUSMÆLKI
500 g rautt kartöflusmælki
Kartöflurnar eru skolaðar og soðnar
rólega með salti og einum hvítlauks-
geira. Tilbúnar þegar linar í gegn.
Látnar kólna, skornar í tvennt, brún-
aðar á pönnu og saltaðar létt.
Þ
essi réttur er sumarið í hnotskurn. Nýveiddur fiskur, ferskt
salat og auðveld en góð sósa. Þetta er uppáhalds-
sumarrétturinn minn. Þessi bleikja er reyndar frá Klaustri
en ég kýs mína bleikju úr Mývatni, þó þessi sé reyndar
ofsalega góð,“ segir Ólafur Helgi Kristjánsson, kokkur á Satt.
Ólafur er mikill stangveiðimaður og veiðir hvenær sem hann
getur. Veit hvað hann syngur um þessi málefni. „Þetta er mjög
auðveldur réttur og fljótlegur líka. Það er fínt að koma upp í veiði-
hús og græja þennan rétt einn tveir og þrír. Þetta er alveg eðal-
gott eftir góðan veiðidag.
Það geta allir eldað þetta, þetta er það auðveldur réttur. Dóttir
mín getur gert þetta,“ segir Ólafur og hlær.
Ólafur og Einar eru kokkar á Satt sem er staðsettur á Ice-
landair Hótel Reykjavík Natura. Staðurinn er hlýlegur veitinga-
staður með opnu eldhúsi. Staðurinn er búinn íslenskum hús-
gögnum auk þess sem Drápuhlíðargrjót skipar veglegan sess og
rammar inn fallegan arin sem gleður augað.
„Eins og Bubbi söng í gamla daga þá er sumarið tíminn. Það á
alveg við hjá okkur. Við erum með góðan pall þar sem mikill hita-
pollur myndast. Það er fátt betra en að fá sér einn ískaldan þar
eftir vinnu og njóta veðurblíðunnar. Það er búið að vera nóg að
gera hjá okkur í vetur og ég býst við að sumarið verði gríðarlega
gott.“ Satt er með lifandi starfsemi allan daginn og býður jafnt hót-
elgesti sem innlenda viðskiptavini velkomna í morgunverð, hádegis-
verð, kaffi og/eða kvöldverð. „Við erum með mjög flott hádegis-
verðarhlaðborð og léttan kvöldverðarseðil. Léttur og þægilegur. Við
erum heilsutengdir. Bjóðum upp á íslenskt, ferskt, létt og hollt,“
segir Ólafur hress og kátur að vanda enda var hann að fara í fimm
daga vélsleðaferð um hálendið.
Morgunblaðið/Rósa Braga
Einar og Ólafur Helgi Kristjánsson. Tveir góðir með bleikju í hendi.
Morgunblaðið/Rósa Braga
ÓLI OG EINAR Á SATT
Auðvelt, ferskt og gott
KOKKARNIR Á SATT, ÓLAFUR HELGI OG EINAR, VORU
EKKI LENGI AÐ HENDA UPP UPPSKRIFT AÐ BLEIKJU.
VEIÐITÍMABILIÐ ER HAFIÐ OG SEGIR ÓLAFUR AÐ ÞETTA
SÉ FLJÓTLEGT, AUÐVELT EN FYRST OG FREMST GOTT.
Benedikt Bóas benedikt@mbl.is
Bleikjan lítur vel út.
Vatnið streymir
fram í munninn.
Bleikja með sýrðu
rauðkáli og
kartöflusmælki