Morgunblaðið - 13.11.2013, Blaðsíða 12

SVIÐSLJÓS
Ingveldur Geirsdóttir
ingveldur@mbl.is
Margrét II Þórhildur Danadrottning
kom til landsins í gær til að taka þátt í
viðburðum sem helgaðir eru 350 ára
afmæli Árna Magnússonar handrita-
safnara. Drottning sat hátíðar-
kvöldverð í boði Ólafs Ragnars
Grímssonar, forseta Íslands, á Bessa-
stöðum í gærkvöldi. Dagurinn í dag
hefst í Þjóðmenningarhúsinu þar sem
Margréti Þórhildi verður afhent
fyrsta eintakið af tveggja binda verki
Guðjóns Friðrikssonar og Jóns Þ.
Þór um Kaupmannahöfn sem höf-
uðborg Íslands í 500 ár. Þar mun
drottning jafnframt skoða handrita-
sýninguna. Eftir hádegi, kl. 13:30,
hlýðir drottning á afmælisfyrirlestur
dönsku fræðikonunnar Annette
Lassen í hátíðarsal Háskóla Íslands
og í kjölfar þess heimsækir hún tón-
listar- og ráðstefnuhúsið Hörpu. Síð-
degis verður hún viðstödd opnun sýn-
ingarinnar Íslenska teiknibókin – 350
ára afmæli Árna Magnússonar í
Gerðarsafni í Kópavogi. Dagskrá
vegna 350 ára afmælis Árna Magn-
ússonar handritasafnara lýkur með
viðamikilli hátíðardagskrá í Þjóðleik-
húsinu í kvöld.
Danadrottning heldur aftur heim-
leiðis til Kaupmannahafnar í fyrra-
málið. Með í föruneyti drottningar er
Manu Sareen, samstarfsráðherra
Norðurlanda í dönsku ríkisstjórninni,
auk embættismanna úr dönsku hirð-
inni.
Var viðstödd lýðveldisafmælið
Þetta er í fimmta sinn sem Mar-
grét Þórhildur kemur í heimsókn til
Íslands. Hinn 4. júlí 1973 kom hún í
fyrstu opinberu heimsókn sína hing-
að og var þá eiginmaður hennar, Hin-
rik prins, með í för. Þau dvöldu hér í
fjóra daga og gistu í Ráðherra-
bústaðnum. Það var danska drottn-
ingarsnekkjan Dannebrog sem flutti
þau hingað til lands og lagðist hún að
Miðbakka í Reykjavíkurhöfn þar sem
forseti Íslands, dr. Kristján Eldjárn,
og frú tóku á móti þeim ásamt mann-
fjölda. Margrét Þórhildur og Hinrik
ferðuðust víða um Ísland, skoðuðu
meðal annars Þingvelli, Skálholt,
Gullfoss og Geysi, Dimmuborgir,
Ystahver og Mývatn, þá flutti drottn-
ingin ræðu í Lystigarðinum á Akur-
eyri. Í Reykjavík skoðuðu þau bæði
Þjóðminjasafnið og Listasafn ríkisins
og á síðasta degi heimsóknarinnar
heimsótti Margrét Þórhildur Barna-
spítala Hringsins og Stofnun Árna
Magnússonar í Árnagarði og skoðaði
þar handritin.
Danadrottning kom næst til lands-
ins vegna hálfrar aldar afmælis lýð-
veldisins, 17. júní 1994, og var þá við-
stödd hátíðardagskrá á Þingvöllum
ásamt fleiri þjóðhöfðingjum Norður-
landanna.
Næst komu Margrét Þórhildur og
Hinrik prins í opinbera heimsókn til
landsins 14. maí 1998 og stóð hún til
18. maí. Þau dvöldu í drottningar-
skipinu Dannebrog, sem var við
bryggju í Reykjavík meðan á heim-
sókninni stóð. Við komuna til landsins
héldu þau beint til Vestfjarða en það
var þá eini landshluti Íslands sem
drottningin hafði ekki áður heimsótt.
Þau fóru líka í sjóstangaveiði og
hvalaskoðun og heimsóttu Eyrar-
bakka. Margrét Þórhildur var við-
stödd opnun Listahátíðar í Reykjavík
og opnaði sýningu á Þjóðminjasafn-
inu í tengslum við hátíðina á kirkju-
klæðum sem hún sjálf hannaði.
Danadrottning kom aftur til Ís-
lands í október það sama ár, 1998, til
að vera viðstödd útför Guðrúnar
Katrínar Þorbergsdóttur forseta-
frúar sem gerð var frá Hallgríms-
kirkju.
Í júlí 2004 millilenti Margrét Þór-
hildur á Akureyri á leið sinni frá
Grænlandi til Danmerkur og stoppaði
í um 40 mínútur á flugvellinum, það
stutta stopp telst ekki til heimsóknar.
Í fimmtu heimsókn sinni til Íslands
 Margrét II Þórhildur Danadrottning og Hinrik prins komu fyrst hingað til lands 4. júlí 1973
 Ströng dagskrá hjá drottningu í dag í tilefni af 350 ára afmæli Árna Magnússonar handritasafnara
Morgunblaðið/Albert Kemp
Á Bessastöðum Um fimmtíu gestir sátu kvöldverðinn með drottningunni í gær, þeirra á meðal ráðherrar og
embættismenn auk íslenskra og danskra fræðimanna sem starfað hafa við stofnun Árna Magnússonar.
Stoppað Danadrottning á Vaðlaheiði árið 1973. Frá vinstri: Hinrik prins,
Halldóra Eldjárn forsetafrú, Margrét Þórhildur og börn frá Akureyri sem
afhentu konunum blómvendi. Á leiðinni frá Mývatnssveit og á Akureyri var
móttökuathöfn á sýslumörkum Eyjafjarðar og Þingeyjarsýslu á Vaðlaheiði.
12 FRÉTTIRInnlent
MORGUNBLAÐIÐ MIÐVIKUDAGUR 13. NÓVEMBER 2013
Matseðillinn í hátíðlegum kvöld-
verðarboðum á Bessastöðum er
jafnan hinn glæsilegasti. Í gær-
kvöldi var borið á borð fyrir
Margréti Þórhildi Danadrottn-
ingu og aðra gesti forsetans
grænmeti og reyktur áll með
fylltu eggi, sunnlenskur lax með
íslensku rótargrænmeti og
súkkulaðikaka með jarðar-
berjum.
Þess má geta að í fyrstu opin-
beru heimsókn Margrétar Þór-
hildar til Íslands árið 1973 var
matseðillinn á Bessastöðum
ekki síðri. Þá fékk hún reyktan
lax í forrétt, steikta önd í aðal-
rétt og perumarens í eftirrétt.
Reyktur áll,
lax og súkku-
laðikaka
MATSEÐILLINN
Margrethe Alexandrine Þórhildur
Ingrid fæddist 16. apríl 1940. Hún
er elsta dóttir Friðriks 9 og Ingiríð-
ar drottningar. Þegar Margrét Þór-
hildur fæddist var Ísland í konungs-
sambandi við Danmörku og hún því
einnig íslensk prinsessa.
Árið 1967 giftist Margrét Þór-
hildur franska greifanum Henri de
Laborde de Monpezat sem fékk
nafnið prins Henrik af Danmörku
við giftingu. Hjónin eiga tvo syni,
Friðrik sem er fæddur 1968 og Jóa-
kim, fæddan árið eftir. Barnabörn-
in eru orðin átta.
Margrét Þórhildur var krýnd
drottning Danmerkur 15. janúar
1972, eftir að faðir hennar lést.
Fyrir tveimur árum gerði Politi-
ken könnun á viðhorfi Dana til kon-
ungsembættisins. Þar kom í ljós að
tæplega 80% Dana hafa mikið álit á
konungsfjölskyldunni og vilja frek-
ar búa í konungsríki en lýðveldi.
Aðrar skoðanakannanir hafa bent
til þess að Margrét Þórhildur sé
vinsælasti konungborni þjóðhöfð-
ingi í Evrópu. Hún hefur gott orð á
sér fyrir listsköpun og málverk
hennar og teikningar hafa vakið at-
hygli víða um heim.
Verið drottning í 41 ár
Morgunblaðið/Golli
Frúr Margrét Þórhildur og Guðrún
Katrín forsetafrú á Flateyri 1998.
Hvernig væri
aðeins betra
veður?
Lækkum vindhraða
með skógrækt.
Björn Jón Bragason í 2. - 3. sæti
í prófkjöri sjálfstæðismanna
í Reykjavík 16. nóvember.
Sími 412 2500 - sala@murbudin.is - www.murbudin.is
Skrúfur, múrboltar og
festingavörur
Morgunblaðið/Golli