Morgunblaðið - 11.01.2014, Síða 1

L A U G A R D A G U R 1 1. J A N Ú A R 2 0 1 4
Stofnað 1913  9. tölublað  102. árgangur 
ENN ÓMA TREGA-
TÓNAR RAGNARS
KJARTANSSONAR
MARGT ILLT
Í GÓÐU OG
GOTT Í ILLU
STJÓRINN
STYRKIST MEÐ
HVERJU ÁRINU
SUNNUDAGUR BRUCE SPRINGSTEEN 54INNSETNING 56
Rúnar Pálmason
runarp@mbl.is
Um áramót biðu 136 börn og ung-
lingar eftir því að komast að á
göngudeild barna- og unglingageð-
deildar Landspítala (BUGL) og hef-
ur biðlistinn ekki verið lengri frá
árinu 2007 þegar gripið var til sér-
stakra ráðstafana til að stytta hann.
Í fyrra voru alls skráðar 7.015 kom-
ur á göngudeildina, fleiri en nokkru
sinni fyrr. Mest munar um fjölgun
bráðatilfella, að sögn Unnar Hebu
Steingrímsdóttur, þjónustustjóra
BUGL.
580 börn luku meðferð
Það segir sína sögu að þrátt fyrir
að 580 börn hafi lokið meðferð á
BUGL á árinu 2013, mun fleiri en
undanfarin ár, skuli biðlistinn enn
lengjast.
Í fyrra voru bráðainnlagnir á
legudeild BUGL alls 161, af alls 220
innlögnum. Bráðatilfelli sem vísað
var til göngudeildar voru 334, tæp-
lega helmingur af öllum tilvísunum
þangað. Bráðatilfellunum hefur
fjölgað jafnt og þétt á undanförnum
árum.
Unnur Heba segir að fjölgun
bráðatilfella sé einkum vegna þess
að fleiri börn og unglingar lýsi lífs-
leiða, tjái sig um sjálfsvígshugsanir,
sýni sjálfsskaðahegðun, þ.e. veita
sér sjálfsáverka, eða geri sjálfsvígs-
tilraunir. „Málin eru að verða
þyngri og flóknari,“ segir hún.
Bráðatilfelli á BUGL aldrei fleiri
 Málin að verða þyngri og flóknari  Biðlistar ekki verið lengri frá árinu 2007
Beðið eftir BUGL
» Forgangsraðað er á biðlista
göngudeildar og endurskoðað
reglulega með tilliti til þess
hvort aðstæður þeirra sem á
honum eru hafi breyst.
» Biðin á honum getur varað
allt frá nokkrum vikum í um 18
mánuði.
MFærast til í kerfinu »20
Þetta par var á ferðinni á Laugaveginum í miðbæ Reykjavíkur í gær. Þau
voru vel klædd og yljuðu auk þess hvort öðru með innilegu faðmlagi um leið
og kíkt var inn um búðarglugga. Hiti verður kringum frostmark á landinu í
dag, léttskýjað sunnanlands og lítils háttar snjókoma víða annars staðar.
Innpökkuð og innileg
Morgunblaðið/Golli
Ferðamenn á Laugaveginum
Gunnar Dofri Ólafsson
gunnardofri@mbl.is
„Menn voru allir sammála um það á
þessum fundi að það þyrfti að standa
vörð um verðlagsstöðugleika, enda
er hann forsenda kjarasamninganna
sem eru svo aftur forsenda langtíma-
stöðugleika og kaupmáttaraukning-
ar á næstu árum,“ segir Sigmundur
Davíð Gunnlaugsson forsætisráð-
herra. Hann og Bjarni Benediktsson
fjármálaráðherra áttu fund með að-
ilum vinnumarkaðarins í hádeginu í
gær um hvernig ætti að tryggja stöð-
ugleika vegna kjarasamninganna
sem náðust stuttu fyrir jól. „Það
mikilvægasta við þennan fund var
kannski að viðhalda trausti milli að-
ila og að það væru allir einlægir í að
tryggja stöðugleika.“
Ráðherrarnir boðuðu skipun
fastanefndar með það að leiðarljósi
að tryggja verðstöðugleika í landinu.
Fundinn sátu, auk ráðherranna,
fulltrúar ASÍ, BHM, BSRB, SA,
Bændasamtakanna, Kennarasam-
bands Íslands og Sambands ís-
lenskra sveitarfélaga.
„Við erum mjög einhuga um mik-
ilvægi þessa markmiðs. Þetta var
rætt á ríkisstjórnarfundi og ráð-
herrar munu beina því til stofnana
og fyrirtækja sem undir þá heyra að
verja verðlagsstöðugleikann,“ segir
Sigmundur.
Hann segir fundarmenn hafa sam-
mælst um aðgerðir til að fylgja eftir
þessu markmiði, og nefndi að farið
yrði í átak til að kynna nauðsyn verð-
stöðugleika og því beint til nýrrar
fastanefndar um samskipti samtaka
aðila á vinnumarkaði, sveitarfélaga
og ríkisins að skipuleggja samhæfð-
ar aðgerðir til að fylgjast með og
hafa áhrif á verðlagsbreytingar.
Þarf traust
til að tryggja
stöðugleika
 Ráðherrar og aðilar vinnumarkaðar-
ins á fundi  Aukið eftirlit með verðlagi
MKjaramál »4 og 6
 „Niðurstaðan
er í rauninni
bara sú að við
ætlum að ræða
samningsmálin í
heild sinni,“
sagði Unnur Pét-
ursdóttir, for-
maður Félags
sjúkraþjálfara,
eftir fund sjúkra-
þjálfara með
fulltrúum Sjúkratrygginga í gær.
„Við útskýrðum þá túlkun okkar að
með því að hafa sagt þessu ákvæði
upp væri samningurinn fallinn úr
gildi. Þeir mótmæltu því en það var
bara skoðun á móti skoðun,“ segir
hún. Náist ekki samkomulag um
nýjan samning fyrir 1. febrúar,
munu sjúkraþjálfarar hætta að
starfa samkvæmt núverandi fyr-
irkomulagi. Kristján Þór Júlíusson
heilbrigðisráðherra sagðist í gær
hafa fullan skilning á afstöðu
sjúkraþjálfara en hann hyggst ekki
tjá sig frekar um málið fyrr en að
loknum fundi með fulltrúum þeirra
næstkomandi miðvikudag. »16
Ræða samnings-
málin í heild sinni
Kristján Þór
Júlíusson
 Mjólkursamsalan mun flytja aftur
út einn þriðja af því smjöri sem flutt
var til landsins fyrir jólin. 80 tonn
voru nýtt við framleiðslu á ostum
en 40 tonn liggja enn á hafnarbakk-
anum, ótollafgreidd.
Egill Sigurðsson, formaður
stjórnar Mjólkursamsölunnar, segir
að innflutningurinn hafi verið ríf-
legur til þess að tryggja hráefni í
allar vörur sem MS hefur á boð-
stólum og anna eftirspurn annarra
fyrirtækja í matvælavinnslu. Bænd-
ur hafi tekið vel hvatningu um að
auka framleiðsluna og nú segir Eg-
ill ljóst að ekki sé þörf fyrir það sem
eftir sé af innflutta smjörinu. »14
Hluti af írska smjör-
inu endursendur
Klípa Smjörið er vinsælt.
Signý Jóhannesdóttir, varaforseti ASÍ, segir gríð-
arlega mikilvægt að til að kjarasamningarnir verði
samþykktir þurfi að ríkja traust. „Það er mikið van-
traust í samfélaginu,“ segir Signý.
„Boðaðar gjaldskrárhækkanir á heilsugæslu sátu
mjög í fólki fyrir fundinn. Þegar við komum út af hon-
um heyrðum við af boðuðum hækkunum virð-
isaukaskatts á matvæli,“ segir hún. „Mér varð eig-
inlega um og ó þegar ég heyrði af þessu. Maður spyr
sig hvort þessir menn hreinlega vilji ekki að þessir kjarasamningar
verði samþykktir,“ segir Signý. „Ríkisstjórnin þarf að koma með skýra
yfirlýsingu um að hún ætli að gera eitthvað sem verulega skiptir máli.“
Mikið vantraust í samfélaginu
KJARAMÁL OG VERÐLAGSSTÖÐUGLEIKI
 Um 17% krafna í lánasafni Lána-
sjóðs íslenskra námsmanna eru af-
skrifaðar árlega. Hrafnhildur Ásta
Þorvaldsdóttir, framkvæmdastjóri
LÍN, segir sjóðinn finna fyrir því að
fólk eigi erfiðara með að standa í
skilum en áður og að áhrifa í formi
aukinna afskrifta gæti þegar. Lána-
safnið sé viðkvæmt fyrir ytri þátt-
um í samfélaginu.
Rúmlega 12.200 manns fengu út-
greidd námslán á síðasta ári og eru
81% þeirra í námi hérlendis. Þeim
sem skulda sjóðnum meira en 12,5
milljónir króna hefur fjölgað hratt
á síðustu fimm árum. Í mörgum til-
fellum endist fólki ekki starfsævin
til þess að greiða af námslánum sín-
um. »30
Erfiðara að standa
í skilum við LÍN