Morgunblaðið - 13.11.2013, Blaðsíða 20

20 FRÉTTIRErlent
MORGUNBLAÐIÐ MIÐVIKUDAGUR 13. NÓVEMBER 2013
Hamraborg 9 | sími 564 1451 | www.modurast.is | opið 10-18 virka daga og 12-16 laugardaga
INNISKÓR
á stráka
og stelpu
r
Bogi Þór Arason
bogi@mbl.is
Óttast er að farsóttir breiðist út á
hamfarasvæðunum á Filippseyjum
vegna rotnandi líka sem liggja eins
og hráviði á götunum og vegna
skorts á hreinu drykkjarvatni.
Mikil óvissa er enn um hversu
margir fórust í fellibylnum sem
gekk yfir miðhluta Filippseyja á
föstudaginn var. Embættismenn
Sameinuðu þjóðanna telja að yfir
10.000 manns hafi látið lífið í Tacl-
oban-borg einni og þúsunda manna
er saknað á öðrum svæðum í hér-
uðunum Leyte og Samar þar sem
heilu bæirnir og hverfin lögðust í
rúst.
Líkin á götunum í Tacloban eru
svo mörg að hermenn, sem sendir
voru til borgarinnar, sögðust finna
til velgju vegna rotnunardaunsins.
Margir íbúa borgarinnar eru orðnir
örvæntingarfullir og ævareiðir yfir
því hversu hægt björgunar- og
hjálparstarfið hefur gengið.
„Við fáum engan mat, en það er
ekki eins mikið vandamál og öll lík-
in,“ hefur blaðamaður The New
York Times eftir íbúa þorps nálægt
Tacloban. „Það eru lík úti um allt og
við erum að sýkjast.“
2,5 milljónir þurfa
matvælahjálp
Embættismenn Sameinuðu þjóð-
anna segja að meira en ellefu millj-
ónir manna, eða meira en 10% íbúa
landsins, hafi skaðast með einhverj-
um hætti í náttúruhamförunum.
Talið er að 2,5 milljónir manna
þurfi á matvælahjálp að halda
vegna hamfaranna og að 673.000
manns hafi misst heimili sín.
Sameinuðu þjóðirnar óskuðu í
gær eftir fjárframlögum að and-
virði alls 301 milljónar Bandaríkja-
dala (37 milljarða króna) vegna
björgunar- og hjálparstarfsins.
„Við búumst vissulega við því
versta,“ hefur fréttaveitan AFP eft-
ir John Ging, sem stjórnar hjálpar-
starfi Sameinuðu þjóðanna. „Eftir
því sem við fáum meiri aðgang að
hamfarasvæðunum því hörmulegri
verða upplýsingarnar sem við fáum
um manntjónið.“
Ging sagði að eitt af forgangs-
verkefnunum væri að sjá íbúunum
fyrir hreinu drykkjarvatni.
Mikið úrhelli, sem fylgdi nýrri
hitabeltislægð á Filippseyjum, tor-
veldaði björgunarstarfið í gær.
Mörg hamfarasvæðanna eru enn
einangruð vegna skemmda á veg-
um, brúm, bryggjum og flugvöllum.
Hundruð hermanna eru komin til
Tacloban en aðeins litlar flugvélar
geta lent á flugvelli borgarinnar
vegna skemmda á ratsjám og öðr-
um búnaði til flugumferðarstjórnar.
Skorturinn á matvælum og
hreinu drykkjarvatni hefur orðið til
þess að örvæntingarfullir íbúar
borgarinnar hafa látið greipar sópa
um matvöruverslanir. Glæpahópar
hafa einnig notfært sér ringulreið-
ina til að ræna og rupla og skýrt var
frá því í gær að fimmtán upp-
reisnarmenn úr röðum kommúnista
hefðu ráðist á vörubíla sem fluttu
hjálpargögn á hamfarasvæðið.
Tveir uppreisnarmannanna biðu
bana í átökum við stjórnarher-
menn.
Fregnir hermdu einnig að maður,
vopnaður sveðju, hefði reynt að
ræna starfsmenn hjálparsamtaka
þegar þeir tóku á móti lyfjum á
einu hamfarasvæðanna.
Yfirvöld gripu til þess ráðs
að setja útgöngubann í Tacl-
oban frá klukkan tíu á kvöldin
til sex á morgnana til að binda
enda á gripdeildirnar. Margir
íbúanna þurfa að sofa undir ber-
um himni vegna þess að þeir
misstu heimili sín og ekki var
ljóst í gær hvaða áhrif út-
göngubannið hefur á þá.
Mörg sjúkrahús og
apótek eyðilögðust í
náttúruhamförunum og
stór svæði eru án raf-
magns og símasam-
bands. Sum svæðanna
gætu verið án rafmagns
í allt að sex mánuði
vegna eyðileggingarinnar,
að sögn orkumálaráðu-
neytis Filippseyja.
Óttast að
farsóttir
breiðist út
 Sameinuðu þjóðirnar óska eftir fjár-
framlögum vegna náttúruhamfaranna
Stjórnvöld í Bandaríkjunum og Bretlandi hafa tilkynnt að þau
hyggist senda herskip til Filippseyja til að aðstoða við hjálpar-
starfið. Bandaríska flugmóðurskipið USS George Washington
hélt þangað frá Hong Kong með 5.000 hermenn og meira en 80
flugvélar og þyrlur. Fimm önnur herskip fylgja flugmóðurskip-
inu og gert er ráð fyrir því að þau verði komin til Filippseyja
innan tveggja daga, að sögn bandarískra varnarmálaráðuneyt-
isins. Áður höfðu tugir bandarískra hermanna verið sendir til
Tacloban-borgar á Filippseyjum.
David Cameron, forsætisráðherra Bretlands, tilkynnti
í fyrradag að breskt herskip hefði verið sent frá Singa-
púr til Filippseyja.
Mörg önnur ríki hafa lofað Filippseyingum aðstoð,
þeirra á meðal Kína sem hefur átt í harðri deilu við
Filippseyjar um olíuríkt svæði í Suður-Kínahafi.
Barnahjálp Sameinuðu þjóðanna, UNICEF, kvaðst
hafa sent flugvél með 60 tonn af hjálpargögnum og
gert var ráð fyrir því að hún kæmi til Filippseyja í
gærkvöldi. Stofnunin hyggst einnig senda þangað
hreinlætistæki og búnað til að hreinsa vatn.
Læknar án landamæra ætla að senda 200 tonn af
hjálpargögnum á hamfarasvæðin.
Ríki og stofnanir lofa aðstoð
FLUGVÉLAR OG HERSKIP SEND TIL FILIPPSEYJA
Reist úr rústum
Íbúi Tacloban
endurreisir hús
sitt sem hrundi í
hamförunum.
Eyðilegging Piltur horfir yfir
rústir húsa í borginni Tacloban,
höfuðstað Leyte-héraðs.
Tilkynnt var í
gær að mæðrum
nýfæddra barna
á tveimur svæð-
um í Bretlandi
yrði greitt fyrir
að gefa barni
sínu brjóst.
Þetta er gert til
að kanna hvort
slíkar greiðslur geti orðið til þess
að fleiri mæður gefi börnum sín-
um brjóst, en tíðni brjóstagjafar
er minni í Bretlandi en í mörgum
öðrum löndum. Mæðurnar fá
úttektarmiða að jafnvirði 24.000
krónur ef þær gefa barni sínu
brjóst fyrstu sex vikurnar og
39.000 krónur ef þær halda því
áfram í sex mánuði.
BRETLAND
Mæðrum borgað
fyrir brjóstagjöf