Morgunblaðið - 13.11.2013, Blaðsíða 18

BAKSVIÐ
Helgi Vífill Júlísson
helgivifill@mbl.is
Sigmar Guðbjörnsson, formaður
Samtaka sprotafyrirtækja og fram-
kvæmdastjóri Stjörnu-Odda, segir
að það ríki fákeppni meðal fjárfesta.
Fjárfestar ættu að slást um bestu
bitana þegar kemur að sprotafyrir-
tækjum en það sé ekki reyndin hér á
landi. Þannig sé málum háttað er-
lendis. „Bestu hugmyndirnar fara
því of ódýrt til fjárfesta og því eiga
frumkvöðlar að leita út fyrir land-
steinana í ríkara mæli að fjárfest-
um,“ segir hann.
Þetta kom fram á vikulegu ný-
sköpunarhádegi Klak Innovit sem
fram fór í frumkvöðlasetrinu Innov-
ation House á Seltjarnarnesi í gær.
Stjörnu-Oddi var stofnaður árið 1985
og er framarlega á sviði rafeinda-
merkja sem notuð eru til rannsókna
á sjávardýrum. Sigmar segir að fyr-
irtækið selji um allan heim.
Alþjóðlegir frumkvöðlar
Haukur Guðjónsson, fram-
kvæmdastjóri Búngaló, en fyrirtæk-
ið aðstoðar íslenskar fjölskyldur við
að leigja út sumarhús sín, hélt einnig
framsögu og lagði ríka áherslu á að
íslenskir frumkvöðlar hugsuðu líkt
alþjóðlegir frumkvöðlar. „Íslenski
markaðurinn er afar sérstakur þar
sem við erum svo fámenn,“ segir
hann, og velti upp spurningunni
hvort það væri hægt að þróa vörur
fyrir svo lítinn markað. Hann bendir
á að í Noregi búi fimm milljónir
manna og í Kanada 35 milljónir, en
Kanadamenn segi oft sín á milli að
þeir eigi ekki að einbeita sér að svo
litlum markaði. „Margir Kanada-
menn vilja fara í landvinninga til
Bandaríkjanna,“ segir hann.
Hann kvartar yfir því hve mikið
það kosti að skrá fyrirtæki hér á
landi eða 140 þúsund krónur. Það
kosti til að mynda ekkert í Dan-
mörku og undir tíu þúsund krónum í
Delaware í Bandaríkjunum. „Þetta
er í raun skattur á frumkvöðla,“ seg-
ir Haukur. Hann segir að fyrir frum-
kvöðla sem séu að stíga sín fyrstu
skref séu 140 þúsund krónur ansi há
upphæð, sem annars væri hægt að
nýta til uppbyggingar á fyrirtækinu.
Haukur vék einnig að gjaldeyris-
höftunum og segir að þau geri frum-
kvöðlum erfitt fyrir og vegna þeirra
hafi hann þurfti að seinka því að
sækja á erlenda markaði.
Fjármagn með þekkingu
Sigmar hvetur líka frumkvöðla til
þess að líta út fyrir landsteinana.
Hann segir að við fjármögnun á fyr-
irtækjum þurfi frumkvöðlar að átta
sig á hvort þá vantar pening eða
hvort þá vantar pening með þekk-
ingu. Og ef frumkvöðlar komi ekki
auga á fjármagn sem fylgi þekking
sem þeir þurfi á að halda sé æskilegt
að leita að því erlendis.
Svana Helen Björnsdóttir, for-
stjóri Stika og formaður Samtaka
iðnaðarins, hefur talað um mikilvægi
þess að fjárfestingu í nýsköpunar-
fyrirtækjum fylgi fjármagn. Fyrir
mánuði sagði hún við Morgunblaðið
að það væri ekki nóg að lífeyrissjóðir
fjárfestu í nýsköpunarfyrirtækjum.
Þekking sem nýttist fyrirtækinu
þyrfti einnig að fylgja fjármagninu.
Það gæti falið í sér að í stjórn fyr-
irtækisins settist einhver sem hefði
þekkingu á því að markaðssetja sam-
bærilega vöru erlendis eða gæti
komið á tengslum við lykilviðskipta-
vini.
Endurgreiðsla á
þróunarkostnaði
Sigmar segir að endurgreiðslur á
hluta rannsóknar- og þróunarkostn-
aðar frá ríkisskattstjóra, sem geti
numið allt að 20%, hafi hjálpað frum-
kvöðlum mikið. Hægt sé að nýta
þessa endurgreiðslu jafnvel þótt fyr-
irtækin greiði ekki tekjuskatt. „Sam-
tök sprotafyrirtækja leggja áherslu
á að halda þessari skattaívilnun,“
segir hann, og getur þess að uppi
hafi verið hugmyndir um að lækka
endurgreiðsluna í 15% úr 20%.
Fákeppni ríkir meðal fjárfesta
Morgunblaðið/Eggert
Erindi Sigmar Guðbjörnsson, formaður Samtaka sprotafyrirtækja.
 Íslenskir frumkvöðlar eiga að vera
óhræddir við að keppa á alþjóðavísu
Nýsköpun
» Búngaló aðstoðar íslenskar
fjölskyldur við að leigja út
sumarhús sín.
» Stjörnu-Oddi er framarlega
á sviði rafeindamerkja sem
notuð eru til rannsókna á sjáv-
ardýrum.
Haukur
Guðjónsson
Sigmar
Guðbjörnsson
18 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 13. NÓVEMBER 2013
Ha l l d o rh a l l d o r s . i s | f a c e book . c om/ha l l d o r i f y r s t a s a e t i d
Velkomin á kosningaskrifstofuna Bolholti 1.
Við styðjum
í prófkjöri Sjálfstæðismanna í Reykjavík
nk. laugardag, 16.nóvember.
1.
S Æ T I
Erla Ósk Ásgeirsdóttir
formaður fjárlaganefndar
Sjálfstæðisflokksins
Ásta Möller
fyrrv. alþingismaður
Guðrún Pétursdóttir
lífeðlisfræðingur
Hilmar Guðlaugsson
fyrrv. borgarfulltrúi
Guðmundur Hallvarðsson
fyrrv. alþingismaður
Benedikt Jóhannesson
Stærðfræðingur
Lillý Valgerður
Oddsdóttir
Brynjar Níelsson
alþingismaður
Fjarskiptafélögin Vodafone og Nova
hafa ákveðið að ganga til formlegra
viðræðna um stofnun nýs rekstrar-
félags sem reka mun sameinað far-
símadreifikerfi félaganna tveggja.
Núverandi dreifikerfi félaganna
verða lögð saman í eitt alhliða far-
símadreifikerfi sem verður í eigu
hins nýja rekstrarfélags. Vodafone
og Nova munu leggja jafnt stofn-
framlag til rekstrarfélagsins og eiga
í því jafnan hlut, segir í tilkynningu.
„Með sameiningu dreifikerfanna
skapast mikil tækifæri til stækkunar
og verulegt hagræði næst í fjárfest-
ingum og rekstri. Einnig verður
þétting og uppbygging kerfisins
hraðari en annars væri mögulegt,“
segir í tilkynningunni.
Undirbúningsvinna vegna stofn-
unar félagsins hefur farið fram um
nokkra hríð með vitneskju Sam-
keppniseftirlitsins og Póst- og fjar-
skiptastofnunar. Vodafone og Nova
munu óska eftir heimild þessara að-
ila til að stofna nýja rekstrarfélagið
og að þeim fengnum mun félagið
taka til starfa.
Vonir standa til að það verði á
fyrri hluta ársins 2014. Engin breyt-
ing verður á samkeppni félaganna á
fjarskiptamarkaði, þar sem sam-
reksturinn snýr einungis að tækni-
legum þáttum í rekstri þeirra.
Reynsla annarra landa af sam-
bærilegum samrekstri er góð, til
dæmis í Danmörku, Svíþjóð og Bret-
landi. Áhrifin á rekstrarafkomu
Vodafone verða að öllum líkindum
jákvæð. Talið er að fjárfestinga-
kostnaður Vodafone vegna far-
símakerfa geti lækkað um allt að
25%. Þá verður farsímakerfið öfl-
ugra en annars væri mögulegt og
þjónusta við farsímanotendur betri,
segir í tilkynningu.
Nova Liv Bergþórsdóttir er fram-
kvæmdastjóri Nova.
Nova og
Vodafone
í samstarf
 Sameinast um
rekstur dreifikerfis